عاصفة

البارت ١٣❤️

صحت الصباح
فتحت جوالها حصلت رساله من رقم ورساله من رقم ثاني استغربت نادر ماتجيها رسايل من ارقام
اول رساله
انا مالك
انتظرني اليوم بعد ماينتهي دوامك في الصاله باخذك
ردت عليه: تمام
فتحت الرساله الثانيه
كان طرد واصلها وانه تم استلامه انصدمت من استلمه وقفت وطاحت على الارض
وقفت وطلعت برا الغرفه
التفتتو للباب
فالح ناظرها لفتره ووقف مشى بتجاهها قبل يمسك يدها ويدخلها للغرفه
ملاذ ناظرته بصدمه: شفيك !
فالح مسكها ووقفها قدام تسريحه ناظرت نفسها قبل تتنهد وتجلس على الكرسي : كل مره اقول بكون مرتب
فالح ابتسم قبل يرتب شعرها اللي كان مبعثر بس بشكل حلو وقفت وطلعت لها بدله وكانها استوعبت
ملاذ: وصلني طرد ؟
فالح: اي حطيته لك هنا
ملاذ ناظرت المكان اللي يقصده : مشكور
فالح : العفو  بس وش داخله
ملاذ: مدري ليه
فالح: ريحته غريبه
ملاذ : صدق بشوفه الحين
فالح : يلا بس تخلص اطلع العيال برا عزيز وبدر وبندر وخالد
ملاذ: خالد برا ؟
فالح استغرب سوالها عنه هو بالذات: اي برا ليه !
ملاذ: لا بس اسال مستغرب صاحي هالوقت
فالح ابتسم: اي شاف الشباب جالسين وقال بيجلس
ملاذ: حلو يلا الحين ممكن تطلع شوي
فالح: تمام
ملاذ شالت الصندوق اللي واضح داخله شي ثقيل بس ماكانت تعرف وش اللي بداخله رفعته فوق السرير
ناظرت يدها اللي كانت مليانه دمم انصدمت فتحت الصندوق قبل تصرخ بجنون
بالصاله
سمعو صرختها وراحو كلهم للغرفه انصدمو من منظرها وهي جالسه بالارض بزاويه الغرفه ورجفتها ويدها المليانه دم
فالح راح يركض لها: شفيك جرحت يدك
ملاذ اللي ماكانت معهم ابد وكل تفكيرها بالدم اللي بيدها رجفتها وتنفسها الثقيل
فالح: سعود سعود خلك معي مو زين اللي تسويه قلبك وصحتك
اما العيال
بدر قرب من الصندوق وانصدم : وش هذا
عزيز وبندر قربو بدورهم وانصدمو من الدم اللي بالصندوق وواضح داخله شي بس مو عارفين ايش هو
خالد اللي طلع واتصل عليه بسرعه
كان جالس بمكتبه بينتهي دوامه بعد ساعتين
انتبه بتصال خالد لانه طلب منه يتصل عليه للضروره
رد عليه على طول : هلا
خالد: لازم تجي
وقف واخذ مفتاحه وطلع مستعجل
بعد ربع ساعه
دق الباب
ملاذ اللي كانت بجنب فالح متمسكه فيه رفعت راسها بخوف للباب : لاتفتح
خالدفتح الباب دخل وانصدم من منظرها
مالك : سعود
ملاذ : مالك !
مالك قرب منها بسرعه: شصار
ملاذ: مدري  رساله و صندوق ودم
مالك حاول يهديها: سعود اهدى اشرح لي بشويش
ملاذ خذت نفسه مع شهقه قويه: وصلت لي رساله انه فيه طرد جاء لي اخذته وفتحته حصلت يدي مليانه دم والصندوق مليان دم وفيه شي داخلها هو سبب الدم ماعرف ليه او
فالح ضمها : سعود اهدى
ملاذ ماسكه يده ترجف
مالك وقف : وين الصندوق
وقف وراح للغرفه مع خالد
خالد: تتوقع بقصد الحركه !
مالك: مدري بس ضروري اعرف لانه مستحيل يصير مثل هالشي لها
سكت وكانه استوعب اللي قاله
خالد: اعرف فا لاتنحرج من الموقف
مالك التفت بصدمه: كيف ؟
خالد: مو وقته الحين اتركنا بموضوع الصندوق
مالك: باخذه معي
طلع قلفز واخذ الصندوق معه وطلع على طول
خالد: بيفحصه ويتاكد من البصمات ويرسل لك وبالنسبه للرقم هاته بسجله عندي
فالح: لاتداوم اليوم
ملاذ : لو بجلس بفكر كثير
فالح رفع راسه لخالد اللي اومئ بالايجاب
عزيز: باخذك انا عندي مشوار معك
فالح ناظره لفتره مايقدر يمنع عزيز من انه ياخذه وهو يعرفه قبله
فالح : روح مع عزيز
بدر ناظر بندر بستغراب من حركات فالح مع ملاذ
بعد ماطلعو بالسياره
بندر : شفت كيف يعامله وكانه اخوه بالضبط
بدر: اي الله يرحمك يا رامي
فالح كان متعلق فيه بشكل كبير
بعيد عنهم
فالح طلع من الشقه وركب السياره وكل اللي بباله * انا من زمان ما اتصلت اتطمن * اتصل عليه
كان بعيادته
فيصل: يامرحبا
فالح ابتسم : هلا اخبارك
فيصل : قول لي بس وش اللي ذكرك فيني
فالح: وانا اقدر انساك
فيصل: كيف احوالك
فالح: الحمدلله ابشرك دخل شخص حياتي وسيطر عليها
فيصل: غريبه منك
فالح : اي والله غريبه مني حتى انا ماتوقعت احد يحرك فيني بعد رامي
فيصل: ياحظه هاللي ماخذ قلبك
فالح: وش مسوي انت وكيف ايامك
فيصل: والله الحمدلله بالدوام واشغال الدنيا
فالح: ايي بسالك عادي
فيصل: قول
فالح: امم اخبار البنت
فيصل لو تعرف انها ماخذه قلبك واهتمامك شتقول :  والله الحمدلله امورها تمام وبخير بس هالفتره صايره ظروفها صعبه
فالح بخوف: ليه شصاير لها ؟
فيصل انت لازم تعرفها يافالح: اسمع شرايك تزورني الليله ونتكلم
فالح: تمام اجل بجيك ويمكن اجيب سعود معي
فيصل: تمام
بالشقه
بدلت وطلعت مع عزيز راحو المول وبعدها رجعو للصاله جلسو لفتره تمرنت فيها بروحها بعدها طلعو من جديد خذو قهوه بالكوفي
تركي: اوه سعود
عزيز وقف بينهم : هلا تركي
تركي استغرب ردت الفعل من عزيز: هلابك
عزيز: يلا سعود
ملاذ اللي كانت مره مستغربه من ردت فعل عزيز تجاه تركي وانه وقف بوجهه : يلا
طلعو ومشو مع بعض عزيز مسك يدها
تركي اللي كان مليان بالاستغراب للي صار قدامه طلب قهوته وطلع
عزيز: اسف اني تصرفت من كيفي بس كان لازم اني ابعده عنك مدري ليه بديت احس قربه منك ياذيك
ملاذ: لاتتوقع هو فعلا تصرفاته بدت تضايقني وطلبت نبعد
عزيز: امم يعني فيه شي
ملاذ: هو مافي بس اخاف يصير
ظل ساكت طول الطريق اما ملاذ اللي كانت سرحانه وتفكر من ممكن يسوي كذا ! لها وليه
بالمركز وصله اتصال
مالك: هلا
الضابط: فحصنا الدم وماحصلنا نتيجه والتشريح قالو انها بقايا حيوان واضح انذبح بوقت قريب
مالك : تمام مشكور
الضابط: العفو
سكر منه وهو يتامل الاوراق اللي قدامه من ممكن يسوي شي يضر فيها بسبب علاقتهم مع فارس * تنهد وفرك جبينه* الله يرحمك يافارس
بالليل وبعد ما انتهت من الصاله ارسلت له
فالح: وش خططك الحين !
ملاذ: بروح مع الضابط مالك
فالح: اوصلك !
ملاذ: لا مايحتاج بيجي هو
فالح: تمام بس تخلص اتصل علي لان اصلا بروح لصاحبي
ملاذ: اوه تمام
بعد وقت وصل مالك وودعته قبل تروح معه وهو يروح بطريقه

دخل الشقه
فيصل: شخبارك وكيف يومك
فالح: الحمدلله حلو
فيصل: الحمدلله وش تشرب
فالح: اي شي
فيصل بدا يسوي لهم قهوه : ايوه تكلم لي عن اللي ماخذ اهتمامك هالفتره
فالح: سعود
فيصل: اي سعود
فالح : امم وش اقول لك عنه بس فيصل احس اني خايف عليه مستحيل ارضى لاحد يتكلم عليه او ياذيه ممكن تقول انها مبالغه بس مدري وش صار لي من دخل حياتي صار كل شي ابي ابعده عنه ابيه يظل طول اليوم قدامي اشوفه وهو يرسم او حتى يكتب او يتابع التلفزيون
فيصل: اووه ماخذ قلبك بشكل هالسعود
فالح اخذ نفس: والله مدري وش السبب بس ايش اقول
فيصل: بقول لك انا
فالح: قول
فيصل: الحين لو قلت لك ان قلب اخوك قريب منك وش تقول
فالح ناظره بستغراب: تمزح صح !
فيصل: جاوبني
فالح: بقول لك مستحيل لاني ما اقابل بنات الا بوقت الشغل وكلهم توهم جدد
فيصل: عارف انهم جدد بس انه شخص تلتقي فيه كل يوم وماخذ تفكيرك هالايام
فالح نزل الكوب : من تقصد ؟فيصل لاتلعب باعصابي
فيصل: سعود
فالح انصدم وضحك: لاتمزح معي فيصل مو وقتك
فيصل كانت تعابيره جديه
فالح: سعود هو نفسه البنت اللي تبرعت بقلب رامي لها
فيصل: اي تو اكتشف هالشي قبل وقت انكم صرتو تعرفون بعض
فالح : لحظه شلون مو مبين عليها ابد
فيصل: ظروفها جبرتها تكون بهالصوره
فالح اللي كان مصدوم ومو مصدق ناظر فيصل
بعيد عنهم
دخلو لبيت اللي كان صغير وداخله امه واخته نايمين
ملاذ: مارح نزعجهم
مالك: نايمين لاتحاتي تعال
صعدت معه لجناحه فتح الباب ودخل دخلت وراه وجلست على الكرسي فتح الخزانه وطلع الصندوق وتركه قدامها
مالك: فيها كل اوراق فارس الضروريه واللي ماكان يبغى احد يشوفها
ملاذ: لحظه ملف عمليتي موجود !
مالك : موجود بس ليه ؟
ملاذ: ابغاه فيه معلومات ابي اعرفها
مالك : لحظه
بدو يدورونه لما حصلته
ملاذ: هذا هو
مالك: تمام بروح اجيب لك اكل وشي تشربه على ماتشوفه وبرجع لك
ملاذ فتحت الملف وبدت تقرا التفاصيل المتبرع رامي ال***
ناظرت الاسم لفتره تعرفه بس مو متذكره فتحت الورقه الثانيه * وصي المريض فالح ال** وصي المريضه فارس ال**
رجفت يدها لما شافت الاسم ظلت فتره مو مستوعبه فالح !
مالك دخل بهاللحظه : شفيك
ملاذ رفعت الملف له وما ابدى ردت فعل
ملاذ ناظرته: كنت تعرف
مالك: اكذب اذا قلت لا كان يحكي لي فارس عنه بس ماتوقعت اني بشوفك معه
ملاذ: يعني ماكنت تعرف من البدايه
مالك: لا
ملاذ: كيف بواجهه الحين وانا اللي اخذت قلب اخوه
مالك مسك يدها: اهدي انتي ما اخذتي قلب اخوه اخوه توفى وطلبو تبرع بالاعضاء لا اكثر ولا اقل
ملاذ ضربت صدرها بقوه : بس حتى ولو انا بداخلي الحين قلب اخوه كيف تبيني اكون مع شخص بنفس المكان وانا اعرف اني سلبته اغلى مايملك انت تعرف انه يتكلم معي دايم عن اخوه وعن علاقتهم
مالك : اذا انتي تفكرين كذا اساليه
ملاذ : اساله عن ايش
مالك : اساليه عن شعوره بالشخص اللي اخذ قلب اخوه
ملاذ: بس انا مستحيل اكون بنفس العالم اللي هو فيه او حتى قريبه منه انا لازم اترك المدينه
مالك انصدم: ليه !
ملاذ رجفت يدها: لو عرف بيكرهني ويطردني
مالك : قلت لك اساليه بالاول
ملاذ ناظرته وماردت عليه وصلت لها رساله
فالح: بمرك بس تخلص ارسل لي لاتنسى
ملاذ ردت عليه: بنام عند مالك اليوم
مالك اخذ الجوال وحذف رسالتها: تمام تعال الحين خلصت
ملاذ انصدمت: ليه طيب !
مالك؛ اعرفك قال لي فارس انك رح تهربين من الموضوع
ملاذ: فارس هو وينه الحين تركني ضايعه وراه
مالك ضمها : انا عندك الحين فالح عندك عزيز عندك
بعد دقايق سمعت جوالها يدق
فالح: انا برا

                               انتهى البارت 🥹🤍
وش شعوركم تجاه هالبارت وبالاخص نهايته > توقعاتكم للبارت الجاي وايش ممكن من الاحداث اللي تصير 🤍🤍❤️❤️❤️