في عيونك أبديّ قصيدي

بارت1

بين الايام كالعاده "صباح اي يوم"

الجده: عاد الصبح طلع علينا وين ذا البنات
حصه: يامي علامتس بدري
الجده: الشمس قدها طالعه وانتي تقولين بدري
حصه: بصحيهن
الجد عبدالرحمن تنحنح: يانوره
الجده: ياهلا
عبدالرحمن: اليوم النايفه راجعه من الرياض ولا ماقالت لتس
الجده : الا قايله لي جعلها توصل بسلامه
الجد: انا برسل العيال للحلال يجيبون لنا كم ذبيحة
الجده: اصيل ياعبدالرحمن زين ماتسووي
صقر: صبحتس الله بالخير يالغاليه ،شلونك يبوي
الجد: ياالله انك تحييه
الجده: هلا يامي هلا
صقر: وين العرب فيه مالهم حس
الجده: قومت حصه تقومهن
عند حصصه"
حصه: ملاذ جعلتس العافيه قومي ورانا شغل
ملاذ: مالي دخل قومو ميهافوه
غنى: اف بي النوم من جيت الديره مانمت
حصه:بس اليوم يلا خالتكم بتجي
ملاذ الي فزت: يمه صدق؟
حصه : اييه
ميهاف : متى متى
حصه: هالمغرب
ملاذ:يكثرر الشوق للهنن
غنى: اي والله بس قومي نساعد بنات العم
ملاذ: يلا سريييناا
الجادل : عمه
الجده: سمي
الجادل: عمه به جيران توه ساكنين عندنا وش رايتس نعزمه مع عشاء النايفه ؟
الجده : ناديلي عمس
الجادل : سمي
الجادل: متجهه لعبدالرحمن ياعم عمتي ودها تكلمك
عبدالرحمن: يابوتس قوميني نروح يمهاا
اتجهو لنوره
نوره: ياعبدالرحمن به جيران هنا ودنا نعزمه اليوم انا بعزم الحريم وانت اعزم الرجال عن قيلة العزيمه

الجد عبدالرحمن : اي من زمان ودي به برسل لهم سهيل يعزمه عني بعد المغرب
عبدالرحمن : سهيل
سهيل: امرني
الجد: ابيك تروح للعرب الي خابرهم توهم نازلين وتعزمهم الليله عندي مع اهلهم
سهيل : تم هذاني بروح
اتجهه سهيل لبيت سفر "الجار الجديد الي مايعرفون انه سفر رجع من الرياض للديره "

"سفر بن عساف
عساف كان صديق محمد ابو عبدالرحمن من الصغر "وسفر وعبدالرحمن كانو اعز اخوياء لبعضهم" حصل خصام من18 سنه بين عساف ومحمد تعرض صديق عساف لمحمد والكل يظن ان عساف القاتل والتهمه مبالغ كبيره وحلال وهذا الشي كان كافي انه يسجن عساف الى م ممات وتوفي عساف وهو مظلوم بقتل محمد اعز صديق له شبت النار بقلب عبدالرحمن ويدور ثاره من سفر رغم ان كلهم تيتمو "

عائله سفر 68 "زوجته نجلاء 57"
عياله
راكان 40 "زوجته ليال"متوفيه وعنده منها بنت" غزل"18
الجازي 24
"سفر ونجلاء تاخروا بالانجاب الله مارزققهم الا ب الجازي وراكان" ويعتبرون غزل من بعد وفاة امها بنتهم"
دق سهيل الباب : يا اهل البيت
طلعت غزل فكت الباب: مين ؟
سهيل: انا حفيد عبدالرحمن وصاني ادعيكم للعشاء هالليله انتي واهلتس عطيهم العلم
غزل: ان شاء الله بس مين انت عشان اقولهم ؟
سهيل: انا سهيل ولد سالم
رفع نظره لها وكانت بالغايه ملفته صد على طول ورجع البيت

"اما لحظة وصول النايفه "
الكل فرحان بالنايفه
اتجهت نجد للبنات
نجد: ملااااذذ
ملاذ: نوني ياهلابتسس
ريوف: وحشتوني ياكثر الشوق لكن
غنى: يامرحباااا
واخذتهم السوالف وطلعو يسلمونن على الناييفه
الجده: يامرحبا ترحيبتن كلها لتس
النايفه: ياهلا بتس ياميمتي
النايفه: شلونكن يالجادل وجوهره وعنود
عنود: ابشرتس بخيير توو نورت الديره والله
النايفه: بنور اهلها يابعدي
جوهره: وين الزين نجد
نجد: هلابتس يخاله امريني
جوهره: يبعد عمري لتس وحشه
نجد:ماتفقدين غالي
الجادل: وريوف وين
ريوف بضحك :انا هنا
كلهم ضحكوا على تصرفات ريوف
هيام: ماني بمشتااققه لتس ياريوف غير لسماجتس
هنوف: وربي مره تضحكني
نجد : كاسبتن اجر من الضحك الي يجيبها
ريما:اايي والله
الجادل : يلا قومن البسن ورانا عرب بيجون
هيام: ايي يلا يبنات مشينا نكشخ

دخلو البنات وتجهزوا وكل وحده احلى من الثانيه
ويتميزون بصفاتهم وجمالهم الفاتن

وصلو الحريم " نجلاء والجازي وغزل
"مايعرفون بعض الحريم "

دخلت نجلاء : ياهل البيت
نوره:ياهلا ارحبي
وسلمو على بعض واخذتهم السوالف
نوره: مين يقالكم ؟
نجلاء : من عرب سفر عساف
نوره الي الاسم مو غريب عليها بس سكتت: ونعم والله
نجلاء :وانتم ؟
من عبدالرحمن محمد
نجلاء نفس الشعور الي حسته نوره: ياهلابكم
الجادل :الي معس من
نجلاء : بنتي وبنت ولدي
عنود: الله يخليهن لتس
نجلاء :امين
طلعو البنات وسلمو واخذو الجازي وغزل
غزل: يوه صرنا نمون على طول
هنوف : تشوفيين
هيام : والله موب سالفة ميانه ياحلوكم والله
ريما : اي تهبللنن كل يوم تعالو
الجازي: تجدولين علينا يعني
ميهاف بضحك: بجي انام عندكم تسمحون
ملاذ:فضحتنا هالورع سكتوها
نجد: حطو بحلقها اكل تسكت
غنى: ياعمري ميهاف كلهم عليك
غزل : حبيت ميهاف وخرو عنها
ميهاف: هلا بخويتي الجديده

اما عند الرجال "دخل سفر وولده راكان " نفس عنوان البيت الي وصفه سهيل"
بدا يسلمون ووصل عند عبدالرحمن عم السكوت للمكان خمس دقايق يناظرون بيدين بعض
سفر:عبدالرحمن!!!
عبدالرحمن:سفر والله وجيت وبيدينك
سفر: عويض الله من شرك طلعت انت وجاري؟
عبدالرحمن:دم ابوي مايروح ببرود ثاري اخذه لو بضناك
سفر: ياعبدالرحمن انا ابوي مات ظلم وتيتمت وذقت شعورك وأردى وانت خويي من قبل وتقول ثار!
عبدالرحمن : اطلع برا بيتي
سفر: مالي مجلاس معك
سهيل: يجد تعوذ من ابليس
صقر: يايبه مالكم الا الصلاح قدهم ماتوا
عبدالرحمن : ابوي مات بس مابرد دمي ضرب عبدالرحمن بعصاه ثاري اخذه لو بحدود السيوف
سفر: وانا ظلم ابوي ماسكت عنه
عبدالرحمن: اطلع اطلع طلعة روحك
طلع سفر وطلعو الحريم على صوت الصراخ ورجعو بيتهم
تجمعو على عبدالرحمن الي كان طايح بالارض
عبدالرحمن: تعزمونه ؟اشعلتو نار ابوي في قبره
والله ماسكت ياسفر لا اشرب من دمك
سهيل: يجد خلاص عاد سفر ماسوا شي الرجال يبي الصلح
عبدالرحمن: تعصاني ياسهيل ارفع علوم ولدك ياسالم لا اخلي عصاتي فوق ظهره تمرجل ياسهيل
سهيل: وعشان قلت الحقيقه صرت مانيب برجال رجال وبشنب وغصب عن كل من ماهو راضي
عبدالرحمن بصوت الكف على خد سهيل :مافيك حيا لاكن انا اربيك يالغرير
صقر:يبه خله خلاص الولد روح
منيف: ياجد خلاص امسحه بوجهي
كل واحد راح ونام معد احد له خلق بعد الي صار

عند سفر :
نجلاء: الموضوع كذا!!!
سفر: خلاص سالفه وانتهت حقي اخذه
راكان: انا انطح بلد يابوي ولا اشوف احد يستهين بك
سفر: فكني من شرك يولد
راكان: والله لا اشرب من دمه
سفر : تجدد علي مواجع قدييمه عبدالرحمن وعياله مانك دوبهم
راكان: وانت مستهين بي لاني لحالي ماعندي عضيد انا عن الف رجال وشنبي ذا ان لا انهيهم
سفر: ارفع علومك يولد
راكان: ماقلت شي غلط يبوي
سفر: روحو ابي اقعد لحالي
تنهد سفر وقال:حاولت فيك وصرت كنك ولد نوح ناداه ابوه ولا ركب فالسفينه.
اما عند عبدالرحمن الي اخذته هواجيس طفولته مع سفر الي كان يتمنى انها تنعاد بس غروره وكبره يجهله
سهيل: الي يفكر بغزل ولا به اي شعور لها بس يفكر هالمشكله كيف يحلها!
باليوم الثاني .