في عيونك أبديّ قصيدي

بارت 13

عند سفر"
سفر: وش صار على سهيل صحى؟
نجلاء: والله مدري عنه
سفر بخيبه: تدرين يانجلاء اني صدق حنيييت لايامي مع عبدالرحمن ولا كان ودي يصير ذا كله ولو جاء سهيل وطلبها مني عطيته
نجلاء: وش بعده ياسفر صوَبته برصاص وكان بين الحياه والموت ماظنتي حتى يفكرون يطلبونها
سفر: تماديت بلحظة غضب تذكرت كل الي صار يدي طلقت على الرصاص بدون ماحس
نجلاء: خلاص الي صار صار مالنا شغل بأحد
راكان: مساء الخير
سفر:مساء النور على وين
راكان: بروح لا اخوياي
سفر: اي زيين بنتك وين؟
راكان: مع الجازي
سفر: ان شاء الله انها عقلت
راكان: انا بروح
سفر: تشوفين ولدتس!
نجلاء : وانت كل م شفته ضيقت عليه والدنيا دايره به
سفر: واقفه معه ضدي
نجلاء: لا بروح عند اختي
سفر: جت عليتس روحي
جلس سفر بوسط الحوش وهو يفكر كيف يصّلح كل الي صار

عند غزل الي واقفه طول الليالي على الشباك تنتظر
الجازي: مامليتي
غزل: لا
الجازي : غزل عادي اسالتس؟
غزل: وشو
الجازي: وش معنى هو
غزل:م حسيت بالأمان الا معه وكأنه دواء لروحي بعد سود الليالٍ
الجازي بضحك: اخصص يالمشاعرعررررر
غزل بضحك :الخافي اعظم
الجازي: فيه خفايا وانا مدري؟
غزل: لا بس يعني قافطه جوتس وكذا
الجازي: ياحظي فيتس ياخي
غزل: روحي سوي لنا شاهي وانا براقب يمكن يوصل
الجازي: يلا

—باليوم الثاني —
الدكتور: م ينفع تطلع اليوم ابدا
سهيل: انا اتحمل مسؤلية نفسي
الدكتور: براحتك ذحين بكتب لك خروج
سهيل: تم
كتب الدكتور لسهيل خروج واتصل على متعب يجي ياخذه
سهيل: متعب انا بالمستشفى الفلاني* تعال لي
متعب: وشبك؟
سهيل: سالفه طويله بس تعال وصلني
متعب:مسافة الطريق وانا عندك

اما عند البنات

اماا البنات بسوالفهم وضحكهم
ميهاف:غنى وريوف وشرايكم نستكشف
ريوف :اهجدي
ملاذ:هذي بها شي م هيب بصاحيه صدقوني
ريوف:مانسيتي سالفة امس والله اني بغيت انسدح من الضحك
وعند البنات الي يفكرون بمغامره بس هالمره قررو يروحون عند الابل رفضت ملاذ هي وريما والبنات وافقو نجد وريوف وغنى وهنوف وهيام ولبسو كل وحده مخور وطرحه وطلعن من الحوش الخلفي متوجهات للابل
ريوف: اقصري الحّس يامييهافف نبي نرجع قبل العصر

طلعو وشافو المزرعه الي مره كبيره وفيها كل الي بالخاطر
ميهاف: أحترت وش اخذذ
ريوف: مشفووحه
نجد بطيحه:رجليييي
ميهاف: يويلي منتس قومي
نجد توصخ مخورها: مقدر رجلي
غنى: وش السوات
هنوف: نشتلها
هيام:تمزحين
ريوف:معلي منتس بتقعدين وحنا بنلعب
نجد: هين انتي جحوده
ريوف:انا!شدخلني فيتس محد قالتس تطيحين حولا
نجد: ريوف انقلعي عني لا اصفقتس
ميهاف: ريوف نلعب
ريوف:وششش
ميهاف: بتخبى وانتي دوريني
ريوف: يلا
هنوف: بزران
غنى: ريوف انتي ثولا ؟
ميهاف: ومخبوله بعد
ريوف: اجل خلي جنيتس تلعب معتس
ميهاف: لا والله امزح ياحلوتس يازينتس بس امشي
ريوف:إي ادب
بدت ميهاف تتخبى بين الأشجار
ريوف:ميهافي وينتس
نجد:احسها وراء الباب ذا
ريوف:اصص قصرو صوتكم
ريوف الي بدت تمشي بخطوات خفيفه
وتدور بين الاشجار
ميهاف: طاحت عينها على الدّاب الي وراها
ميهاف بركض:يمه يمه امشو بسرعه
ريوف:خلوها ترا حركه منها عشان تفوز
هنوف : ياعليها حركات
هيام: تضضضحك
ميهاف:وقسم بالله شفته يبنات
غنى:منهو
ميهاف:داّب
نجد:ياكبرها عند الله صعب اصدقتس
طلع قدامهم
نجد:يمه يمه تعالو
غنى الي قمطت ودخلت بطرحة نجد
نجد:يالخبببللللللله !!
ركضوا البنات بأسرع م عندهم للبيت ورجعو وملابسهم كلها متوصخه وحالتهم حاله
نياف:اعوذبالله
سلطان: يمه يروعن
عبدالله:هذيلن علامهم كذا؟
سعود الي انفجر ضحك:جدي تشوفهم؟
دخلو البنات وحده وراء الثانيه وهم يركضون وكلهم غبار
صقر:طالعاتن ممن المقبره الظاهر
الجد:بسم الله الله اكبر عليهم
سالم:قم يانياف شف وشفيهم
منيف:حسب تحليلي وخبرتي طالع لهم صرصور
مشعل : قم شف وانت ساكت
سعود:جا ابو التحليل
الا ويقاطعهم دخول سهيل
سالم:سهيل!
نياف: وش مطلعك انت
سهيل: م بي شي
نياف:سهيل صاحي انت ارجع
سهيل:مانيب براجع
سعود:ياالله حيّيه
عبدالرحمن نظره منه ونظره من سهيل
مشعل: اجل نخلي العشاء اليوم
صقر: اي زين تسوون
الجد: يلا روحو جيبو كم ذبيحه
سالم: وانت يانياف مثل م وصيتك امس
سلطان: بعطيهم خبر
عبدالله: اي يلا
راح سلطان عند مجلس الحريم بجنب الباب : ترا جدي يقول عشاء سلامة سهيل اليوم وخطبة هيام بعد المغرب خلوكم جاهزين
ملاذ: بضحك يلا روحن تجهزوا لا تخرشون الضيوف
ريما: اول مره احمد ربي
نجد: بقوم اداوي جرحي والبس
ميهاف: فستاني جاهز بس بترووش
ريوف:تخسين انا اول من يدخل الحمام
الجادل: على هالاشكال يبي لكم ترويشه سنتين
حصه:اي والله اعجلن وتعالو رتبو
ريما: يمه يمه نببي صّواني حلا وفطاير
ملاذ:ونبي سماعه نبي نردح
الجد:كله جاهز بس اخلصوا وتعالو عاونونا
عنود: يلا ياهيام انتي وريما
هيام:سمي
جوهره: غنى يا امتس سهيل طلع؟
غنى:الظاهر
بداء المكان بالفرحه ب"سلامة سهيل " وخطبة هيام "والوناسه واجواء العزايم