في عيونك أبديّ قصيدي

بارت 14

بدأت التجهيزات من مجلس عبدالرحمن
الي أبتدأ بريّح البخور وشّرع بيبانه وبداء يعزم القرايب والأحباب وباللبن والهّيل

عند العيال الي اتجهو للحلال
سلطان:شوفو هذا كنه منيف
سعود: الا النسيب
منيف:الله يسلمك ياحبيبي م تقصر زانت علومك
سعود : اجل ياسلطان عشانه يشبه منيف اخذناه
عبدالله: وذا كانه سعود
نياف :اجل اخذناه
مشاري:وذا كانه نياف
منيف:بالدور يعني وذا منيف
سلطان: ياسربوت انت وياه بناخذ السبعه ذولي
نياف: يلا خذهم
عبدالله:قرار نهائي
مشاري: لو م يطلع زين بيتعشى عليك جدي
سلطان: افا عليك ازهله بس
رجعو العيال
سلطان: ترا من ذوقي كله
نياف: كلها منه عشان م تنكبنا
عبدالله و عشقه للسامري:ياجد تكفى نبي سامري
مشاري:ايي نبي جوء هالليله بس
سهيل:ترقصون بدوني؟
نياف:م عليك موضوعك عندي
صقر: وش رايك يابوي ؟
الجد: خلاص الي تشوفونه
مشعل: عندي واحد رقمه عرضة سامري بتصل به واشوف اذا يقدر يجينا اليوم ولا
سلطان:يارب يقدر
منيف:ان شاء الله
اتصل مشعل:يقول بعد مغرب هاليوم
الجد:زيين يلا انتم اجهزو قبل الضيوف يجون
وابتداء المكان يمتلىء بالضيّفان والانوار
سفر:وش عنده هذا
راكان: مدري عنه
سفر:بسلامتته

عند نياف الي عصّب بغتره راسه ولبس ثوب كحلي وشرقياته وريحة العّود منه وملامحه الحاده

وسهيل رغم تعبه الا انه شارك معهم ولبس سديريه سوداء وثوبه الأبيض وشماغه وريحة البخور من حوله واخذ خاتمه وكبّكه واخر شي شرقياته وطلع وكانت ملامح سهيل فتنه فتنه بالللحيل وكان معروف ب وسامتهّ وهيبته

وسعود ببشته الملكي وشرقياااتته وثوبه وغترته وريحة الطيّب والعود منه

وعبدالله وممنيف بثيابهم البيضاء  وشمّاغهم وكان عبدالله وسيم وطويل بالحيل ونفس اللشيء عند منيف

وسلطان ومشاري اعتمدو على اللون الكحلي والغتره البيضاء بطّراز وريحة البخور والعود منهم

وعند البنات""

اللي بعد م تجهزو بعد غربلة الظهر لبسو فساتينهم واضافو عليها إكسسوارات ومكياج وبعض الاشياء
وبداوا الحريم يوصلون والاستقبال بالحلا والعبارات وصوت الاغاني
ام صالح: مبرووك جعل افراحك دايمه يانوره
نوره: عقبال غواليتس
واستقبال التباريك والفرح ععّم ال عبدالرحمن بهالليلة

ومنيف وسلطان الي يعدلون غترة سعود ويبخرونه
ودخلو بالسيوف ووصلت العرضه والقهوجي
وابتدت التباريك والتهاني وفخر عبدالرحمن وهيبته باحفاده

مشعل: مبروك ياسعود
سعود:يبارك فيك
منيف: اوصيك على اختي
سعود:تونا خطبه بالعرس توصيني وبعدين هيَام بعيوني
مشعل: هذا الكلام السنع
وبدا سعود يستقبل مباركته ووجود اخوياه

وبدا العرضه والكل اخذ سيفه وبدا عبدالله يلعب لّعبه

————-العرضه———