في عيونك أبديّ قصيدي

بارت23

جوهره:هلا هلا بالشيخ
سهيل:يمه ويننس مشتاق لتس
جوهره:هذاني قدامك
سهيل:وش ابي بعد ملكت حظوظ الدنيا
جوهره:تبي مين قول
سهيل:يمه ههههههههههه
جوهره:خابرتك
سهيل:وشحالتس
جوهره:على خبرك يامك وانت قضيت لعرس اخوك
سهيل:اي ابد الحمدلله خلصت كل شي
جوهره:يلا عقبال عرسك
سهيل:امين يايمه ادعي نخيتس
جوهره:مانسيتك والله اني ادعي لك
سهيل:يابعد الدنيا انتي
جوهره:يلا وانا امك بكره تعال نتغدا برا بالحوش انا وانت
سهيل:ابشري تامريني على شي
جوهره:لا والله سلامتك
غنى:اشوف انها جلستن زينه بدوني عسى ماشر
سهيل:لا اله الا الله امي عندتس اربع وعشرين ساعه يوم جيت اكلمها نشبتي لي
غنى:ترا ماهيب بامك لحالك
جوهره:ههههههههه بس انتي وهو
سهيل:يمه تشوفين بنتس وحركاتها
غنى:وش بي احمد ربك اني اختك بس
سهيل:اي والله اني حامده وصابر على الابتلاء
غنى: يجي منك اكثر ترا زعلت
سهيل:امزح معتس والله انتس نور البيت بعد امي
غنى:خلاص بس رح الله معك ههههههههه
‏‏‏•••••...كان باقي تحديداً يوومين..•••••
"بصبح اليوم الثاني" بعد الفطور
سهيل:ترا ماباقي شي
سلطان:اي تحسون نفسكم قدها
سعود:الوضع سهل جدًا
نياف:متوتر ياعيال
مشاري:شكلك يضحك
نياف: الله يبلشك
منيف:سعود ترا بتطلع لك قرون والله
سعود: انا راضي
منيف: يالوصخ لا صارت زوجتك قل كذا
سعود:وهي وش الحين بنت الجيران؟
سلطان:ههههههههه حلوه حلووه
عبدالله:ياسامج محدد معزز لك غير خويك
وافي:سعود اوصف شعورك
سعود:والله الوضع عاادي ترا مانيب بميت زواج هو
نياف:صح بس ياولد ماننتب بمتوتر؟
سعود:الا والله امس عييت ارقد
الكل قعد يضحك
وافي:ههههههههه ههههههههه الاعتراف بالحق فضيله
متعب:اشوفه من امس يحوم بالحوش
نياف:اثاريه مارقد ويقول الوضع عادي
سهيل:سعود اكثر واحد جحودي لاحد يصدقه
سعود:علامكم قلبتو امس صح بس اليوم يوم جديد بدايه جديده
صقر:يالبدايه الجديده خلصت ثوبك؟
سهيل:ههههههههه عمي عطاه ردد بدايه
نياف:محد يخفف عني توتري غير سعود
سلطان:يضحكني والله
سعود:وانا مهرج عندكم؟
عبدالله:الصدق الموضوع كذا
سعود:وعيبتاه عليكم محد حاشمني
عبدالرحمن:قم قم لعنبو الشيطان
سهيل:بسم الله
عبدالرحمن:شايف لك جني؟
سهيل:لا ياجدي بس
عبدالرحمن:اقطع بس انت لا تكلمني
سالم بهمس:بس ياسهيل
الكل سكت خوف من ان يصير مشكلة بين عبدالرحمن وسهيل
سهيل:زين كملو جلستكم بطلع انا
عبدالرحمن:تقلع باللي مايحفظك
عبدالله بهمس لوافي:تعودت علينا
وافي:اي بالله
سلطان:سهيل وين راح
نياف:اتركه والله مالومه خله شوي ويعود
مشعل:يبه بس على هالولد وراء ماتاخذ سلطان ولا سعود
عبدالرحمن:سعود وسلطان بهم حركه بس مايكسرون كلمتي
سعود:وانتم ماعندكم غير هالسعود الي تضربون به الامثال الشينه
مشعل:محشوم وانا عمك
سعود:لا ياعمي بس انت خذ راحتك
منيف:ههههههههه مستخف واالله
صقر:الله يعوضني خير
سلطان:وانا بعد تضربون بي قولو لي نفسه
سعود:بس جت طبينتي سلطانه
عدنان:انت عاد مانت محشوم
سلطان:افا بس
عدنان:لاتزعل وانا عمك
سلطان بتقليد لسعود: لا ياعمي بس انت خذ راحتك
نياف:ههههههههههه والله مريض
متعب:مافيه طب
منيف:اليد مغسوله منه
مشاري:اي والله
عبدالله: سعود الحمدلله انك اخوي
سعود:شفت بس رح صل شكر لله
عبدالله:لا بس عشان تضحكني وكذا
سعود:زين مانيب بقايل شي
عبدالله:بروح اشوف سهيل
نياف:اتصل علي وقولي وين
عبدالله:سم
ورجعو يكملون سواليفهم الي مالها نهايه أبد
طلع سهيل وطل على شباك غزل وضاق انها مب موجوده زي كل يوم
اتجه سهيل لمكانه الأحب للاسطبل وطول الفترة كان مهمل النادره بزياده
سهيل بنفسه حتى أنتي يالنادره ادري اني مقصر في حقتس وبداء يجهز لها اغراضها ويجددها ويرتب المكان اللي كان كله غبار
لبس سهيل لبسه اللي مخصصه للاسطبل ورجع لهوايته من بعد الشعر" الخيل" ورجع شغفه للخيل بزياده
سهيل:والله لو صرت خيال ياسهيل وفزت بالنادره وفزت بغزل وش يضر التمني لو تحقق
بعد ماخلص سهيل راح لسيارته وتنهد بضيق على مواضيعه الي عجز يلقى لها حل ولا هو الي اصلح ولا هو الي فاز وشغل :
••••....••••
شكواي للي رافع السبع شكواي
ياالله عونك خاطري مانساها
لامن ذكرته حزن الايام مركاي
والعين تدمع من شقى مابلاها
هذا طريق الحب متعب لي خطاي
والنار تحرق ياعرب من وطاها
من غير مدري لبيتهم دوم ممشَاي
حرام مايومٍ خفوقي جفاها
مشى وهو مايدري وين دربه وتايه بفّكره
عبدالله باتصال لسهيل:وين رحت فيه انت؟
سهيل:مانيب براجع للبيت غير يوم العرس
عبدالله:صاحي انت تزعل من كلامه يعني ماتعودت
سهيل:مازعلت ولا شي لا يرسخ بعقلك هالكلام بس مابي احد هالفتره
عبدالله:بالله؟عشانها
سهيل:حتى انت مثلهم
عبدالله:زين
جلس سهيل بالبر وكان ناوي يبيت هنا هاليومين ويعد نجوم السماء ولفتته نجمه ضياها عالي وبدون مايحس جلس يبتسم ويقول"تشبه لحظة دخولها بحياتي.
"......ببيت سفر....."
الجازي:وش شريتي
غزل:شريت ذا بس
الجازي:وراتس تتكلمين تسذا دون نفس
غزل:خلاص انتي عاد مافيني شي
الجازي: غزل! من متى تكلميني كذا
غزل:ابي ابوي ياخي ابي اطلع من الديره معد ابي شي من هالدنيا غير السلام وابوي
الجازي:وذاك؟
غزل:خلاص لعد تطريينه الواضح انه نساني
الجازي:اصحي اصحي نساتس والضعيف ليله ونهاره واحد وكل يوم وهو مطرود؟
غزل:تعرفين وينه
الجازي:لو ادري علمتس بس تاكدي محد يحبتس كثره
غزل:ايه عطيني من هرجتس بس
الجازي:لا يكثر وقومي معي نوسع صدورنا
غزل:اشتقت لامي
الجازي:لا حول ولا قوة الا بالله! فيتس شي
غزل:مافيني شي اقول الصدق
الجازي:الله يرحمها خلاص
غزل: اول كان وجود امي وابوي ماخلاني اعتزي بحب احد
الجازي:الله يخلي لتس ابوتس ويرحم امتس غير تقومين لا يضيق صدري وآنا رايقه
نجلاء:وراكن ؟
الجازي:بنت ولدتس مسويتن فلم
غزل:ههههههههه يمه منتس
نجلاء:علامتس ياغزل
غزل:ابد والله
نجلاء:قولي
غزل: قلت لها مشتاقه لامي وكبرت الموضوع
نجلاء بضحك وتغيير للجو:وانا ماني امتس ؟
غزل:الا والله والجازي اختي
نجلاء:يبعد الدنيا ان شاء الله افرح فيتس على الي ودتس به ويجمع شملتس
غزل:جده وش قصدتس
نجلاء:ههههههههه الي تعرفينه يابنت راكان
غزل:يافضحي! حتى جدتي تدري
الجازي بهمس:هو باقي احد مادرا بالمهووس هذاك وتقولين م يحبتس؟
غزل:ههههههههه الحين صدقت خلاص
الجازي:زين طلعنا للسطح يمه تطلعين معنا؟
نجلاء:مابي حيل وانا امتس للسطوح مير اطلعن انتن
الجازي:زين غزل روحي وبجيتس
طلعت غزل ووقفت على الجدر الي مطّل على كل الحاره واطلالته القريبه لبيت ابو صقر وهي تحس ان الزعل خّف عنها وبدت تلتمس العذر إنه منشغل بعرس اخوه
الجازي: بنت
غزل: بسم الله
الجازي: افرشي الفرشه بس
غزل فرشة الفرشه وتكّت هي والجازي
غزل: وش اكبر احلامتس
الجازي:اني أسافر برا
غزل:قد حبيتي
الجازي :لا
غزل:اعترفي
الجازي:علامتس
غزل:عيونتس تلامع
الجازي:اي بس مات
غزل: قولي السالفة
الجازي: تعرفين فهد ولد خالتس عقاب؟
غزل:الله يرحمه وشبه
الجازي: صح اخوه زايد داشر بس انتي تعرفين فهد كيف
غزل:اي تكلمي
الجازي:قبل تقريباً 6سنين كانت امتس ببيت خوالتس وانتي عمرتس 11 وانا كبرتس الحين 18 وكان عمر فهد24 كانت امي عندها موعد برا الديره ووصت امتس علي لان اللبيت مابه احد ورحت معكم لبيت خالكم عقاب وقتها كنت أصادف فهد اكثر من مره وبين الايام صار ابوي يعزم خالتس عقاب ويجي فهد هنا واخر لقاء بيني وبينه بعد حب دام سنه كاملة كان يودعني ماكنت ادري انه بيروح ولا عاد له رجعه ورجع لديرتهم وانتي عارفه ديرة خوالتس وشاء الله ان يصير له حادث دخلت امتس تصيح مرعوبه وعلمتنا وراحت لديرة اهلها ومن عرفت انه فهد كان ليلي ليل ونهاري نهار ومات وانا وعدته ماحب بعده عشان كذا جدتس سفر يقولي عانس مايعرف وش حزني عليه ماذقت يوم من الحياه بعده الله يرحمه
غزل:ياعمري انتي والله ماذكر فهد زين الله يرحمه ويعوضتس يارب ماتوقعت
الجازي:ماتوقعتي لاني رضيت بالقّدر وانتي لو ترضين بوفاة امتس مابتحسين بشيء
غزل:الله يرحمها يارب
الجازي:امين الحين خلص فضولتس ؟
غزل:ايه ههههههههه
الجازي:والله انتس عوبا
غزل:افا عليتس طالعه لتس
الجازي:يمه من لسانتس بس
غزل:ههههههههه مابعد شفتي شي
الجازي:وش باقي ماشفته
غزل:الخافي اعظم
وجلسو يكملون " سوالفهم بمرارتها وحلاوتها وفرحها واحزانها "
" ببيت ابو صقر عند البنات "
ملاذ:متحمسه للزواج مره
ريوف:اي حتنى خلصت كل شي
ميهاف:ريوف تحسسني انها العروس
نجد:اي الله المستعان معها
ريوف:معليكم مني بس انتي ياهيام وشبلاتس
هيام:وش بلاي مافيني شي
ريما بقرصه:يانحيسه ابتسمي الكل عرف
هيام بصوت عالي:تقرصيني أنتي ليه
نجد:ول على هالصوت فجرتي اذني
ملاذ:عرفنا انها قرصتس بس وش السبب علميني عندتس خفايا وحنا ماندري
هيام:وش خفاياه انتي الثانيه متوتره انا
هنوف: لا اله الا الله ترا ماراح تموتين
هيام:الا بموت
غنى:تفاؤلي المفروض تستانسين
ريما:اختي ذي ماعندها غير النكد
ميهاف:اي طالعه لاختها
ريما:حسبي عليتس شدخلني انا
ريوف:تحسون وش اسوي تسريحه؟
نجد:حبيبتي انتي تو الناس
ريوف:قلبي انتي باقي يومين !!
نجد:انا العروس ماسويت مثلتس
ملاذ:تضحك مختبه بزياده
هيام:ههههههههه محد يضحكني غيرها
ريما:اخيرا مابغيتي تضحكين تكفين ريوف تعالي ضحكيها
هنوف:اي والله تسوين فينا خير
هيام:ههههههههه شفيكم علي متوتره بس
نجد: يوه واضح علومتس كلها عندي
هيام:سدي حلقتس انكتمي
نجد:بسم الله ارجعي اضحكي
هيام:أبشري ههههههههه
نوره:نجد تعالي حني يدي
نجد:ابشري ياجده شوي واجيتس
هيام:وعيباه فزي!لجدتس
نجد:هذاني بقوم
ملاذ:يلا كل وحده على شغلها
هنوف:انطلقو
جوهره: غنى تعالي اختاري
غنى:يمه مالي بسوالف الحريم ذي
جوهره:وش انتي اجل
غنى: مدري بس اقولتس سهيل وينه
جوهره:بالمجلس
غنى:ابيه يوديني الخياط بضيق بفستاني
جوهره:زين خلصينا مب بكره تقروشينا
غنى:لا ماعليتس خلصت من كل شي
جوهره:يلا عقبالتس
ميهاف:غنى خالتي تبي تفتك منتس
غنى:ههههههههه افا يايمه وش هالدعاء
جوهره:المفروض تحمدين ربتس وانا امتس
حصه:وعقبال ميهاف ان شاء الله
ميهاف:ماسوييتتتت شي
ملاذ:احسن والله يارب اليوم قبل بكره ابي افرح
ميهاف:لا يحبيبتي تفرحين على حسابي
غنى:الله اخذ حقي منتس بدقيقه كملي دعواتك ياعمه
حصه:تبشرين
ميهاف:تتعاونين مع بنت اخوتس على بنتس
حصه: لا رديت حقها علامتس
ميهاف:افا يايمه
ملاذ:الحين تزعل
ميهاف:تخسين ماني زعوله مثلتس
ملاذ:علينا نسيتي اول
ميهاف:بس تكلمت من يسكتها
هنوف: قومو بس
ميهاف:يلا نروح لجدتي نوره وخالتي ساره
غنى:اشتقت لجلسة العجايز
النايفه:عيب يابنت ماهم بعجايز
هنوف:تقصد البنات ياعمه بس غنى لخبطت
غنى بضحك:اي لخبططت
عنود:خلصنا وقومن
هنوف:سمي