عاصفة

البارت ١٦❤️

بالفندق
بعد ماطلعت من الشركه وماتكلمو مع بعض
فالح: تعرف المدير انت !
ملاذ اللي كانت فاتحه مسلسل: اي
فالح: من وين تعرفه ؟ وهالشخص له سنوات هنا وحتى انصدمت انه مو اجنبي
ملاذ: امم يهمك !
فالح عقد حواجبه: شلون يهمني اكيد يهمني مو مالك موصيني عليك
ملاذ: لاتحاتي لو كل الدنيا اذتني هالشخص مستحيل ياذيني
فالح انصدم: لها الدرجه
ملاذ رفعت يدها ب اوك : علشان كذا لاتسال كثير ورح تعرف قريب من يكون وصح بكرا بعد الاجتماع على طول بروح اقابله قبل السفر
فالح مايقدر يقول لها شي بكونها ولد وعمرها مو بعمر ان احد يتحكم فيها !
اليوم الثاني
تحديدا بعد ما انتهت الاجتماعات اتصلت عليه وقالت به عن المكان بعد دقايق وقفت بجنبها سياره رياضيه من احدث الموديلات انصدمت انها واقفه قدامها تحركت لقدام شوي اما هو نزل من السياره يضحك عليها
عماد: شفيك تعال يلا
فالح اللي كان واقف : لاتتاخر لان لازم نرتاح قبل الطياره
ملاذ: حاضر
ركبت السياره بجنبه
ملاذ: انت شخص مستحيل اول شي شركه والحين هذي
عماد ببتسامه: وانتي للحين شفتي شي !
ملاذ: همم يعني فيه بعد
عماد: كثييير فيه
ملاذ: بديت اخاف منك والله
عماد: لاتخافين مني ابد
ملاذ: طيب
نزلو مطعم ياكلون بعد الاكل قررو يجلسون لفتره وبعدها يروحون يمشون بالاماكن المفتوحه
عماد: ايوه ايش صاير عندكم
ملاذ بدت تحكي له كل اللي صار بالسنه نفسها ماحكت له عن اللي صار قبل
ملاذ: وبس هذا الموضوع
عماد: كل هذا صار وانتي كيفك
ملاذ ابتسمت: تعودت لاتحاتي
عماد: تمام نرجع الحين
ملاذ: وانت للحين ماقلت لي وش صار معك كل هالسنوات
عماد: بنيت نفسي من الصفر فيك تقولين امم جربت كل انواع الحياه هنا
رجعو يتكلمون سوا
بعيد عنهم
مالك: اقول خالد فالح ما اتصل عليك
خالد: لا ليه
مالك: اتصل على ملاذ ماترد استغربت مو بعادتها وخايف صاير لها شي
خالد: لحظه برسل له
خالد ارسل ل فالح اللي اخذ وقت ورد عليه
فالح: هلا
خالد: هلابك اخبارك
فالح؛ بخير وانت
خالد: بخير واخبار سعود
فالح: بخير
خالد: مالك يقول يتصل عليه ولا يرد
فالح: اي طالعنا للاجتماع وشحن جواله قليل و الحين مع واحد وقال مارح يطول وبيرجع
خالد عقد حواجبه عدل جلسته: مع واحد ! وانت تاركه كذا
فالح: اجل وش احبسه
خالد: مو تحبسه بس على الاقل رح وياه
فالح: حاضر المره الجايه بس واضح انهم يعرفون بعض
خالد: كيف يعرفون بعض !
فالح: مدري بس كذا واضح لهم معرفه قديمه
خالد: اها تمام يلا طمنا بس يرجع
فالح: طيب
سكر منه ورجع يتصل عليها ماترد صدق
عند خالد ومالك
مالك : شقال !
خالد: طالعه مع شخص واضح انهم يعرفون بعض من قبل
مالك: من بيكون
خالد: وش عرفني انا سالته قال ماعرفه وسكر
مالك رجع يتصل عليها ويرسل بس ماردت
مالك : من تتوقع وليه ماكان موجود لما توفى فارس
خالد: لاتسوي فيها المحقق كونان اجلس ولما ترجع اسالها
بعد يومين
عماد ضمها: يلا بس ارجع بجي اشوفك نفس رقمك لاتغيرينه
ملاذ: ادري لاتهاوش
فالح اللي جاء بعد ما انهاء الاجراءات : يلا نروح
ملاذ: يلا
ركبو الطياره وهم صمت
فالح: عادي اسالك
ملاذ: اي
فالح: من هذا الشخص ! اللي علاقتك فيه كذا
ملاذ: ولد عمي
فالح عقد حواجبه: ولد عمك قريب ولا ؟
ملاذ: اي ولد عمي القريب
فالح: ووين كان
ملاذ: مثل ماشفته الحين وش وصل له اختفى من ١٠ سنوات وشي
فالح: وماكان له تواصل معكم !
ملاذ حركت راسها بلا
قضو الطريق بالطياره بالسوالف وافلام مع وقت نامو فيه
طلعو بعد ماخلصو اجراءات
كانو واقفين ينتظرونهم
ملاذ ابتسمت وهي تشوفهم اما هو كان واقف بجنبهم وواضح مغصوب يجي
عزيز ضمها بسرعه قبل لاتمشي من جنبه : واو اخيرا ولدي رجع لي
ملاذ ضحكت : عزيز خنقتني
عزيز ضحك: بالله ما اشتقت لي
ملاذ: الا كثير اشتقت
مالك ابتسم قبل ضمها بدوره
فالح اللي كان واقف وراها رافع حاجبه : واو اهنيكم صراحه ولا كاني موجود
خالد قرب منه وضمه: الحمدلله على السلامه
فالح ابتسم قبل يضمه بدوره : الله يسلم قلبك
عزيز ماسك ملاذ : يلا تعال نروح
انصدمو وكلهم بوقت واحد : وين ؟
عزيز بجديه غريبه: عندي موضوع معه بس اخلص بجيبه بالمكان اللي انتو فيه
ماترك لهم مجال يسالونه واختفى
فالح: صاير شي !
مالك رفع كتفه
خالد: عزيز ماتعرف حركاته بس واضح انه فيه شي
عزيز اللي فتح السياره وركبت
ملاذ: صاير شي
عزيز: انتي اللي احكي لي كيف تعرفين عماد ؟ !
ملاذ انصدمت : كيف عرفت لحظه انت تعرف عماد اصلا !
عزيز فتح محادثه تركي اللي كان مسافر بالصدفه قبل سفرهم وصور ملاذ مع عماد عارف انه ممكن ماتصدقين بس انه مسافر قبلكم بفتره طويله علشان كذا تكلمي يلا
ملاذ: عماد ولد عمي
عزيز تغيرت تعابير وجهه للجمود ضحك : تمزحين صح وش هالمزح الغريب
ملاذ: عزيز اتكلم معك جد انا
عزيز: ولد عمك !
ملاذ: اي ولد عمي
عزيز ظل ساكت لفتره طويله
ملاذ: شفيك
عزيز: ولاشي بفهمك بعدين بس الحين اتركيني عندي شي براسي وضروري نروح لمكان قبل ترجعين
ملاذ راحت معه وهي مستغربه من الموضوع
بعيد عنهم
فالح: اي عماد ال **
مالك رفع راسه لخالد متفاجئ
خالد: عيد الاسم
فالح : عماد ال** ولد عم ملاذ
مالك: اعرف انه ولد عمها بس من وين طلع ومتى سوا كل هذا علشان يكون صاحب شركه عالميه ولها فروع بكل مكان
فالح: فهموني شالسالفه
مالك: عماد صاحب خالد الروح بالروح من سنوات كانو جيران قبل ١٠ سنوات سافر واختفت اخباره
خالد مكتف يدينه ويناظر الجدار بتركيز
بالصاله الرياضيه دخلت انصدمت ببتسامه
عزيز: شي بسيط مانسيت ترا انه ميلادك قبل يومين بس امم يعني كنتي مسافره
ملاذ بمتنان: عزيز مره شكرا
عزيز: العفو يلا تعالي انفخي الشموع والكيك
سمعو صوت الباب ينفتح
بحكم ان الصاله كانت من طراز قديم وكان الباب له صوت مميز بخطط عزيز انه يغير كل شي بالمكان بعد رجوعها من السفر لانها رح تساعده كونها شريك معه
ملاذ : فيه احد جاي !
عزيز: لا غريبه لحظه اشوف
طلع من غرفه الاداره ووقف مو مصدق الشخص اللي قدامه
عزيز : عماد !
عماد قرب منه: عزيز اخبارك
عزيز : ياه ياسرع الدنيا والله وتغيرت ملامحك وكبرت بس عرفتك
عماد ابتسم قبل يسلم عليه : حتى انت لو مو هالصاله كان ماعرفتك صدق
ملاذ: عماد !
عماد ابتسم وضمها له: اكيد اشتقت لي
ملاذ بعدته عنها : اوه بعد عني شفيكم كلكم حابين تضموني اليوم
عماد عقد حواجبه : من ضامك غيري
ملاذ بجديه: عماد شصاير وش اللي غير الكلام وجيت اليوم
عماد: خلصت اشغالي امس كله وجيت
ملاذ : صاحي من امس !
عماد: شي زي كذا وبعدين لحظه ابتسم لها: كل عام وانت بخير
ملاذ : وانت بخير يارب
بعد ماخلصو جلستهم رجعو لشقه
عماد: معك احد ساكن !
ملاذ: مع فالح الي شفته من قبل قلت لك قلبت شقتي مرسم بس فيها غرفه للنوم
عماد : وانتي ان شاء الله وين بتكونين
ملاذ : بكون بغرفتي بالشقه اكيد
عماد: مع فالح!
ملاذ: عماد اذا ناسي فا فالح يعرف اني سعود مايعرف عني
عماد تنهد: طيب وينه هو بالشقه ولا مابعد جاء !
ملاذ: ماتوقع يمكن راح لبيت مالك
عماد: مالك نفسه صاحب فارس !
ملاذ: اي
عماد: طيب شوفي الحين خلينا نروح فوق واليوم رح تنامين بغرفتك فوق قولي لفالح انك بتنامين فوق عشان عندك لوحه تخلصينها
ملاذ استغربت : ليه يعني !
عماد : امم يعني تبين سبب
ملاذ: اي
عماد: الصدق مافي بس ابي اعرف وش الموضوع وبعدين انك تسكنين مع شخص كذا مو عاجبتني
ملاذ: عماد
عماد: لاتناقشين وبس اليوم نامي فوق لما اعرف من مالك وش صاير بالدنيا بعدها اوعدك ماعاد اقول لك شي
ملاذ: مو عشان كلامك بس فيه شي لازم اسويه في الورشه فوق
عماد: تمام يلا نروح
ملاذ ناظرته : وين تروح
عماد: معك اوصلك واتطمن عليك وارجع
صعدت بشنطتها الظهر فتحت باب السطح
عماد اللي كان مصدوم من المنظر : هو انتي تركتي المكان كذا
ملاذ ركضت جهة اللوحات المرميه واغلبها اخترب امتلت عيونها دموع مو مصدقه اللي تشوفه
عماد: بنت
ملاذ اللي كان تاثير السفر والارهاق عليها وصدمه المنظر اللي قدامها
عماد: اهدي وتعالي ننزل
ملاذ: بس من سوا كذا ! وليه
عماد مسكها واخذها لتحت ؛ تعالي واتصلي على مالك بسرعه
ملاذ : ليه اتصل عليه
عماد: شايفه الموضوع بسيط انتي
ملاذ رفعت جوالها وفتحته عماد اخذ الجوال وكتب مالك اتصل عليه
مالك اللي يكتب تقرير فتح الخط ورجع يكتب : هلا والله
عماد: هلا فيك
مالك: من !
عماد : بتعرف بس تجي تعال شقه سعود انتظرك
مالك انصدم من تقفيله الخط والطريقه اللي صار بها الموضوع ركض لسيارته بعد مابلغ صاحبه انه بيطلع
وصل للعماره وشاف فالح :توك توصل
فالح استغرب اندفاع مالك : صاير شي
مالك ركض الدرج تارك فالح وراه اللي شاف شكله وتوقع ان ملاذ صار لها شي لحقه يركض بدوره فتح الشقه واندفع شافها جالسه بالصاله
مالك: انت بخير
عماد طلع من المطبخ: اي بخير اجل كيف بيكون
مالك التفت بصدمه لمصدر الصوت ركز فيه: عماد !
عماد: مالك صح !
مالك : انت ماعرفتني حتى !
عماد عقد حواجبه: تقابلنا من قبل
مالك : انا قريب خالد
عماد انصدم: مالك الصغير ؟
مالك : لاتحسسني انك شايب
عماد ضحك وسلم عليه
فالح راح لها: انت بخير !
عماد: تعالو معي لحظه اتركو سعود
مالك : لحظه انت اللي اتصلت علي ليه تسوي كذا
عماد: لان اللي بتشوفه الحين مارح تلومني عليه
فالح التفت بقلق وراحو وراه وكانت المفاجئه لهم بمنظر المكان
فالح: شصار
عماد: هذا اللي نبغى نعرفه
مالك راح بتجاه المرسم: بس الباب مقفل
عماد عقد حواجبه: متاكد
مالك حاول يفتحه: متاكد مثل منت قدامي والدريشه مقفله
فالح قرب منهم : لحظه
انتبه للباب اللي فيه شريطه: صدق الباب ما انفتح
مالك: كيف
فالح: لان الشريطه هذي انا حطيتها وحطيتها بعد على النوافذ
تاكدو ان كل شي سليم
مالك: شصاير

انتهى البارت🤍
توقعاتكم وارائكم عن البارت وكيف كان 😍🤍