في عيونك أبديّ قصيدي

بارت5

راحت غزل عند الجازي
الجازي: من امس مانتي على بعضتس
غزل:م بي شي
الجازي: اعرفتس زين تكلمي
غزل: بقولتس وش صار مع سهيل حفيد عبدالرحمن
وقالت غزل كل السالفة للجازي
الجازي: وليه رحتي الإسطبل لهن!!
غزل: مو عشان جدي وجدهم معد اروح
الجازي: وانتي متى تكبرين وتعرفين انهم يبون يضررونا
غزل: بس هو طيب معي ! وبعد البنات وانتي شفتي يوم رحنا لهن كيف
الجازي: م قلت بهم شي بس سالفة عبدالرحمن كايده بالحيل
غزل:م يهمني
الجازي:كيف م يهمتس انتبهي بس لا اشوفتس معه يمكن خطه مسويينه عليتس عشان ينتقمون
غزل: مستحيلل
الجازي؛ وش مرحيتس له واثقه بعد
غزل بدموع: اول مره احس باهتمام
الجازي:وش قصدتس
غزل: انتي تعرفين ان مالي غيرتس واعتبرتس اختي مو عمتي
الجازي: وانا بعد اعتبرتس عيوني ولولا خوفي م اهتميت بتس كذا كملي
غزل: ماحبيت اخبي عليتس واقولتس اني مارتحت لسهيل لاني الصدق ارتحت له بالحيل
الجازي: خلاص ياغزل الي تشوفينه سوييه بس تذكري ابوتس راكان وجدتس سفر وضياعنا
غزل: م عليتس مابه احرس مني
الجازي بضحك: الله يستر منتس يالعوبا

اما عند سهيل الي اتجه لشقة ولد عمته مشاري
دق الباب
مشاري:سهيل وش جابك هالوقت
سهيل: يرجال ماعندي احد اروح له
مشاري: ادخل ادخل وعلمني
سهيل: تعبان بنام بكره اعلمك
مشاري: خذ راحتك نوم العافيه
دخل سهيل وتمدد بالسرير وهو يحس بحراره وصداع ولا عارف الي سواه صح ولا خطاء وقال بوقت ضيقه
ياحلم بعمري تمنيته ماتحقق لي
على كثر الاذى الي جاني الا اني ابيه

"بمجلس عبدالرحمن "
سالم: اقول يبه
الجد: بتهرج عن ولدك اكرمنا بسكوتك
صقر: يبه مو زينه الناس تدري انك بري من سهيل
مشعل:سهيل غلط وكلنا نغلط اقل شي رجعته البيت
الجد: لا صار رجال وعقله براسه ذيك الساعه يرجع
سالم:سهيل يبي السماح وانت عارف ان المسامح كريم
الجد: نياف
نياف: سم
الجد: طلعت الحلال؟
نياف: اي قدها جاهزه
الجد: منيف
منيف: امرني بكره ابيك تفتح المجلس الصبح على 7
وانت ياعبدالله الدلال كلها جاهزه يعاونك بها سعود
وسلطان بكره من الصبح تجيب لنا كم أبل
سعود:ليه ؟
الجد: مهوب شغلك
منيف بضحك:قايل لكم ملقوف
الجد: سد حلقك انت الثاني
عبدالله : الله لايبلانا مستخفين
الجد: ولا كلمه
سلطان: تزبيداات جدي تفوز
الجد: انطم
مشعل بهمس لسالم: معليك لا تشيل همه
سالم: يصير خير
———————————————
هييام: بكره بنرجع الشرقيه 💔
ريما: مانيب برجع تكفون
هيام: شغل ابوي قومي جهزي شنطتس بعد الفجر وحنا ماشيين
ريما : اف
———
نجد: ريوف
ريوف: ها ها
نجد: شرايتس بنياف ولد سالم خالي
ريوف: خكري
نجد: ياملسونه صدق اسالتس
ريوف: حليل ماعليه
نجد: ايي والله طيب اليوم شفته
ريوف :وش وش شفتيه ياوصخه وانا مدري
نجد: بسم الله بصدفه كنت ابي اخليه يوصل الورقه لغزل بس
ريوف: لحظه اي ورقه وغزل!! وش السالفه
نجد الي زل لسانها لان محد يعرف انهم يقابلون غزل هي وملاذ
نجد: اقول هيام وريما بيمشون امشي نسلم عليهم
ريوف: اييي صح يلا
نجد بتوتر بنفسها: يمه كنت بجيب العيد
همست :ملاذ
ملاذ: شفيتس لونتس اصفر
نجد: زل لساني عند ريوف وجبت طاري غزل
ملاذ: نجد انتي بعقلتس! تدرين ان بنروح بها
نجد: بالغلطط والله زين انها م انتبهت بس
ملاذ : امشي نروح عند جدتي نوره بس
نجد : يلا