သောကမှသည်မေတ္တာဆီ
ပထမတစ်ဖြတ်ကျောင်းပိတ်ကာလမှာ ကုန်ဆုံးလာပြီး ကျောင်းပြန်တက်ရန် ၂ရက်သာလိုတော့သည်။ထိုအချိန်တွင် အ၀တ်ပုံးထဲတွင်ချောင်ထိုးထားမိသည့် မြန်မာ၀တ်စုံများကို အပေါ်အောက်လှန်လှောရလေသည်။ကျောင်းသွားသည့်အခါ မြန်မာ၀တ်စုံ၀မ်းဆက်သာ၀တ်လေ့ရှိပြီး အိမ်နေရင်း ဘောင်းဘီရှည်နှင့်တီရှပ်သာ၀တ်လေ့ရှိသောကြောင့်ဖြစ်သည်။
ကျောင်းပိတ်တုန်းက အသေအချာအကျအနခေါက်သိမ်းထားသည့် မြန်မာ၀မ်းဆက်ကလေးများကို အ၀တ်ပုံး၏အောက်ဆုံးမှသည် အပေါ်ဆုံးထိပြန်နေရာချပြီး လက်ကိုင်အိတ် စာရေးကိရိယာကအစ ပြန်ရှာထားတော့သည်။ကျောင်းတက်စဉ်ကစီးခဲ့သည့်ဖိနပ်ကလေးကိုလည်း ဖိနပ်အိတ်ထဲမှထုတ်ကာအသင့်ဖိနပ်စင်တွင် နေရာချထားရသည်။
ညပိုင်းဆိုင်သိမ်းပြီးနောက် တကုပ်ကုပ်နှင့်မြနှင်းဥတစ်ယောက်အလုပ်များနေသည်။အပေါ်တက်လိုက်အောက်ဆင်းလိုက်လုပ်နေသဖြင့် မိခင်ကဧည့်ခန်းတွင်ထိုင်နေရင်း -
"ဥလေး ဘာတွေလုပ်နေတာလဲ"
"မေချိုမျက်စိတောင်မှောက်ချင်နေပြီ"
"ဘာလုပ်ရမလဲမေချိုရယ် ကျောင်းဖွင့်တော့မယ်လေ"
"ပြင်စရာရှိတာပြင်ရတယ်လေ"
"မေ့သမီးကတော့ ကျောင်းတက်ဖို့ကိုတက်ကြွလို့ပါလား"
"တက်ကြွရတယ်လေ ကျောင်းက၂လကိုအတော်ပျင်းနေပြီမြက"
"သူငယ်ချင်းတွေနဲ့ဆုံရတာလေ ကျောင်းဖွင့်မှ"
"မေချိုတို့ခေတ်ကလည်းတူတူပဲမလား"
"ဟုတ်ပါ့ကွယ် မေ့သမီးကြည့်ပြီးငယ်ငယ်ကတက္ကသိုလ်ကျောင်းသူဘ၀ပြန်သတိရတယ်"
"ဥလေး စာအုပ်လိုသေးလား ဗလာစာအုပ်"
"လိုရင်ဆိုင်ကယူသွားလိုက်"
"မေချိုကိုပြောနော်"
"တစ်ထုပ်ဆို တစ်ထုပ်စာပြန်ထည့်ရမယ်ငွေကို"
"ဆိုင်ထဲကငွေနှုတ်လို့မရဘူး"
"ဟုတ်ကဲ့ပါ ခုတော့မလိုပါဘူး အရင်အဖြတ်ကလက်ကျန်တွေရှိသေးတယ်"
ESTÁS LEYENDO
She is my first love (Completed)(Unicode+Zawgyi)
Romanceတက္ကသိုလ်အချစ်ဇာတ်လမ်းလေးပါပဲ Age gap မို့ ဖတ်ရှု့ခံစားပေးပါဦး နူးညံ့ချိုမြိန်သောအချစ်ရဲ့ရသတွေခံစားကြဦးစို့
