في عيونك أبديّ قصيدي

بارت 18

اما عند العيال الي فقدو الامل برجعة سهيل ورجعو
نياف: م حصلت له آي أثرٍ
عبدالله:يعني كذا اختفى من الارض فجاءه؟
نياف:تسالني انت اسال متعب
متعب:محسسني انه مخبيه عنك
نياف:لا حول ولا قوة الا بالله كيف اقول لامي الحين والله ان تموت علينا
مشاري:وشذا المصايب الي تتحذف علينا
الجد:هههههههه وكلها من سهيل بلعنه تلعنه جعله م يعود
سالم:يبه لا تقول كذا !ذا سهيل
الجد:عارف انه سهيل وش هو يعني
صقر:ارجعو البيت هالحين والصبح نكمل
مشعل:من اصبح افلح
منيف: اي
رجعو وكلهم بهم خيبه كبيره
....•••••......
ببيت ابو وافي
سهيل:تهقون وش وضع الديره
ابو وافي:ماعليك بكره وافي يرجعك
وافي:ابشر يبه ترا بنروح معه الديره
ابو وافي: ان شاء الله
وافي:بروح اجيب اغراض من الحلال سهيل انتبه لا أوصيك
سهيل:ابد الله معك
مشى وافي وجاء بعده على طول راعي شاص وبداء يحاوط خيمة ابو وافي بشكل دائري ويطلق برصاصه جت ام وافي تركض
ام وافي:ياويلي يااوافييييي
سهيل:وش السالفه ؟؟؟؟؟
ابو وافي:رحنا بها ذا قاطع يجي مرتين بالشهر يحاوطنا ويمشي محد يوقفه غير وافي وهالحين م به احد
سهيل:عندك بندق؟
ابو وافي:اي هذا هو
اخذ سهيل البندق وحاول انه يشد على رجله ويقدر يمشي طلع سهيل وصّوب كتفه من قزاز السيياره نزل ومعه ثلاث رجال تعاونو على سهيل وبدا يصوب بهم بالبندق طاح واحد منهم واثنين ركبو ولا لهم اثّر
ابو وافي:انشهد انك رجال
سهيل:ابد ياعمي ذا حق وواجب
ابو وافي: لك مني ناقة عزيزهٍ علي
سهيل:م له داعي والله انا رديت معروف يوم استضفتني ببيتك
ابو وافي:افا انت حفيد عبدالرحمن احطك بعيوني
سهيل:م تقصر والله بس مطلبي شي
ابو وافي:اعتبره عندك وشو هو
سهيل:ابي ارجع الديره الحين خايف على امي بالحيل وودي انك تجي معي هالاسبوعين وتقعد عندنا المكان ذا م به امان ياعمي
ابو وافي:الله الله الي تشوفه يصير اجهزي يا ام وافي
ام وافي:والله انك أجودي واصيل ياسهيل
سهيل:من بعدتس ي خاله
رجع وافي وبداوا يسردون له كل الحكايه
وافي:لولاك والله اني خسرت كل شيي
سهيل:اعتبرني اخوك والي يضرك يضرني ويعلم الله هاليومين الي قعدتها عندكم ارتحت لكم بالحيلللل
وافي:والله مهوب بقَدي بس مشينا الديره
ركبو سيارة ابو وافي ووصف لهم سهيل طريق الديره ••...........•••
وصل الخبر عند الحريم
نجد:وراء م تبلغون!له اسبوع مختفي
غنى:يارب سترك وصبرك
جوهره:بس راح ولدي
النايفه :تفائلي ياحرمه
جوهره:يارب طلبتك
الجده:ولدتس هذا به براسه شي عالجيه مستخف
حصه:يمه مهو وقته
الجده:اجل متى ان شاء الله يعقل ويصير رجال
ملاذ بغمزه:خلاص صادقه جدتي
ميهاف:كلامتس يجده صواب
الجده:بس انتي وياها م طلبت شوركم
هيام: عطتهم وحده
عنود:الله يصبرني
ريما:الله حسيبتس ياريوف
ريوف:مهو وقتس
هنوف:اصص انتي وهي !!
.....••......
وصل راعي جّيب وشافت غزل من الشباك بس م توقعت انه سهيل فقدت أملها وانه استغنى عنها
ووصلو وافي وابو وافي ودخل سهيل مع الناقه وكان المجلس يعمّه الحزن الا على سهيل وناقتّه
سلطان الي اول م شافه انفجر ضحك ولا قدر يتمالك نفسه ويساله
نياف:سهيل وشبك كذا ومنهم ذولي
سهيل:جدي يعرفهم
عبدالرحمن:عدنان!
ابو وافي :اي ياعبدالرحمن هههههههه
عبدالرحمن:هذي الساعه المباركه والله وين سنينك وديارك ياخوك
ابو وافي:والله لولا ولدكم هالرجال الاصيل يمدي انا وزوجتي بالقبر
عبدالرحمن ناظر سهيل باستغراب:عساه مهوب بمسوي مصيبه؟
ابو وافي:ابد م جاه منه آلا الخير
سلطان:قطعك مدح
سهيل:تشوف
نياف:رجلك وشبه ؟
سهيل:سالفه طويله بس انتبهو جدي يدري
مشاري:اختصرها
سهيل:ولد خال غزل تعرض لي وحبسني ثلاث ايام واخذني لقطيعه واخذت حقي منه وهربت وحصلت خيمة ابو وافي وعرفت انه صديق جدي ورجعت اليوم
عبدالله:على اي اساس يتعرض لك؟
متعب:سلامات ياسهيل م ترتاح لين يشربون دمك
سعود:خلاص ابعد عنها يرجال
نياف:الف لا باس عليك وحقك عندي وبتلطيف للجو:مير ابشرك اني كلمت نجد
سهيل: العب خطبتها ؟
نياف: م كلمت جدي
سهيل:زين اصبر شوي ونكلمه
••.....•••عند الحريم الي دخلت ام وافي
نوره:مين انتي
ام وافي: ساره يانوره
نوره:ساره!!
ام وافي: اي
نوره:وش جابتس
ام وافي: والله جابني حفيدكم الشجاع
جوهره الي فزت :منهو؟؟؟؟
ام وافي:سهيل
جوهره:سهيل كان عندكم
ام وافي:اي
جوهره :كيف
ام وافي:اساليه ويعلمتس وانتم شلونكن
حصه:ابد ياخاله بخير الحمدلله انتي شلونتس من زمان عنتس
ام وافي:خبري فيتس بزر يبعدي بخير وانتي
حصه:يوه كبرنا وتغيرنا
ريوف:جدتي تعرف كل الناس
ميهاف:اييي كل يوم جايتنا وحده جديده
ملاذ:اصبرو م بعد شفتو شي
غنى :يحليلها بروح اسلم على سهيل
نجد:انتبهي به رجال
غنى:م عليتس
•••.....•••طلعت غنى وكان وافي يوضي للصلاه وطالع متجه من الحوش الخلفي بحكم انه م يعرف ببيت ابو صقر
غنى صدمت به
غنى:يمه
وافي صد:يابنت وش مطلعتس؟
غنى:يمه مين أنت أصلا انت الي جاي ممر الحريم !
وافي:انا وافي انتي الي مين بعدين وش يدريني انه ممرهن
غنى:انا غنى وبعدين كان يمديك تسال اي احد
وافي: زين المره الجايه انتتي اخت سهيل ونياف ولا سعود وعبدالله
غنى:سهيل ونياف
وافي:زين
غنى: نّاد لي سهيل
وافي:تم
اتجه وافي
وافي:سهيل تعال بكلمك
سهيل:وشبك
وافي:به وحده بالغلط يرجال صادفتها وراء احسبه ممّر الرجال وقالت انها تبييك
سهيل:هههههههه عوافي يرجال غنى قصدك؟
وافي:ايي قالت انه اسمها غنى
سهيل :زين بروح لها ونصلي انتظرني
راح سهيل لغنى
سهيل:شفيتس
غنى:ليه اختفيت وخوفتها عليك وراجع ورجلك كذا!
سهيل:منهي؟
غنى:هههههه امي امي
سهيل:الله يقطع سوالفتس شوي بروح لها بصلي مع وافي واجيتس
غنى:ذا الوافي مربوش
سهيل:ترا قالي عن قبل شوي ههههههههه
غنى:يوه ونقال علوم بعد
سهيل:والله انه طيب
غنى بتغيير للموضوع لانها متفشله من الموقف :بروح لأمي اطمنها
سهيل:سلمي عليها
غنى:يوصل
طلع سهيل ووافي للمسجد وكانت غزل على شباكها طول الايام الي اختفى بها سهيل
رفع سهيل نظره لها وأبتسم
غزل:سهيل!!
الجازي:صرتي تهلوسيين بعد
غزل:سهيل رجع يالجازي!
الجازي:اما ؟
غزل:اي والله
الجازي:شفتي قلت لتس انه بيرجع
غزل:بس وين اختفى
الجازي:اساليه
غزل:كيف
الجازي:بطريقتس
جلست غزل تفكر كيف تساله وكانت خايفه انه معد يهتم لها او ذي بداية انسحابه عنها
..•••...........••
بداء الإمام يإذن
وصلو وافي وسهيل
واستغرب وافي ان سهيل يطيل بالسجود
باخر سجده نطق سهيل:يارب قربها ولا بعدها يارب امانها ولا خوفها وسلم
وافي:فيك شي؟
سهيل:ادعي الله
وافي:يستجيب
سهيل:يادعّاي باول صلاتي ومطلبي بسّلامي ل رب العباد ونيتي وانا مالي بالحب نيه
واافي:مطول انت هههههههه رجعنا بس
سهيل:بناخذ العيال ونروح للإبل واعرفك عليهم
وافي:يلا تم
رجع سهيل هو ووافي واخذ العيال ومشو
سلطان:الناقه ي سهيل وش بتسميها
سهيل:غزاله
منيف :وش ربط غزاله وهي ناقه
سهيل :بكيفي انا ابي اسمها كذا
عبدالله:تستهبل
سهيل:لا والله صادق
منيف:يالهووس حتى سعود م سوا سواتك
سعود: انا اردى منه واعترف
نياف:الله يشفيكم
سهيل:ويشفيتس يانجديه
نياف:ههههههههههه حسيبك الله
سهيل:كلم جدي شوي
نياف:يصير خير
مشاري:عافنا من ممابتللاهم
متعب:انتبه تنقد بكره تنبلي
مشاري:لا معليك حريص انا
سلطان:واضح
سعود:قومو سوو شاهي عيب الرجال هنا ولا نضيفه
وافي:ابد والله اعتبروني منكم
سهيل:وانت منا وفينا
بدا سهيل يعرف وافي على العيال ونقدر نقول بدت الميانه بينهم