عاصفة

البارت ٢٥❤️ قبل الاخير

ببيت فالح
خالد : بتتركها !
فالح: ممكن افهم وش اقدر اسوي !
خالد: امم مثلا انك تسوي عصير وتاخذه لها تسالها عن علاجاتها
فالح: مو بزر وبعدين اخاف تتضايق
خالد: انا ماعرف ليه وافقت على موضوع انك تحبها وانت كذا اسلوبك
فالح: اسمع بتجلس تطقطق اطلع لو سمحت
خالد: لا بروح عندها احسن قصدك
فالح وقف : انا اللي بروح كل شوي وانت رايح
خالد ببتسامه جانبيه: تغار
فالح تجاهله وطلع من الشقه
صعد لها شافها جالسه ترسم
مر الاسبوع واحداثه بطيئه على الابطال ملاذ قدرت تخلص ٤ لوح بعد ضغط وقله نوم فالح كان مهتم فيها بشكل كبير غدي كانت تجي كل يوم تجلس مع ملاذ يتكلمون عن كثير اشياء بعيد عن المعرض خالد استقر عند فالح وصار يراقب من بعيد لبعيد فيصل اللي مابين بهالاسبوع كامل
عصر يوم الاحد
ملاذ : وبعدها ايش ناوي تسوي
فالح : امم ماعرف للحين افكر اقبل الرحله او لا
ملاذ: طيب اذا هي بتكون مفيده لك وتعيد عليك اشياء كثيره بصالحك اكيد بتكون انت الكسبان فا لاتستهين فيها
فالح: بفكر بالموضوع بس قبل خلينا ننهي موضوع المعرض
غدي اللي كانت جايه وانتبهت لهم ابتسمت
غدي: سلام
فالح عدل وقفته بعد ماكان متسند على الجدار : وعليكم السلام
ملاذ: وعليكم السلام
غدي: اسفه قاطعت كلامكم
فالح : لا حياك خلصت انا كلامي كنت طالع
ملاذ: فكر بالموضوع عدل قبل ترفض
فالح ابتسم: حاضر
طلع من عندهم
غدي: واضح الحب
ملاذ عقدت حواجبها: اي حب
غدي : واضح يحبك ويعزك
ملاذ: تتخيلين
غدي جلست : حتى انتي
ملاذ: انا !
غدي: لاتفرطين فيه وتتركينه كذا حاسه باللي داخلك
ملاذابتسمت : لاتتوهمين
غدي : انتي تحبينه
فالح اللي كان نازل وتذكر جواله عندهم رجع يصعد وسمعها تتكلم مع غدي
ملاذ: احبه ! * تنهدت* لو هو على الحب فا احبه من وقت طويل
فالح انسحب ببتسامه
غدي: وايش المانع انك تبادرين
ملاذ: لما يكتمل المعرض
غدي : باقي لك قليل
ملاذ : احتاج ارتاح اليوم كله
غدي: قومي طيب بدلي وتعالي
ملاذ: وين !
غدي : بنطلع طلعه بنات
ملاذ ضحكت : انا وياك
غدي: اي ليه وانا كنت مفكره اننا صحبات اكثر من انه بينا شغل
ملاذ: الحقيقه هذا الشعور
غدي: يلا تعالي نروح بنتظرك تحت
ملاذ: تمام
نزلت غدي انتبهت لخالد اللي يصعد
غدي: بنطلع اتمنى ماتطول بالكلام معها
خالد : تطلعون وين !
غدي : تحتاج يوم راحه بعيد عن اللوح والرسومات
خالد: شكرا لك
غدي: مايحتاج تشكرني
خالد: بتطمن عليها واخليها تجيك تحتاجون توصيله !
غدي: انا اسوق
خالد ابتسم: تمام
صعد وتركها تكمل طريقها
ملاذ لبست وطلعت بس انتبهت لصوت الجوال اللي جالس يدق خذته وشافت شاشه الجوال كانت صورته وصورتها معه لما كانو طالعين بيوم
قبل دخول ملاذ للمستشفى باسبوع
فالح: اسمع تعال خذ لنا صوره
خالد رفع حاجبه: اشتغل عندك !
فالح: يلا خلود
خالد تنهد: تمام يلا
ملاذ ابتسمت ورفعت يدها بحركه قلب وفالح كمل نص القلب
الواقع
ابتسمت لما شافت الصوره خذت الجوال صدمت فيه
خالد : انتبهي !
ملاذ ابتسمت: سوري ماشفتك
خالد: اللي ماخذ قلبك
ملاذ خذت نفس : اخخ اللي ماخذ قلبي
خالد: يعني !
ملاذ: ولاشي يلا بتاخر على غدي
خالد : هذا جوال فالح هاتيه بعطيه اياه
ملاذ: لا انا بعطيه وبقول له اني بطلع
خالد ابتسم: ياحظه فيك
ملاذ ابتسمت تاركته وراها بعدها رجعت : لحظه كنت تبغى شي
خالد : بكرا الفحص
ملاذ عدلت وقفتها من اخر مره ماشافت فيصل
خالد : لازم تتقابلون
ملاذ: عادي تروح !
خالد: حاضر روحي لاتتاخرين
ملاذ : شكرا باي
خالد ابتسم نزل من الدرج بعد ماسكر باب الشقه وتنهد من اهمالها
وقفت قدام بابه دقت الباب
فالح : خالد الباب مفتوح
رجعت تدق الباب وقف وفتح الباب
فالح: ملاذ ليه مادخلتي !
ملاذ: امم كنت بعطيك جوالك واروح
فالح عقد حواجبه: وين !
ملاذ: بطلع مع غدي
جوالها دق فتحت الخط
غدي بصوت عالي : مطوله صار لي نص ساعه انتظرك
ملاذ انحرجت : جايه لحظه بس
غدي : للحين هو عندك مايطفش
ملاذ: غدي اشش
غدي : لاتتاخرين
فالح ضحك نظره لخالد اللي تعابيره غريبه وواضح متضايق
ملاذ: اسفففه
راحت تاركتهم
خالد : ماعرف كيف تصادفت حياتهم
فالح: تصدق اني مبسوط
خالد: ليه
فالح: ان صار عندها صديقه
خالد: غريب انت
فالح: ليه
خالد: بيوم تنهي اللوحات تجي وحده وتاخذها تغير لها جوها وانت جالس
فالح: الحين مو طول السنه وشي انا وياها مقابلين بعض خلها تطلع مع صاحبتها
خالد: صح بكرا موعدها مع فيصل جهز نفسك
فالح: هم ماتقابلو للحين صح
قطع حديثهم فيصل اللي صعد الدرج
فيصل: على الاقل لو بتتكلم عني تكلم بشي زين
خالد: من فعايلك
فيصل: ماتكلمت بشي غلط
خالد : بكرا بنجيك تسوي اي تصرف تحمل اللي يصير لك
فيصل: تهدد!
خالد: ما اهدد بس اقول لك اللي بيصير
فيصل: على العموم انا جاي اتكلم معها
خالد: طلعت من شوي ماتوقع بترجع بدري
فيصل : غريبه
خالد: ايش الغريب
فيصل: شفت رامي جالس برا بسيارته على بالي انها بتنزل تروح معه
فالح: رامي متاكد انت ؟
فيصل: اي شفته تحت قبل اجي وسلمت عليه حتى
خالد تركهم ونزل يركض شافه فعلا بسيارته بس ساند الكرسي ومغمض عيونه قرب من السياره ودق النافذه
خالد: اذا بتنام ادخل على الاقل
رامي اللي واضح بوجهه تعابير التعب : شفتها طالعه ماحبيت اتكلم معها واشغلها لاني عارف لو بتشوفني بتكنسل الطلعه
خالد: وانت عندك اخوان او ماتعتبرنا كذا
رامي : بالعكس والله
خالد: انزل يلا واصلا فيه غرفه لك بشقه فالح غرفه اختك من قبلك للحين مثل ماهي
رامي : مايحتاج شوي وب
خالد فتح الباب : لاتتكلم كثير يلا انزل
بعد طلعتهم
ملاذ: شكرا على اليوم الحلو
غدي: حقك وكان ضروري هالشي يصير من اول
ملاذ ابتسمت ورفعت يدها تودعها ناظرت الساعه ١٠ الليل ناظرت السطح وشافت الانوار عقدت حواجبها مستحيل احد يشغل الانوار وهي مو موجوده صعدت لفوق مشت بشويش انتبهت لهم جالسين
ملاذ: اهللن
سالم : اخيرا
ملاذ ابتسمت له قبل يضمها : كيف كانت طلعتك
ملاذ: رهيبه
سالم : انبسطتي
ملاذ: كثير لحظه اثنينكم شصاير !
سالم : انا جيت بعده ماتوقعت اخلص بسرعه بس خلصت وجيت
ملاذ: كيف كان دوامكم
رامي: انا كويس وخفيف
سالم: انا العكس بس عدت على خير
ملاذ: همم ماعليه تتسهل صح تعشيتو ؟
سالم : اي الحمدلله اكلنا مع الشباب تحت
ملاذ: فالح وخالد
رامي: وفيصل وعزيز ومالك وعماد
ملاذ: اوه كلهم
سالم: صح فيصل قال بس توصلين نبلغه واحنا بنمشي الحين اصلا بنرجع بكرا الصباح
ملاذ: تمام انتبهو لنفسكم
نزلو اثنينهم
سالم فتح الباب ودخل : فيصل
فيصل رفع راسه وبيده ورق اللعب
رامي: ملاذ فوق بلغناها
فيصل: تمام
اخذ اوراقه وحطها بيد عماد اللي جالس بعيد
عماد رفع حاجبه: خير
فيصل : قلنا لك من اول تعال العب مارضيت
عماد : اكرهكم
الكل ضحك عليه وجلس مكان فيصل اما فيصل صعد لها فالح اللي التفت للباب
خالد: بس يروحون رح تطمن عليها مارح يصير لها شي
فالح التفت له وظل ساكت
ملاذ كانت تجهز الشاي
فيصل: موجوده
ملاذ: اي ادخل
فيصل دخل وجلس بالطاوله
ملاذ: امم اذا بتعتذر مايحتاج
فيصل: مارح اعتذر اصلا لانك تستاهلين ينقال لك هالكلام واكثر انتي مايهمك صحتك ومايهمك اللي حولينك وليه وعلشان ايش هم يخافون عليك وعلى صحتك اللي مو هامتك
ملاذ ابتسمت وحطت الكوب قدامه
فيصل اخذ نفس : لحظه انا جاي اصلح الامور لاني عارفك تتهربين من المواعيد اذا صار بيني وبينك شي
ملاذ: انا وعدتك اني التزم بمواعيدي اذا طلعت وكنت بجي اخلص موعدي بدون ما اقول شي او اتكلم بس واضح انك تبغى نتهاوش
فيصل: مستحيل انا ! انتي اللي تجيبين الكلام لنفسك
ملاذ بجديه : فيصل
فيصل : نعم
ملاذ: مافي علاج ممكن يخليني اكون بخير انا عارفه ان صحتي مو كويسه مره وممكن باي لحظه يصير لي شي
فيصل بضيق : بعيد الشر
ملاذ: لانكذب على بعض عارفه ان اي شي ممكن يصير من التعب خصوصا الضغط اللي صاير
فيصل: اوعديني بس تخلصين لوحك تخليني اشوف علاجك لما وقت المعرض
ملاذ: قربت اخلص وعد بجي عندك بس لا يعرف احد عن موضوع صحتي مهما صارت وبكرا بالفحص لو طلعت النتايج سلبيه مو كويسه لاتبلغ احد
فيصل: ما اوعدك اذا صار عناد منك لازم ادخل احد
ملاذ: موافقه يكون فالح بس
فيصل: اشوف القلب مال له
ملاذ: مايخصك
فيصل صفر : اوه تغارين
ملاذ: ما اغار تتخيل
فيصل : للابد الشاي من يدك طعمه غييير
ملاذ : عافيه
فيصل نزل ودخل الشقه
ماحد التفت له خصوصا ماحد يعرف عن الموضوع الا اللي كانو موجودين وخالد عرف من عزيز الموضوع بجهه ثانيه وصلته ورقه بظرف
حسن: اتركيها على الطاوله
غدي: تمام براحتك
حسن : كيف الطلعه كانت
غدي: مره رهيبه
حسن: الحمدلله
اليوم الثاني
وقت الموعد
خالد : اقول فيصل مو ناوي يدخلنا
ملاذ ناظرته : خالد وراك شغل روح
خالد: ماعندي شي
ملاذ: اسكت طيب
فالح كان يراقبها بشكل غريب
خالد قرب منه: صاير شي !
فالح: احساسي يقول كذا
خالد: ماقالت لك
فالح: لا ماقالت لي شي
خالد تنهد
ملاذ مشت طالعه لبرا
خالد: وين ؟
ملاذ: بطلع برا ماقدر اجلس هنا
فيصل طلع من غرفته ومعه مريض ناظرهم
ملاذ : دوري !
فيصل: فيه قبلك ٢
ملاذ : بنتظر بغرفه الاستراحه برا
فيصل : تمام بس يجي دورك بطلب من الممرضه تناديك
ملاذ مشت طالعه برا
خالد: صاير شي بينكم امس
فيصل: لا شفيها واضح اعصابها تعبانه
فالح: بروح اشوفها
خالد : طمنا
بعد وقت جاء دورها
فيصل: نتايج تطلع الليل بس تطلع بتصل او بجيك البيت
ملاذ: تمام باي
مشت طالعه
فيصل: ملاذ خففي ضغط على نفسك باقي اسبوعين على المعرض
ملاذ بهمس : مو فاهمين شي انتو
فالح سمعها عقد حواجبه: ايش كانت تقصد بكلامها
خالد: اسالها بعدين تعال الحين نشوف وش صاير
وصلو للعماره
ملاذ: ممكن ما احد يصعد اليوم
فالح : لحظه انتي وش صاير معك
ملاذ: ولاشي تعبانه
فالح صعد الدرج وراها مسك يدها : وقفي لحظه انا اتكلم معك
خالد اخذ نفس وانسحب
ملاذ: فالح اتركني بروح ارتاح
فالح: مو الاول افهم شصاير معك
ملاذ: تعبانه شوي
فالح: قلبك يالمك
ملاذ: لا
فالح ترك يدها وصعدت لفوق رمت شنطتها بالارض ومشت ناحيه السرير رمت نفسها عليه
ملاذ ليه سويت كذا معه المفروض ما اسوي كذا واقول له ليش انا متضايقه بس انا ماعرف السبب اللي انا متضايقه علشانه احس بكتمه وجع غريب بقلبي وكانه فيه شي بيصير بس ماعرف ايش.....

انتهى البارت
اتمنى اعجبكم
طبعا البارت الاخير مارح ينزل الا لما اشوف ردود فعلكم وتوقعاتكم للي بيصير بالبارت الاخير ❤️❤️