في عيونك أبديّ قصيدي

بارت15

رجع سهيل البيت قبل مايجي سفر ويشوفه وجلس بالحوش وأخذته هواجيسه وهالمره خاف من الفقد كثير وبدا يغني :
ماكنها الادمع رجال قد شاب
قام يتذكر كيف احبابه صارت
عقب الجماعة والحبايب والاقراب
اصبح وحيدن والليالي استدارت
على وليفن راح وعن صاحبه غاب
اقفت به الدنيا وعصيبه وبارت
.."غالي ومن حبه ترا القلب ماتاب"..
..."وكل البني من باهي الحسن غارت"...
...."واليوم قلبي من طواريه منصاب"...
عقب الفراق وعقب دنياي جارت
"صديت والدمعة على اطراف الاهداب"
ولولا الضلوع ترد الارواح طارت
قمت اتذكر وادري الوقت غلاب
لين الهموم بجوف قلبي توارت
دخل نياف وجلس جنب سهيل ابيك تحطها براسك ياسهيل!!!
"حكم القدر مكتوب ماعنه مجناب
وجروح بعده داخل القلب ثارت"
سهيل: ولو الدنيا غنت على الحان النصيب م سارت اقدامي لغيرها معها وواودّها لو انها لغيري حبيبه
نياف: يعني كل الي اقوله يروح هباً منثورًا
سهيل: اي دام الموضوع هي به
نياف: بديت اخاف على قلبك من هالحب
سهيل بضحك: شفت الحياه دونها م اطيقها
نياف: تصدق احس اني حبيت
سهيل:مين ؟
نياف:نجد
سهيل:طلعت منت بهين بس نجد لو تخطبها من مطلق عطاك هي انا الي ياصعبها علي
نياف:ودي اكلمها الحين
سهيل:لا تستعجل
نياف:مانيب بمستعجل أن كانها تبيني بخطبها
سهيل بضحك: وانت متوقع انها بتقول اي ابيك يانياف
نياف:ياعدو الفرحه اجل وش بتقول
سهيل:بتكابر عليك بعدين نجد عوبا خابرها
نياف: بديت تغلط على الاحباب
سهيل:اخصص معليش اسفين
نياف: بكلم ابوي وبعرس مع سعود
سعود الي دخل من سمع اسمه
سعود: ها سمعت اسمي
نياف: الكلب على طاريه
سعود: يالخسيس تحشون فيني؟
سهيل:اقعد محد حش فيك عندنا خبر طازج حصري
سعود:اي وشهو
سهيل:ولد عمك الكفو نياف يبي يتزوج معك
سعود :يتزوج معي؟ لحظه
سهيل:لا لا مو كذا
سعود:يتزوجني يعني
نياف:حسبي الله وانت شايف وجهك سهيل طم حلقك م لقيت تفهم غير هالفاهي
سهيل: وانا شدراني انه بيفهمه كذا
سعود: زبدة الموضوع عطوني ياها
نياف:بخطب نجد وعرسي وعرسك بيوم واحد كذا فهمت ولا اترجم؟
سعود:طيب قولو كذا من البدايه
نياف: بس متوتر أخاف تردني
سعود:معليك ماهيب برادتك
نياف:وانت شدراك يمكن م تبيني البنت
سعود:كلمها طيب
نياف:تستهبل انت كيف اكلمها ؟
سعود بضحك :بطريقتك يابطل
نياف:انقلع عني
سعود: بروح بس هدها
راح سعود
سهيل:محد فاهم الحياه كثر سعود ماخذها بصدر رحّب وكل شي بمزح وضحك
نياف:حتى سلطان اكثر اثنين يضحكوني
سهيل:طيبّ قلبهم يشرح الصدر من م تشوفهم تحس ودك تقول كل الي بك
نياف: اي والله
سهيل: رح كلمها وتعال
نياف:طيب كيف؟
سهيل: غنى
نياف: شبتسوي غنى
سهيل: قولها السالفه وتنادي لك نجد وتاخذ رايها واذا اي تروح لابوي وانتيهنا سهل الموضوع
نياف: واذا ردتنني
سهيل:يحول لله خلك رجال وواجه الصعوبه مثلي لا تحكم على الشي من اول تجربه حتى لو رفضت حاول!!لو إنك صدق شاريها
نياف: يلا الله يستر لا تكسحني
سهيل: معليك رح
نياف:يلا
سهيل: الله معك
وبداء سهيل يعيش بخياله ولو سهالة موضوع نياف مثل سهالة موضوعه مع غزل وبداء يناظر بالنجوم ويتأملها ويقول"م بغيت نجوم السماء الا لو جاني قمرها"
دخلو عبدالله وسلطان
سلطان:قمرها
سهيل:لا اله الا الله
عبدالله:السماء
سلطان:سمعت ياعبدالله ؟
عبدالله: اي عاشق من ورانا
سهيل بضحك:اجلسو نسولف
منيف: اسمع ضحك شسالفه
مشاري:عندهم مصيبه
سلطان:لا تغير السالفه
سهيل:صادق انا
عند الجده نوره
نياف تنحنح:ييييووولدد
الجده:ادخل يامي ماوراك احد
دخل نياف وتغطت نجد والباقي
الجده:ياهلا
نياف:هلافيتس وشلونتس يجده
الجده:بخير دامني اشوفكم
نياف:يبعد قلبي وانتي ياايمه كيفتس مشتاق لتس بالحيل
جوهره:ياعمري يانياف والله اني بخير وانت طمني عنك يا امي عساك مرتاح
نياف :الحمدلله
غنى :يوه انسحب علينا الله يرزقنا
جوهره:استحي يبنت اخوتس ذا
حصه :شلونك يانياف
نياف :غنى متى تعقلين وتصيرين حرمه بخير ياعمه وانتي
حصه :بخير الحمدلله
-تغطو البنات ودخلو ريما وهيام وبعدهم بشوي سعود وسلطان وعبدالله
ريما :اشوف انها جمعة زينه بدونا ؟
عنود بضحك:الله يصلحتس اقعدي
جلسو سعود وسلطان بجنب بعض وابتداء المحارش
سعود:هنوف
هنوف :ها
سعود :كوي شماغي نخيتس
هنوف:تبطي واشرت على يده عندك يدين ورجلين
غنى:يقوو الرد
سعود :هين انا اوريتس دوري احد يوديتس
هنوف بتعزيز لعبدالله:عبدالله يوديني
عبدالله :اي انا اودي هنوفي ماهي بحاجتك
سعود خليتس قدها
هيام بهمس لهنوف:اخوانتس مخبل
هنوف: الله يعيني
وهيام الي مو قادره تحط عينها بعين سعود
وعند نجد الي منسدحه قبال امها
نجد :مشاري مشاري
مشاري :اقصري حستس وشتبين ياعوبا
نجد :انا عوبا يالمنقوز
مشاري:حلوه بس لعد تعيدينها
نياف:بالعكس عيديها
نجد:شف جمهوري
مشاري:اجتمعو ادج الناس
ننجد :هذي الناس السنعه العاقله مو مثل بعض الناس وطالعت بهنوف وسعود
سعود: يحول
هنوف: نرجع اصحاب ونتعاون عليهم
سعود :يلا هيام تجين معنا؟
اقصد نجد
نجد:مابيكم كلكم
عبدالله:سمعتو وش قال قال هيام لهنوف!
ريما:مهوووس
هيام:وجع اص
سعود:الا والله انها طلعت مني بدون ماحس
هنوف:اوه مره واضح
سعود:انطمي