مع شروق الشمس الي بتعلن عن بداية يوم جديد....بمحافظة الاسكندرية
عروس البحر المتوسط
(و تحديدا بأحد الابراج السكنيه الي بيطل مباشرة علي البحر ب شكله الخلاب )
( واقفه بطلتنا ف الفرندة الخاصه ب بيتها تشرب قهوتها الصباحيه
و هيا بتسمتع ب نسيم الهواء المنعش و الي بيحرك شعرها الحريري
و الي يصل لنهايه خصرها
و كأنه سلاسل من الدهب الخالص ...و تمتع عيونها ب منظر البحر
و انعكاس اشعه الشمس عليه و علي وشها ابتسامتها الهاديه...سارحه
تفكر في كم السعاده و الاستقرار الي اصبحت
تعيش فيهم ويا شريك حياتها نصفها التاني و توأمها الروحي
و بناتهم ال 3 فلذات اكبادهم)
......
(دخل علي وشه ابتسامه خفيفه.. حاوط كتفها ب دراعه
و باس راسها) شريف : صباح الخير علي اغلي ما ف حياتي كلها
( التفتت له و ابتسمت له ب حب ) فاطمة : يسعد صباحك يا نور عيني
صباح الفل و الياسمين علي عيونك
( شريف ) و عيونه عليها ب حب و اعجاب : انتي اية حكايتك معايا نفسي افهم
( فاطمة ) : حكايه ؟! حكايه اية بس
( شريف ) : كل يوم تنامي ....تصحي اجمل و احلي عن اليوم الي قبليه
شكلك ناوية علي الشويه الي فاضليين ف عقلي خلاص
( ابتسمت ب خجل ) فاطمة : عيونك الحلوين يا شريف علشان كدة
بتشوف كل حاجة حلوه
( شريف ) : عيوني مشافتش ولا بتشوف ولا هتشوف غيرك ف الدنيا دي يا فاطمة
انتي الدنيا بكل ما فيها
( فاطمة ) : ربنا ميحرمنيش منك ولا من كلامك الحلو دة ابدا يا ضي عيني
( باس ايديها الاتنين الي ماسكهم ) شريف : ولا يحرمني منك
و يديمك نعمه ليا انا و بناتنا
قوليلي صاحيه من بدري؟!
( فاطمة ) : اه من ساعه كدة...قومت جهزت الفطار و رتبت شويه كدة
( شريف ) : طب و مصحيتينيش معاكي لية
( فاطمة ) : انت راجع امبارح وش الفجر يا نور عيني مهانش عليا اصحيك
قولت اسيبك تاخد كفايتك م النوم و ترتاح
( شريف ) : اه انا فعلا راجع امبارح مش شايف قدامي كان هاين عليا انام بهدومي
أنت تقرأ
( وعد بالعشق )
Romanceروايتي الأولي هنا ... هي ( وعد بالعشق ) روايه دراما رومانسيه ، اجتماعيه ...و فيها بعض الاكشن.. كبير العائله رب الاسره و كلمته مسموعه دايما من اصغر واحد لأكبر واحد في افراد عائلته فهو شخصيه صارمه اتعودوا الكل يسمعوا كلاموا و ميعارضهوش ف اي شئ ...هل...
