في عيونك أبديّ قصيدي

بارت17

اما عند غزل الي لها ثلاث أيام بنتظار طاري من سهيل
سفر: عبدالرحمن وعياله عندهم مصيبه
نجلاء: وشهي
سفر:الظاهر ولدهم سهيل مختفي
غزل الي تغيرت ملامحها
نجلاء : اي وش به؟م تدري
سفر: وشدراني عنه انا سالني واحد عنه يقولون ان اهله يدورون عليه من ثلاث ايام
الجازي الي ناظرت غزل الدمعه بعيونها
سفر: م علينا منهم وين راكان؟
نجلاء: مع اخوياه
سفر: وهو ماعنده بنت يسال عنها ي بالمنقاص ولا مع اخوياه ولا مهتم بها
نجلاء: رجال وش كبره م يمديني ارده عن الباب
سفر: م قلت شي به بس يسال عالاقل
نجلاء:ان جاء بكلمه
سفر :يصير خير
غزل الي خنقتها العّبره وحست ان نور الدنيااا اختفى من سمعت هالكلام وودها تعرف وينه وليه ما اهتم لها ولا قالها رمت نفسها بالسرير وهي كلها تعب وخيبه وخوف انها تخسر احد بحياتها من بعد اممها وانشغال ابوها عنها وكان آمالها كلها بسهيل
الجازي: خلاص ماعللييتس بيرجع لا تخافين
غزل:كيف يرجع وهو ثلاث ايام لا خبر ولا حّس
الجازي: استعيذي بالله وان شاء الله م فيه الا العافيه
غزل:اخخ يالجازي معد أتحمل احس
الجازي: غزل لا تقولين كذا بسم الله عليتس
طاحت غزل بحضن الجازي وكلها دموع الجازي الي تناظر ولا بيدها تسوي شي
الحال من حاله مقدر اسوي شي صدقيني
وطول هالليله غزل عند الشباك ودموعها تألفهَ
ببيت الجد عند البنات "
الي م وصلهم ألخبر
الجده:يعرببب وينكم فيه
نجد :هنا يجدده
ريوف صباح الخير
ميهاف: قصدتس مساء الخير
غنى:مساء النور
ملاذ :شعندها
ريوف :وشعندي ماتبيني اسولف معك ميهافوه اشتقت لتس
ميهاف:ريوفو حتننى
ريوف :الي تحب المحارش
ريوف بغمزه لهيام:اقول يالخروفه ياهيام وينتس غاطسه مانشوفتس
هيام:يافضيحه هذاني عندتس فاهمتس ترا!
ريما:شوفو حتى ريوف الدجاجه اكثر وحده تنام عرفت انتس غاطسه
ملاذ :صح والله اول مره تقول الدجاجه شي يكون صح
حصه:وقص يقص لسان الشيطان الا الغاليه ريوف
ريوف:يبعد عمري يايمه تشوفينهم؟
الجده :اشوفهم انا بعد مدت نوره العصا وضربت ريما وملاذ بخفّفه
  ريما بضحك:طيب وميهاف وهيام
هيام:عشانها ببتزوج صار فيه هيبه
هيام الي بضحك :بمشيها لتس
ريوف :اخطبو لي على ذوقكم عشان يصير عندي هيبه نفس هيام
ميهاف :تم والله؟
غنى:وانا وانا بختار العريسسس
النايفه:وانا وش مقصرتن فيه؟
ملاذ :يامي انتي تخطبين لي
الجادل:صادقه
ريوف:امزح امزح
حصه:يثقل دمتس وانا امتس
هيام: خلاص عاد
ريوف:اقولتس تبين غير سعوده؟
هنوف:مالتس غيرها بس اعقبي
هيام :وانتي مالتس غير عامل البقاله
هنوف :تشوفين ياعمه
عنود:اوريتس فيها
هيام بضحك :ماقلت غير الصحيح
ميهاف :اص مالتس دخل
نجد:اهجدو
غنى:اص ينيافه
نجد:يوه نسيتها والله خويتي
غنى :الحمدلله والشكر احد ينسى خويته
نجد :فاهيه
غنى:خببللله والله
ملاذ بضحك:الله يعينها
عند نياف والعيال الي كانو يدورون على سهيل
مشاري : اتصلو عليه
نياف:الخط مقطوع
سلطان:دورنا بكل المكان الي معتاد على سهيل انه يروح لها ولا حصلنا
متعب: واخوياء سهيل كلهم اعرفهم مستحيل عند احد منهم ولا يمون بالحيل معهم
سالم: نياف سوو شي
نياف:وش بيدي يبوي ماحصلته
عبدالله :زين يوم قالكم بيروح م قال وين
نياف:اخر شي كان بيروح لمتعب
مشعل:نروح لحارة متعب ونسال
سعود:يمكن يكون احد شافه من اهل الحاره
متعب:وش يسوي سهيل هناك
صقر: بديت اشك بشيء انه ببيت سفر
نياف:لا مستحيل وش بيوديه هناك
منيف:لا يسمعكم جدي بيسوي مشكله
وانتم تعرفونه زيييين
نياف: انتبهو ماحنا بناقصين
مشاري: انقسمو وندور حوالي هالمحلات
انقسمو وبدأوا يدورون
عند سهيل ........••....
الي لمح نور خيمه قريبه منهم وتوتر ان يكون بها احد وكوّنه م معه شي يحمي نفسه به
سهيل:بروح والشكوى لله
دخل سهيل الخيمه ورفع عليه البندق شايب
سهيل:دقيقه ياعم
الشايب:ارفع علومك ياولد وشقووومكك
سهيل:ي عم مانيب بعارف الطريق
الشايب الي شاف دم سهيل وحزن عليه ودخله
تعريف... ابو وافي. 64 ام وافي 56 وافي 25
قدمت ام وافي له شّاش ولصق وماء واكل بعد م ارتاح سهيل بداءت الاسئله حوله وكونهم خايفين منه لان هالمنطقه معروفه بالقطاعين واشياء كثيره
وافي : وش جابك هنا
سهيل: سالفه طويله
ابو وافي :اي قولها ؟
سهيل بداء يسرد قصته مع غزل ونهايتها مع زايد
ام وافي :وليه يا امي انت تسوي كذا و متتبع راي جدك
سهيل:يخاله احبها طيب
وافي :الله يجمعك بها
ابو وافي : وش يقالك؟
سهيل:سهيل بن سالم عبدالرحمن
ابو وافي :عبدالرحمن محمد؟
سهيل:اي وش عرفك به؟
ابو وافي : كان خويي هو وسفر بن عساف
سهيل من سمع اسم عساف ظن ان ابو وافي يعرف حقيقة القَتل وحصل الدليل
سهيل:تعرف شي عنهم اكيد انك تقدر تساعدني بمعلومات
ابو وافي : الي اعرفه انهم اخوياء بالمره وكان بينهم إعمال ومباني وحصل بينهم خلاف وتوفوا ويقولون العرب ان عساف قتل محمد
سهيل:بس ذا الي تعرفه؟
ابو وافي:اي والله
سهيل:زين كيف اقدر اوصل الديره من هالمنطقه؟
وافي: لا تطلع هالايام انتبه الوضع م يطمن اجلس عندنا وانا اوصلك ان زانت الاوضاع
سهيل:ضروري ارجع هاليوم اهلي اكيد يدورون علي
وافي : لا تحاتيهم صعب ارجعك وصعب ترجع
سهيل: اجل الي تشوفه
ام وافي :ذا فراشك يولدي
سهيل: م قصرتي ياخاله جعل عمرتس طويل
ابو وافي:وافي ان خلصت انتبه للباب بسّري انام
بقى وافي وسهيل
وافي :تدري سالفتك ذكرتني بشي
سهيل: جعله صار؟
وافي :للاسف لا
سهيل:وشهو
وافي :كنت احب بنت جيرانا من يوم عمري 18وحصل بين ابوها وابوي خّلاف بالشغل وانخطبت زفوها عروس وهي راحت وبقيت انا والذكرى ونسيتها بس م فكرت احب بعدها
سهيل:الله يعوضك
وافي : انا نسيتها بس انت اللي عجبني انك صامل
سهيل:لاني حبيتها ادعي الله جمع يوسف بيعقوبٍ يجمعني بها
وافي :زين عرفني عن نفسك وعن ديرتك
سهيل بضحك:ماعرف اشرح لك بس عندي رأي زين
وافي:اسلم وشهو
سهيل:بما ان ابوك كان صديق لجدي شرايكم تجون معي الديره واعرفك على العيال واقّر عين جدي بشوفة خويه لعله يرضى علي
وافي:شور زين بس امي ؟
سهيل:يرجال امك معنا يحطونها بعيونهم هناك
وافي:اجل تم م به مشكله
واخذتهم السوالف
وعند غزل الي كانت تسهر الليل على الشباك مع طواري سهيل ومروره ورجعته باي لحظه كانت غزل تحس انها خسرت شي م يتعوض وتسامر الليل ونجومه بطيوفه