في عيونك أبديّ قصيدي

بارت22

••...عند هيام وريما ...••
ريما:وراتس انتي تراا العروس ماهيب انا
هيام:يلعنتس عارفه اسال وش اختار
ريما:خذي لتس قميص روز وانكتمي
هيام:ياحبيبتي تم لاني مانيب طايقته
ريما برفعة حاجب:ماتبين سعود؟
هيام:امي غصبتني
ريما:مريضه انتي!زواجتس باقي عليه اقل من اسبوع وجالسه تختارين دبشتس وتقولين هالكلام
هيام: ريما مهوب وقت هالكلام خليني اخذ اي شي ومشينا اعلمتس
ريما:انا بختار كل شي
هيام:فكه بعد ماهتميت
ريما:بدخل المحل واشري لتس وحسابتس معي بالبيت
هيام:خلصيني بس الله اكبر ياسعود عاد خذي اي شي
ريما:هين بس
دخلت ريما وبدأت تنسق لهيام واخذت بجايم حرير وتيشرتات وفساتين وطلعت
هيام:لا ياشيخه ؟
ريما:ولا كلمه
هيام:ساعتين انتظرتس كل هذا عشانه
ريما: خبله انتي والله بس امشي
هيام:زين
••....ببيت سفر تحديداً بغرفة غزل .....‏‏••
غزل الي بدت تفكر وودها تحضر لعرس هيام بأي طريقتي
الجازي:علامس سرحانه
غزل:شرايتس نروح عرس هيام؟
الجازي:بالله وكيف
غزل:اف تكفين ودي به
الجازي: صاحيه انتي
غزل:اي بعدين سهيل منشغل بعرس اخوه واحس اني فاقده كل شي
الجازي:ياعمري عليتس والله ودي تروحين بس حالي من حالتس لو أقدر والله وديتس بس عارفه مابيدي شي وانا عمتس
غزل:يبعد عمرري ياعمه الله لا يحرمني منتس ادري ان مابيدتس شي
الجازي: ولا يحرمني من سوالفيتس
غزل:امشي نرووح ليمه نجلاء من اليوم لحالها
الجازي:يلا
مشوا البنات عند نجلاء
نجلاء:زين طليتو علي مخليني لحالي
غزل:ههههههههههه مايحق لنا
الجازي:فقدتس يايمه
نجلاء:عارفه كل شي بس ترا حالي من حالكم مقدر على سفر
غزل:شلون عرفتي
نجلاء:الصدق ودي اروح وافرح مع نوره
غزل:ياجده مانقدر
نجلاء؛ يكفيني وجودكن معي
الجازي:يبعد الدنيا يااميمتيي
نجلاء:البسن نبي نروح السوق نوسع صدرونا
غزل:اي زين تسوين والله اني ضقت من البيت
الجازي:الله يعطيتس العافيه
"لبسوا وطلعو للسوق وكان قريب "
ببيت عبدالرحمن تحديداً بالمجلس
عبدالرحمن:نياف صلختهن؟
نياف:شوي ياجدي لا خلصت
عبدالرحمن:اي زين عدنان ترافقني للعزبه
عدنان: اي ماوراي شي بعد انا
عبدالرحمن:زين قضيتوا يعيال؟
سلطان:ابد جاهزين
سهيل:تحت الأمر
عبدالرحمن:بس انت محد سالك
سهيل:ابشر
عبدالله:امسحه بوجهي
سهيل:ههههههه تعودت يرجال
منيف:سعود لا اوصيك
سعود:بعيوني
مشعل:بدينا تراها بنتنا
سعود:اي مانيب بقايل شي بس انا بيصير رجالها
منيف:لا تسرقها منا
سعود:ههههههههه معد تشوفها
مشاري: منتهي أنت
متعب:مافيك طب ياسعود
صقر:كيف زوجتك يولدي مدري
سعود:افا يابوي
سالم: لا معليكم سعود ماينخاف عليه
سعود:عز الله انك ماتقصر ياعم
سالم: ياحبيبي انت الله يتمم لك بس
سعود:عقبال سهيول
سهيل برفعة يد:امين ياالله يارب على الي ببال
عبدالرحمن بنظره: ارفع علومك
سهيل:اقصد يارب النصيب الصالح الزين
سلطان:النصيب وين حدد هههههههههه
سهيل: مالك دخل عاد النصيب
وافي:سهيل صامل يجحد
عبدالله:تشوفه؟
وافي بهمس لسهيل:المحبه وسط عينك
سهيل:طيب شتبي ههههههههه
وافي:ابد سلامتك
سهيل:تصدق انك لايق على غنى
وافي:كيف
سهيل:حركاتكم نفس بعض
وافي:اجل بخطبها
سهيل:والله يامرحبا
وافي:امزح يرجال ههههههههه
سهيل:ماتحصل مثل اوخيتي اصل ونسب
وافي:وزين وجمال
سهيل:يالوصخ ههههههههههه وش قصدك
وافي:والله بالغلط يوم شفتها بس
سهيل: ارفع علومك
وافي:متحور جدك
سهيل:تعقب
نياف:لا يسمعك يالمنتهي
سهيل:بالغلط زل لساني
مشاري:كاتم على جدي كثير واضح
منيف:منشعل
متعب:قاهره مالومه
سهيل:اص بس
صقر:قم انت وياه
عبدالرحمن:خلو عنكم الهذره الزايده وقومو عاونو نياف
نياف:يلا يعيال
اتجهو العيال يشيكون على الأوضاع وباقي التجهيزات
رجعو حصه وعنود وجوهره من السوق
نوره:زين مابغيتن تنورن
ساره:ابطيتوا عسى ماشر
عنود:الله وكيلك ان حصه غربلت بنا
نوره:وليه
جوهره:ياعمه تكاسر
حصه:وراهم حريم عيالتس يبون ينلعب علي وانا بنت نوره
ساره:يووه منتس ياحصه
حصه:افا عليتس ياخاله
عنود:اي وين البنات
نوره:شوفيهم داخل
جوهره:سهيل مامر؟
نوره:ياذا السهيل الي شالع قلبتس ماتنلامين
جوهره:اي والله
....عند البنات...
نجد:وش شريتوا
هيام:يوه ياان اليوم تعب بالحيل
نجد:اشوا انا خلصت
ريوف:بعد عزره ياحظي
نجد:علامتس انتي
ريوف:صميها
هيام: ماني متحمسه
نجد:طبيعي عادي
ميهاف:يحول لله
هنوف:ي حظتس بسعود
هيام:زين ياحظي بس
غنى: أقول وش بنسوي بالصالون
نجد:لا جاء وقته يصير خير
هيام:ريما تعالي ابيتس
ريما:زين
ريوف:وراها هيام؟
نجد:ماتعرفينها لازم تتوتر
هنوف:ياعمري عليها
غنى:ههههههههه عادي علامكم
نجد:بروح ارتب اغراضي
غنى:اي حتنى
هنوف:زين تقلعن
ميهاف:م باقي غير انا وانتي
هنوف:الشكوى لله
ميهاف:اي والله
ريما:فيتس شي؟
هيام الي دموعها نزلت:مابيه
ريما:هيااام!بتذبحيني مافيه احد يغليتس كثره من يوم انتي بزر وتقولين تسذا
هيام:يومي بزر الحين انا وين وهو ووين
ريما:صاحيه انتي تكفين اصحي معد باقي شي
هيام:وانا مابيه طيب
ريما: بسلامتس يشيخه انا شدخلني فيتس بس تذكري ابوي!
هيام:مابي اظلم سعود معي واعرف انه طيب ماستاهله
ريما:شيلي الافكار من راستس انا بروح وانتي خلتس لين م تعقلين وتصيرين حرمتن سنعه ماهي غرير
جلست هيام وهواجيسها تسرح بها بحياتها الجديده وتقاليد سعود الي عجزت تتقبلها
دخلوا نجد وريوف وكان ابوهم توه راجع

نجد مساء الخير لطيور الحب
مطلق ؛مساء النور الظاهر مانتي صاحيه ياعروستنا نجد بضحك:اسفه
ريوف :هلابكم يالغالي وش عندهم عنتر وعبله
مطلق بضحك ومعه عصاته: ترا ماهو حاصل لك خير تقلعي
ريوف: افا انا عنقودك
مطلق:ونعم بتس
حصه:وش علمك يامطلق عن العرس
مطلق:عارف كل شي ابشرتس الله يتتمم لتس وانا ابوتس
نجد:امين
" وميهاف وهنوف الي نامو من التعب وجاء الوقت الي يرتبون به وهم بسابع نومه
الجده:قومي انتي وياها نامت عليكن بقعى قومن
فزن البنات
ميهاف: لا اله الا الله هو حلم؟
هنوف:ابك نبا نرقد
ميهاف؛كليتراب وسرينا
هنوف؛ برقد
ميهاف:حتنى قومي
نجد: قووووممن
هنوف ؛نعنبوتسن ابرقد
ريوف ؛ الي صرخت قووومممممننن
ميهاف:ياصبري
هنوف : وجع اقصري اوحيتس
ميهاف :صدعت والله
ريوف:هههههههه قوومن طيب
نجد:مخبولات احد ينام بهالوقت
هنوف:من الصبح صاحيه تكفون
عنود:قومي عاونيني
هنوف:يمه شوي تكفين
عنود:قووومي
هنوف:اف طيب قمت قمت
نجد:تحزن ههههههههه
هنوف:اص
نجد:بطلع بس
هنوف:طسي
بعد ماخلص نياف من الصلخ رجع بيدخل وكانت نجد طالعه بالحوش نياف رافع ثوبه بعد ماخلصو من الصلخ
نياف شافها:ياشييين التغلي
نجد وهي كاتمه الضحكه:وراك مسوي بنفسك كذا
نياف : مو حلو
نجد بضحك:لا
نياف :لعيونتس لا
ابتسمت نجد ومشت
نياف دخل بيغير ملابسه قال"كن حبه شي مقدر وكنه شيٍ مكتوب"
نجد:سمعته ياخوفي تتغير بس
ودخلت عند البنات
حصه:وين كنتي؟
نجد: ابد انكتمت وطلعت
حصه:زين سوي شاهي وهاتيه يم الحريم
نجد:تامريني
وعند غنى الي كانت توصي سهيل بكم غرض ناقصتهم
سهيل :باقي شي تبينه؟
غنى:لا
سهيل:ياكثر طلباتس
غنى:نياف سحب علي ماباقي غيرك
سهيل:شفتي هههههههه ماحد يدوم لتس غيري
غنى:بكره تتزوج وتجحدني
تنهد سهيل بضيق:لا وانا اخوتس مطول
غنى: يحبيبي ان شاء الله الله يسخرها لك
سهيل:ان شاء الله نادي امي ابيها
غنى:اشتغل عندك انا
سهيل: هههههههههه ياملعونه اخلصي
غنى:دقيقه لا تصرخ