في عيونك أبديّ قصيدي

باررت3

"عند غزل"
شافت نجد فوق السطح تاشر
غزل باشاره:شفيتس
نجد:ملاذ تعالي فهميها ماعرف
ملاذ:اشرت لغزل على الباب
نزلت غزل واخذت الورقه واشرت بان تم
ملاذ: وربي فكرتس قووييه
نجد: ماشفتي شي
ملاذ: يلا بلبس
خلصو البنات ووالاتفت كان
نجد: سوت ويفي وشعرها بني لكتفها ولبست تيشرت بيج باكمام وبنطلون بني غامق واكسسوارات ذهبيه ومكياج خفيف وجمال نجد معروف"لا يعلى عليه"

اما ملاذ " بشعرها الاسود سوته ستريت ولبست ليقنز اسود وسويتر ازرق فاتح ومكياجها خفيف والجاذبيه كلها عند ملاذ"

لبسو عبايتهم وواتجهو للإسطبل.

اما غزل لبست فستان اسود مره خفييف وضيق من الخصر ومن تحت وسيع وكم قصير وفتحت شعرها الطويل الاشقر وكان ناعم بالحييل وسوت مكياج مره خفيف ولبست بوت بيج طويل على الفستان لانه قصير واخذت عبايتها وطلعت

وصلو البنات عند الاسطبل ودخلو مع الباب الخلفي
وغزل "معروفه بحب الخيل"
دخل سهيل وكان عند سهيل خيل اسمها النادره "يحبها مره من يوم وهو صغير
نجد: غزل لا تقطعينننا عشان السالفه
غزل: ماعليتس
ملاذ : خلاص فكونا من هالسالفه ضيقه نتسابق؟
نجد: تمممم
غزل: اييه تكفون يلا ابي ذي "تقصد النادره "
نجد: وانا ابي ذا كان 
ملاذ: وانا باخذ هذا
بدانا
وقفو البنات جنب بعض وبداء ويتسابقون
اول مره فازت نجد ثاني غزل ملاذ م لها حظ
ملاذ: وش به ذا الخيل
نجد بضحك:ماتعرفين به وتهايطين
غزل: ترجعون؟
نجد: اييه بكره تعالي نفس ذا الوقت
ملاذ : ايي نجد امشي نرجع وغزل ارجعي ترا بيجي نياف وسهيل
غزل: خلاص بتدرب شوي وارجع
نجد: بنرجع توصين شي؟
غزل: يروحي سلامتس
مشوا البنات وبقى غزل تجرب الخيول وماعجبها الا النادره
وصل سهيل للاسطبل كالعاده متوجهه للنادره بس هالمره استغرب من البنت الي قده شايفها وعند النادره !
بدت غزل تلعب للعبب النادره واداء غزل رهيب
وشعرها ورآها يهببّه الريح كانت ملفته بالمعنى الحرفي
سهيل: منصدم منها وده يمدح واكتفى انه يناظر
وقفت غزل ولبست عباتها
سهيل: وش جايبتس؟
غزل: انت!!
سهيل: اي انا وش جايبتس عند النادره
غزل: اسمها النادره ؟
سهيل : اي
غزل: انا كنت اتدرب مع نجد وملاذ هم قالو م كنت ادري انها لك
سهيل: انتي بنت راكان ولد سفر !الي قابلتس ودعيتس تنادين اهلتس للعزيمه
غزل: اي
سهيل: شسمتس ؟
غزل: انا غزل انت سهيل
سهيل :صح بسالتس
غزل :وشو
سهيل: وين كنتو قبل ترجعون الديره
غزل: كنا بالرياض بعد وفاة امي ضاقت بنا الدنيا ورجعنا الديره
سهيل الي ندم انه سألها توه يعرف انها امها متوفيه وحب يغير الجو قال: لعبتس بالخيل بطللل
غزل: برجع انا
سهيل: تعالي بكره ادربتس
غزل: لا مايحتاج اعرف
سهيل؛ بكيفتس بس موجود بكل وقت
غزل: تم ومششت
اخذ سهيل النادره ووقفها مكانها وجلس بجنبها وقال بنفسه: "تهزمني النجلاء وانا ند فرساان"
وركب سهيل سيارته واتجهه لبيت خويه متعب.
وبداء يسرد له القصه من الالف الى الياء
سهيل بضحك لان عارف ان متعب منضغط: "يحول من ماشافت العين يحول يازين بنت شفتها وعجبتني"
متعب:سهيل مريض انت!!!
سهيل: متعب لا توقف ضدي جايك محزم انا مع الحق
متعب: الحق انه صار بري منك وخسرت اهلك عشان سفر ولا تقولي حبيت حفيدته بشفقه !
سهيل: م حبيتها انا ابي اصلح بس
متعب: تلعبها علي !وانت تتوقع اذا صلحت سفر بيعطيك حفيدته وبينسى !
سهيل: ليه كلكم ضدي كل الي اسويه صح انا ابي ارجع علاقة جدي وسفر بس
متعب: والي استفدت اننك انطردت وبريئ منك
سهيل : متعب قول ماتبيني اقعد عندك وخلاص
متعب: ي سهيل ماقلت كذا بس الي تسويه غلط وانا خويك لو بغيتني معك تحصلني بيمينك
سهيل: بتشوف يامتعب مع الأيام والي اسويه كله صح سواء اخذتها ولا المهم اصلح بينهم
متعب : الي تشوفه
سهيل: شايل بخاطرك تبيني اروح بروح
متعب : افا البيت بيتك وانا ماعندي احد عارف انت
سهيل: سم
متعب الي احتله الضيق على خوييه وفكر ان عبدالرحمن طول عمره متسلط على سهيل ومخليه تحت قيوده وجاء وقت ان سهيل يتكلم
سهيل: وشبك
متعب: م بي شي بروح اخلص كم شغله
سهيل: الله معك

عند بيت عبدالرحمن "
الجده: خلاص يامي ياجوهره معليتس عبدالرحمن شوي ويرضى على سهيل
جوهره: ياعمه بري من ولدي له يوم لا خبر ولا اتصال
غنى: يمه تكفين هدي سهيل م ينخاف عليه
دخلو سالم ونياف على بكاء جوهره
سالم بحده:جوهره تعالي
جوهره: سم
سالم: وش بتس انتي بعد الي سواه ولدتس تبين ابوي يبري مني بعد!
جوهره: ابكي من حرقتي على وليدي وانت ولدك لو انه بحريقه م فتحت فمك
سالم: ترادديني ياجوهره؟
جوهره: والى متى وهو فارض اوامره على سهيل من يومه بزر عكس عيال عمامه!
سالم: ابوي يشد على سنده سهيل وسهيل عن الف رجال والي سواه ولدتس مهوب عادي
نياف: غنى خذي امي وادخلي!!!
غنى: يمه خلاص تكفين امشي معي
جوهره: نياف سهيل كلمك؟
نياف: اي ماعليتس بس انتي ادخلي
عند البنات
نجد: الحمدلله ان ابوي وعمامي مب زي جدي
ملاذ: بس ياحبيبتي رايه يمشي عليهم
ريوف: مو شرط يكونون نفسه المهم اوامره
هنوف: اي مو نفسه بس فروضه تمشي عليهم ولا يقدرون يقولون لا
ميهاف: احب الديره واحب جدي بس يشده معنا
ريما: ترا جدي طيبب والله بس الي صار به مو شوي
الجادل: خلاص يابنات غيرن الموضوع
النايفه: يابعدي ياجوهره الله يصبرتس
حصه: اي والله و يرده لتس
عنود: ريما ياعييني سوي لنا شاهي نهدا
الجده: اي تسوين خير