في عيونك أبديّ قصيدي

بارت6

الجده:وش جابكم
نجد:مشتاقين لتس
ملاذ: اي جابنا الشوق لنورتنا
الجده: يابعدي والله ،وين امهاتكم؟
نجد: طالعين ف الحوش
الجده: قوموني نروح ليمهم
ملاذ: سمي
اتجهو للحوش
الجادل: ياهلا والله ياهلا
الناييفه : هلا ياميمتي
الجده: وش عندكم قاعدات هالحزه
جوهره: نبي نوسع صدورنا
عنود: اي والله
الجده: زين شرايكم بكره نطلع جميع ؟
حصه: م ظنتي ابوي بكره فاتح مجلسه من صباح الله خير
الجده: معليكم عندي الموضوع روحي يانجد حطي غطوتس ونادي جدس
نجد: تامريني
اتجهت نجد للمجلس الي وقفت تنتظر احد يطلع
عشان توصيه ينادي جدها طلع نياف متجهه لبيت متعب وصادفها
نياف: شتسوين هنا
نجد:بسم الله موصيني انادي جدي
نياف الي بلع ريقه من شاف عيونها من طرحتها الشفافه
نجد: بك شي؟
نياف: لا ثواني واناديه لتس
نجد: تم استعجل
دخل نياف
نياف بهمس: جدي فيه وحده برا تبيك
سلطان بضحك : تعرف مين الوحده ولا
منيف: مسوي نفسه غبي
سلطان : نمشيها له ؟
عبدالله: لونه مخطوف
نياف: جعلك للبقعا انت وياه استحو
سلطان بيضغظه وقال بدلع: نييافي
نياف: ياشينها من حلقك
عبدالله بضحك :تبيها من حلق مين
منيف: اي مين اشر بس
نياف بضحك: سامجين يعيال دورو غيرها
سعود: افا شفيكم عليه
نياف بضحك:م يستحون صح سعودي
عبدالله: يابطني حول عليه
منيف: مهو صاحي به رقله
سعود: انطم ياغثها على لسانك
نياف: ي سخيف انت وياه امشو نروح للابل
سعود: توني بقوله
عبدالله: سريينا
———عند االجد عبدالرحمن ——-
الجد: منهو مناديني
الجده: انا
الجد: علامتس
الجده: بكره نبي نطلع البر
الجد: م به بر ولا خرابيط مانيب فاضي
ميهاف: تكفى يجد الديره طفش
الجد: اعقبي
ملاذ: نبي نطلع اجل
نجد: ايييه بس هالمره
ريوف: يحول لله م به امل يعني
غنى: جديي عشاننا
ريما: تطلعون وحنا نروح الشرقيه سلامات غدره
هيام: لنا الله ياجدي
ريما: اي اطلبي ربتس
الجد بضحك عليهن: خلاص بكره على 9 ان شاء الله وياهيام انتي واختس لكم وعد ان رجعتو المره الجايه لكم طلعه مخصصه
نجد: اوف اوف كل هذا لهيام وريما؟
ملاذ: حسد حسد
ريما: اذكري ربتس يامره
هيام: عوذه منتس تروعين هالحين يعيي علينا
ريوف: تف هف ماشاء الله
ميهاف: عسى الله يدبل كبدتس بسري بروح ارقد
هيام: يارب اطلع بحلمتس
ميهاف: ياعيشتن القشرا
هيام: شقصدتس برري الموقف لا افصل عليتس
ميهاف: برقد اصه
هيام: انقلعي
الجادل: بس يبنات ازعجتونا
جوهره:خليهم يستانسن
النايفه: اي والله
حصه: لعلهم تحمسوا
عنود: ياحليلهم والله
حصه: بسالتس عنود
عنود: سمي
حصه:بكره ماشيه
عنود: اي ان شاء الله
النايفه: بنفقدكم
الجادل: اي والله بالحيل
جوهره: دربكم السلامه ترجعون على خير
عنود: ان شاء الله ياروحي

—- عند الحلال ——
نياف: عطونا فعاليتكم
منيف: اي ونسوني قبل ارجع الشرقيه
سلطان: وش تحبون
عبدالله : نغني؟
سعود: ذنب على قاضي
سلطان: تكلم المطوع
سعود: ولا كلمه سلطاني
سلطان: عشان سلطاني والله لا اهرج
عبدالله: بدينا انت وياه
نياف: كانهم طبينات وزوجهم منيف
سعود الي طلع الشاهي من خشمه: حسبي الله وانت م اخترت الا منيف
منيف: الي تتكلم طالق
سلطان: ذبه مصروعه ومنيف عاش الدور
منيف: هش بس لا استقعد لك
سعود: سلطان نخلعه
سلطان: اكيد بدون تفكير
عبدالله: مرضى والله بدينا يلا
نياف: وش نسوي
عبدالله: عطنا قصيده
نياف: هالفتره م كتبت ومطفر
سلطان: يقول م كتب وتحصلون بغرفته جرايد
سعود: اي نعرفك يلا عطنا
نياف: لاحول صاملين ؟
منيف: اي عطنا
نياف: احم
عبدالله: اسسللم
نياف:
يالفاتنه ودي اغني بك على هوني
حورية فوق الارض نجديه معذور انا بك لو غنيت
عبدالله : مين سعيدة الحظ
نياف: ياقاتل الفرحه محد
سلطان: صامل يجحد
سعود: منيف احس لا ترجع الشرقيه بشتاق لك
منيف: والله تم
سلطان بخفة على كتف سعود: هذا هو نشب منيف بس متاكد انه منيف ولا اخت منيف
سعود: يالوصخ وش هالكلام بعدين انتبه يسمعك منيف يدفني ويدفنك حي
سلطان: اعوذبالله نمزح
بداء عبدالله يغني
عبدالله: كيف اتوبك وانت كلك جاذبيه
سعود: م اتوببكك لو اتوبك وانت خابر
عبدالله:استلذك مثل كيف الشاذليه
سلطان: ترجمه لو سمحتوا
عبدالله: خرب ام الجو
سعود: تشوفه؟
عبدالله: لا خابرني احول شرايك يعني
سعود: اتاكد بس
منيف: ذا رقم كم
سعود: واحد
سلطان: صدقوني احول
نياف: برجع انام بس
سعود: نوم الهنا
———— عند سفر ———
غزل الي بدت تسترجع كل المواقف وبدت تحس ان سهيل يستعطفها
غزل بنفسها : اكيد يستعطفني ولا وش يبي ويواجه جده عشاني
الجازي : علامتس انتي فيتس شي هاليومين؟
غزل: ها ها لا اسمعي جوعانه وابوي مب هنا وخابره الثلاجه م به شي نروح البقاله ؟
الجازي: الوقت !
غزل: عادي كل العالم صاحيين والبقاله قريبه
الجازي : يلا اجل البسي عباتس
غزل: اصير طايره خمس دقايق وانا عندتس
خلصت غزل وطلعو للبقاله
غزل: جيبي ذا ودوري قهوه
الجازي: اسالي هالعامل عنده ولا
غزل اتجهت له: لو سمحت به قهوه ؟
وليد كان واقف عند المحاسب والي كان معروف بالدشره وغزل م تعرف انه هو بحكم انهم توهم منتقلين
وليد: حضر لها احلى قهوه
غزل ناظرت وسكتت
وليد : اقول شسمتس
غزل باستغراب: تكلمني انت؟
وليد: به غيرتس علميني يلا
غزل: مو شغلك
وليد: روقي مو حلو عليتس منفسه
غزل: انتبه لكلامك
غزل اسرعت للجازي الا وسهيل داخل بنفس بقالة الحاره
غزل: يمه الجازي أمشي بسرعه
الجازي: اصبري بحاسب
غزل ماعرفت وش تقول: طيب بسرعه
مشت الجازي تحاسب ووراها غزل
وليد: ها منفسه الحين ولا ؟
سهيل الي جت عينه على وليد وهو يكلم البنت
سهيل بنفسه: وش يبي ذا
وليد: بعطيتس رقمي واذا هديتي ارسلي
الجازي: هذا شفيه؟ غزل تعرفينه!!
غزل: لا والله هو يحارشني من اليوم
سهيل : سمع اسم غزل وكان شاك انها هي من عيونها وجاء ومسك وليد وعيونه تطلع ليزر
سهيل: الف مره قايل لك لا تتعرض لمحارم الناس
وليد: وانت مين عشان تدافع عنها
سهيل صفق وليد كف ونزف خشمه دم
وليد: تستقوي علي م تعرف مين انا؟
سهيل: مين انت ولد شوارع هذا الي اعرف عنك
وليد مسك علبة القهوه وكانت قزاز وصقع بها يد سهيل
سهيل: يابن تعال طاح سهيل بوليد ضرب حتى تكسر وهرب
غزل الي منصدمه من المنظر ومن الخرشه صارت وراء العامل
الجازي: امشي امشي !
غزل: اصبري حرام يده
الجازي: مريضه انتي كله منتس ليتني م سمعت كلامتس وجيت
غزل: تكفين دقيقه عالاقل نشكره
الجازي: اخلصي وحسابتس بعدين
اتجهت غزل لسهيل
غزل: انا اسفه تعورت؟
سهيل: حصل خير ماغلطتي لا
غزل: بس دمك يسيل
سهيل: لا م عليتس شوي ويوقف
غزل: روح المستشفى
سهيل : اقولتس م يحتاج
غزل: خلاص آلي تشوفه
سهيل: ارجعي البيت
غزل: تم
سهيل: غزل
غزل الي اول مره تسمع اسمها من سهيل: هلا
سهيل: انتبهي وانتي راجعه
غزل: سم
سهيل الي نسى الجرح وقعد يتبوسم
العامل: وليد مشكله كبير وانت فيه يضحك
سهيل: ياصديق انا في حوب
رجع سهيل لمشاري وهو يضحك
___ رجعت غزل والجازي —-
سفر: يا ماشاءالله تبارك الله !
الجازي :يمه
غزل: رحنا وطي
نجلاء: كانو نايمات وش مطلعهن
غزل: الي خبت الاغراض بعبايتها
يبه سفر كنا طالعين نعطي ساره اغراضها وعيب نخليها واقفه برا
سفر:وساره ذي ماتعرف تدخل بالبيت؟
غزل: عاد تستحي
سفر: مره ثانيه خليها تدخل ولا تطلعون
الجازي: سم
دخلو
الجازي: غزل! كنت بروح بها والسبب انتي
غزل: خلاص حصل خير عدت
الجازي: بس مو كل مره بتعدي
غزل: معد تتكرر
الجازي: نشوف

—-سفر ونجلاء—-
سفر: تعبت من غزل هالبنت عنيده
نجلاء: البنت توها ياسفر بزر
سفر: الجازي قريب تروح هي تقعد هنا وش تسوي لا انا قادر عليها ولا انتي
نجلاء: نرميها برا يعني؟
سفر: لا ماقصد بس وقت انها تتزوج
نجلاء: لا يسمعك راكان هذي ضناه مهوب معطيها الرايح والجاي
سفر: موضوع راكان علي ولا تتدخلين
نجلاء: راكان بالمقناص ان رجع نتفاهم
سفر: زين