في عيونك أبديّ قصيدي

بارت 9

الجد بصوت خافت: نياف
نياف: أمرني
الجد: تحس اني قسيت عليه ؟
نياف: منهو
الجد: سهيل
نياف: احسن وانت راضي انه ياخذها؟
الجد: لا بس سواتي معه غلط
نياف: مهو غلط ولا شي بروح أشوفه

اتجه نياف لسهيل وفك الباب كان خد سهيل ينزف من الدم وثوبه وعيونه الي من السهر ذابله كان بحاله م يعلم بها الا الله
نياف: ارتحت ؟
سهيل: اي ومالي كلام معك
نياف: شف محد وصلك لهنا غير تفكيرك الغبي
سهيل: ليه م تكون سندي؟
نياف: انا ابي مصلحتك م ابي اشوفك تحت لعب حفيدة سفر على مسمى انها احتزمت بك
سهيل: استغرب انك اخوي مانيب بقلبي حجر البنت اعتزت بي وانا م خليتها
نياف: وش معنى انت ؟ اخوها ولا ابوها وش صفتك
سهيل: قريب بيكون اقرب من ذولي
نياف بضحك: احلم
سهيل: والله واكسر خشمك
نياف الي حس ان قلبه تحطم: سهيل م كنت كذا
سهيل: والي سويته بي امس تحسب بنساه؟
نياف: والله اني اسف بس كنت ابي مصلحتك ومن خوفي عليك
سهيل: وش تفيد اسف وانت ضيعتني
نياف: مستعد اوقف معك بس بدون علم جدي
سهيل: انت تدري ان جدي مستقعد لي من يومي بزر
نياف: ادري ياخي
سهيل: ويوم تدري ليه توقف معه ضدي خيبت ظني
نياف: مجبور انا مو بيدي تعرف جدي انت!!
سهيل: اعرفه
نياف: المهم اني اعتذرت وهذا الاكل عندك وانا بحاول اطلعك بكره
سهيل: اطلع بس
نياف: وش اساعدك به وتنسى؟
سهيل: اشوف غزل
نياف:طيب كييف!
سهيل: كلم جدي يطلعني الحين وبس الباقي علي
نياف: بحاول معه
سهيل: يلا استعجل

__عند الحريم__
ملاذ بهمس: شفت سهيل طالع معه رشاش
غنى: يمه وشصاير!
ملاذ: م عليتس بس انه بخير ارتاحي
غنى: اشوا
ملاذ: ورا م تزوجونه ريم بنت خاله؟
غنى: م يبيها
ملاذ: ياعيشتن القشرا م يبي غير ذا الغزل الله يسعده بها
غنى: امين يارب
نجد: امين
ريوف: ميهاف هاتي
هنوف: جو الجنون
ميهاف: وخري حقي قبل لا يصير حقتس
الجادل: بس يابنات !
جوهره بضحك: ياحلوهم يغيرون الجو
ميهاف: شوفوها مب حنا متفقين ان السلسال ذا حقي والثاني لها
ريوف: تخسسسين امس قلتي تبين ذا
حصه: عطيها ياريوف وخلاص
الجده: خليه وانا اجيب لتس
ميهاف: بس انا احب ذا
ريوف: حتنى احبه
ميهاف رمته: خذيه بس لا تكلميني
نجد: يوه تزاعلن
ملاذ: خمس دقايق ويرضون
غنى: ماعليك شوي تحصلينهم بالبقاله
هنوف: ناشبين للعامل
الجده: ياصبره هالعامل
الجادل:اي والله محد صابر عليهن كثره
نجد: انا بنام تصبحون على خير
ملاذ: وانا بعد
جوهره: نوم الهنا
غنى : ريوف احس روحي راضيها
ريوف: معلي منها بروح اشرب ماء
طلعت ريوف وشافت ميهاف متضايقه وهي تعرف ان ذا السلسال غالي عليها بالحيل ناظرت به وقالت" خلاص ياريوف بداله عشر الا ميهاف م يجي غيرها "
طلعت للحوش
ريوف:ميهاف اسفه
ميهاف: شتبين
ريوف: ادري انه عزيز عليتس خذيه والله ان يفدااتس ولا تزعلين
ميهاف بضحك: يالخبله مازعلت اسوي اكشن
ريوف: نعنبوتس قلبي طاح طيب
ميهاف: امزح اشوف غلاي عندتس
ريوف: ياسماجتس امشي ندخل
ميهاف: نقول تصافت النفوس
ريوف: اي