عاصفة

البارت ١٢ ❤️

وصل للعماره
قبل ينزل كان كل تفكيره وش رح تكون ردت فعل فالح لما يعرف ان قلب اخوه قريب منه وقريب مره ملاذ ايش ممكن تكون ردت فعلها انا لازم ابعدها عن هنا باي طريقه
صعد للشقه قبل يدق الباب
فتح له : هلا
تركي: هلابك
فالح: ادخل
تركي: مشكور بس بسال سعود هنا او فوق
فالح: لا فوق من شوي راح
تركي: اها مشكور اجل بروح له
فالح: طيب ممكن تدخل نتكلم شوي
تركي: حاضر
دخل وسكر الباب وراه
بعيد عنهم
تحديدا بعياده فيصل قبل وقت
انتبه له يطلع من عند فيصل وكان متاكد ان اللي بباله صح بس وش ممكن يسوي ! او ايش بتكون ردت فعل فالح لو عرف ان سعود بنت وهي الشخص اللي تشيل قلب اخوه الحين تقدم للعياده قبل يدق الباب
فيصل: تفضل
دخل وسكر الباب
فيصل: خالد ؟
خالد: اخبارك يافيصل
فيصل: بخير والله وانت وين الناس !
خالد: موجود والله انت اللي اختفيت
فيصل ابتسم : اي مشاغل دنيا
خالد: وكيف صحتك
فيصل: والله الحمدلله مثل منت شايف
خالد تغيرت نبره صوته للجديه: انا بسالك سوال بتجاوبني عليه او لا هذا قرار يخصك بس تاكد اني اعرف الاجابه عنه
فيصل: اللي هو
خالد: سعود بنت صح ! وهي اللي تبرع لها فالح بقلب اخوه !
فيصل انصدم بس كان متوقع خصوصا ان خالد كان صديق رامي اخو فالح : اي
خالد مارد
فيصل: خالد وش ناوي تسوي
خالد وقف: ولاشي بس بنتظر اشوف وش يصير بقصتهم شوفي كيف جمعهم القدر وصارو قراب من بعض !
فيصل : هو صدق شي غريب مره ومايصير الا بالحكايات
خالد ابتسم: انتظر رده فعل فالح لما يكتشف
فيصل : انت خلك منتبه لها من بعيد صح ان القلب سليم بس جسمها ضعيف وقلبها للحين ماتعود تحتاج سنوات لما تتعود صح مرت سنوات على العمليه بس كثير مرات جات لي وهي تعبانه
خالد: لاتحاتي انت خلك بتركي بس واضح بعد ماعرف بيكون بينهم وبياخذ صح هي وش اسمها !
فيصل: ملاذ . كيف عرفت ان تركي جاي يشوف الملف!
خالد ابتسم: امم فيك تقول توقعت
فيصل: خالد لاتسوي شي تندم عليه
خالد: لاتوصي يلا استئذن
بعيد عنه
فالح: ابي اسالك سعود كيف وضعه
تركي: مافهمت
فالح سرح شوي بعدها ابتسم بالم : تكلمت معه عن عمليه القلب من قبل علشان كذا اسالك عن وضعه
تركي: الحمدلله فترات قليله يتعب
فالح: الحمدلله
تركي: ليه تسال !
فالح: بس اسال لانه معي بالشقه وقلت بتطمن عليه
تركي: طيب عادي اتكلم معك بشي
فالح استغرب: قول
تركي: سمعت ان اخوك لما توفى تبرعت بقلبه
فالح: اي صح
تركي: وكيف وضعك الحين مع هالشي
فالح بتفكير: تبي الصراحه اتمنى الانسانه اللي بداخلها قلب اخوي تكون مبسوطه صح اسال عنها من وقت لوقت واتطمن عليها بس ماواجهتها
تركي: واذا قلت لك اني اعرف عنها واعرف اخبارها وممكن اخليك تلتقي فيها بس بدون ماتعرف
فالح انصدم: تقرب لك اكيد
تركي: لا
فالح: اجل كيف تعرفها
تركي: معرفه وخلاص وبعدين انا لازم اروح ل سعود
فالح مسك يده: انتظر قول لي كيف تعرفها !
تركي: ماعرفها بس سمعت انها بنت وقلت اختبرك ايش بيكون موقفك لو تقابلتو
فالح: لو تقابلنا !
تركي صعد تاركه بدوامه افكار كبيره
انفتح الباب ودخل
خالد: شفيك واقف مصدوم كذا !
فالح: غريب هالتركي
خالد: ليه
فالح حكى له اللي صار
خالد انصدم ان تركي تسرع بالموضوع : طيب فالح بعيد عن تركي وانه سواله انت ايش بتكون ردت فعلك لما تشوفها
فالح: مدري
خالد: وينه راح ! وسعود وينه
فالح: كلهم فوق
خالد ناظره لفتره قبل يقوم للغرفه * مو طبيعي تسرعك يا تركي وش بيكون ردت فعلك الجايه *
فوق
شافها ترسم قرب منها
ملاذ الليزحست بصوت وراها التفتت وشافته: هلا
تركي: اخبارك اليوم
ملاذ: الحمدلله احسن
تركي: دايم وش جدولك لليوم ! او بالاصح لمده اسبوع قدام
ملاذ: مدري ليه
تركي: ودي اخذك تجلسين عندي لاسبوع او اكثير
ملاذ : ليه !
تركي: كذا يعني منه انا لحالي وانت عندك عالمك تجين تغيرين جو البيت
ملاذ : لا ما ابغى
تركي: بي وضعك هنا غلط
ملاذ: تركي فيك شي ؟
تركي: لا ليه
ملاذ: انت كنت عند فيصل اليوم صح !
تركي: اي كنت عنده وبعدين ماتقولين لي الملف الخاص بعمليتك وين !
ملاذ: ملف عمليتي مع اشياء فارس
تركي: بس ماحصلته كل اشياء فارس دورت فيها
ملاذ: بجي معك واشوفها اذا كانت ناقصه او لا
ملاذ: لان مستحيل ماتكون كل الاوراق مع بعض
طلعو متوجهين لبيت تركي
جلست بالصاله تنتظره اما هو راح وجاب لها صندوق
ملاذ ناظرته لفتره: اول مره اشوف هالصندوق
تركي عقد حواجبه: اول مره
ملاذ: اي اول مره صندوق فارس شكله غييير
تركي: ايش ؟تمزحين صح
ملاذ اذا فارس ترك صندوق غريب لتركي ايش معنى هذا !: لا
تركي: كيف كذا
ملاذ: ماعرف ما اتذكر
تركي رفع راسه لها: تذكري طيب
ملاذ هزت راسها بنفي : مدري يمكن كان عنده وانا نسيته
تركي: لحظه طيب وين باقي الورق
ملاذ خافت من تصرفاته الغير طبيعيه: لا ماعرف بعدين ليه تبغى الاوراق بهالشكل ماتوقع انها شي يهمك
تركي انتبه لنفسه : اوه صح اسف
ملاذ وقفت: بطلع انا واتمنى ماتلحقني اتركنا نبتعد لفتره
تركي: ليه !
ملاذ: بس
طلعت من بيته وكل اللي ببالها هل ممكن تركي يكون يعاملها كذا علشان يحتاج شي من اوراق فارس بس فعلا اوراق فارس مو مع تركي وهذا اللي يدل ان فارس ماكان يثق بتركي ثقه كبيره للحين ماعرف وين ملفات فارس المهمه وين ممكن يخبيها او بالاصح من خذها؟
كملت مشي لما وصلت البيت
كان تحت يسولف مع صاحبه وبس شافها وقف واعتذر منه انتبه لخطواتها الثقيله قرب منها
خالد: انت بخير
ملاذ ناظرته بدت تحس الدنيا ضباب حولينها خالد قرب منها بسرعه ومسكها شالها ودخل فيها صعد للشقه
فالح بصدمه: شصار صار له شي !
خالد: مدري كان جاي يمشي ووجهه احمر اتوقع حراره الشمس
فالح : نزله بالسرير
راح واخذ منشفه ومويه بارده وحطها على راسها تنفسها كان ثقيل والواضح ان هذا من قلبها
فالح: غريبه كان مع تركي كيف طلع
خالد: انتبه له انا بطلع عندي مشوار
فالح: تمام
طلع خالد تاركهم
فالح ظل بجنبها لفتره وقرر يقوم يسوي شوربه
بعد ما انتهى دخل الغرفه ماشافها سمع صوت الماء بالحمام طلع من الغرفه ملاذ صحت وشافت نفسها في الغرفه ملابسها غرقانه عرق واضح تعبت ونامت ماتتذكر شي وقفت وطلعت لها لبس انتبهت لريحه الاكل دخلت تاخذ شور
بعد وقت فتحت باب الغرفه وطلعت شافته جالس بالصاله
فالح ابتسم لها: نعيماً
ملاذ : ينعم عليك
فالح: تعال اجلس بحط لك الاكل
ملاذ: مو جوعان
فالح: مو على كيفك
ملاذ: طيب بس شوربه مابغى شي ثاني
فالح: تمام بس الحين بمشيها لك
ملاذ سندت راسها على الكنبه وظلت تناظر السقف
فالح: وش صار مع تركي
ملاذ : حاليا انا مو عارف اساسا وش صاير بس فيه شي لازم اسويه
بدت تشرب الشوربه وبس خلصت وقفت
ملاذ: انا بطلع مشوار وبرجع بعد ساعه اوساعتين
فالح وقف معها: مستحيل اخليك تطلع وانت بهالحاله
ملاذ: بس انا لازم اروح
فالح: بروح معك
ملاذ بدت تخاف وتشك بكل اللي حولينها بس فالح ماصار منه ردت فعل عزيز ماتعرف نيته هو بعد تجاهها بالنسبه انه يعرف تركي
فالح: صدقني مارح اسبب لك مشاكل
ملاذ: تمام بس اوعدني انك لو بتسوي شي يضايقني او حتى تغدر فيني ابعد عن حياتي
فالح انصدم: وش تقول ! مستحيل اسوي كذا سعود انت صرت بالنسبه لي اكثر من شريك بالشقه انت اخوي
ملاذ ابتسمت بالم: تمام يلا نروح
طلعو للسجن
ملاذ: ابغى اكلم العقيد مالك
الضابط: ماقدر عنده اجتماع
ملاذ: بس تقول له اسمي بيعرفني ياليت تبلغه
الضابط : قلت لك ماقدر انت ماتفهم وبعدين شغل الواسطه ابد مايمشي هنا علشان كذا اطلع والا باخذك للحجز
فالح: تعال نروح ونرجع وقت ثاني
انتبهت لمالك يطلع من الغرفه
ملاذ: عقيد مالك
مالك التفت واول ماشافها ابتسم: ياهلا سعود
ملاذ: هلابك
مالك ناظر الضابط: اتركهم
الضابط بعد عنهم ودخلو له
بالغرفه
قبل يدخلون
ملاذ: يمكن تسمع شي يصدمك بس اتمنى ماتتسرع
فالح: تبي اجلس هنا !
ملاذ: لا يمكن احتاجك داخل لو عادي عندك
فالح: حاضر
داخل الغرفه
مالك: ياهلا وش هالزياره السعيده
ملاذ: الله يسعدك
مالك : من توفى اخوك ماعاد شفناك
ملاذ : كيف بجي هنا والشخص اللي كنت اجي علشانه مو موجود
مالك: الله يرحمه اي امرني وش بغيت
ملاذ: مايامر عليك عدو ابي منك خدمه
مالك: قول
ملاذ: ابي اعرف زملاء فارس بالزنزانه وايش كانت علاقته بكل واحد فيهم وابي اعرف من اكثر شخص كانت علاقته فيه
مالك رفع حاجبه: علشان ايش !
ملاذ: امم تذكر تركي
مالك: تركي صاحب فارس
ملاذ: اي
مالك: شفيه ؟
ملاذ: اكتشفت ان علاقته مع فارس مو قويه
مالك شد انتباهه الموضوع: كيف
ملاذ: طلب مني اوراق عمليتي والاوراق مع فارس فا لما شفت الصندوق اللي عنده عرفت ان فارس مستحيل يثق فيه او يعطيه اي اوراق تخصني فا علشان كذا قلت لك هالطلب ابي اعرف من الشخص اللي ترك فارس اورقي واوراقه عنده
مالك : ولو عرفت وش رح تسوي
ملاذ: باخذ الاوراق
مالك : تمام انا بسوي اللي علي بس انتبه من تركي هالفتره
كل هذا وفالح جالس يسمع عرف هي ليه رجعت مشي وايش اللي تركها بهالحاله
مالك تقدم من عنده: انا بحثت عن خلفيتك وعن كل شي يخصك تعرف الحرص واجب وانا اخاف على سعود كانه ولدي فا اتمنى منك تعتني فيه طول الفتره اللي هو رح يقضيها معك
فالح: ولايهمك تطمن
مالك : مشكور
طلعو وركبو السياره
ملاذ: اذا عندك اي سوال اسال
فالح : امم هو مافي سوال لان الموضوع صار واضح بالنسبه لي
سندت راسها على الكرسي وغمضت عيونها
بالليل وتحديدا بالسطح كانت بمرسمها كالمعتاد فالح ترك كميرا بجهاز الانذار بس بدون ماتنتبه لها اي شي يصير تنبهه
انتبه لجرس الانذار فتح الكاميرا وانتبه له يدخل السطح استغرب وماحب يستعجل بيشوف اللي رح يصير وبعدها يتدخل اذا احتاج
داخل المرسم كانت جالسه ترسم كعادتها انتبهت لخطوات التفتت
ملاذ بستغراب: مالك ؟
مالك : اي فاضي
ملاذ: اي فاضي ادخل
مالك دخل وجلس رتبت اللي بيدها وجلست بالكرسي مقابله
مالك : مستغرب من زيارتي صح !
ملاذ: اي والله او بالاصح انت عرفت من الشخص اللي قلت لك
مالك: اي وعلشان كذا جيتك
ملاذ: طيب وايش صار
مالك فتح جواله وعرض الصور عليها: هذي الاوراق صح!
ملاذ : اي هي كلها والصندوق نفسه هو عندك
استوعبت الموضوع وكانها انتبهت
مالك : اي انا صاحب فارس والاوراق والملفات كلها عندي بالبيت بس ماقدر اسلمها لك الا لما اتطمن من ناحيه تركي صح هو على نياته وحب يتعاطف معك بس بنفس الوقت كان يحتاج اوراق بينه وبين فارس فا بس ياخذها رح نشوف ردت الفعل له بهالوقت انت بتكون هنا ومع فالح مايحتاج اني احط لك حراسه واذا تبي تتطمن اكثر
طلع من جيبه خاتم
ملاذ بصدمه ناظرته خاتم امهم اللي كان مع فارس ووعد ملاذ يعطيها اياه بس توصل لسن معين ومن انسجن راحت مع اشيائه
مالك : فيه اشياء كثير لازم تعرفها وتتطمن من هالناحيه بس بهالوقت خلك بعالمك ولاتشيل نفسك فوق طاقتك
ملاذ مسحت عيونها: ماعرف وش اقول لك
مالك ابتسم وبعثر شعرها: لاتقول شي وتركي لاتقسى عليه ماله ذنب باللي صار لفارس وهو فعلا صاحبه بس مو لدرجه يامنه على اوراقه علشان كذا ترك مهمه رعايتك له وانا اكون بعيد عن الصوره بس بما انك جيت لي ماقدر اقول لك اني بدور لك لاني عارفك عنيد نفس اخوك بتروح من وراي
ابتسمت له قبل تودعه فالح تطمن بعد مانزل وسكر الكاميرا بعد دقايق دخلت الشقه
ملاذ: صاحي !
فالح: اي شوي عندي تقرير بخلصه
ملاذ: تمام بروح انام انا علشان نصحى بدري
فالح: تصبح على خير تغطى كويس

انتهى البارت ❤️
رايكم عن البارت وتوقعاتكم للجاي وايش ممكن يكون فيه من احداث 🥹🤍 مبسوطه مره من تفاعلكم على البارت اللي قبل علشان كذا حاولت اخلص هالبارت طويل شوي