( في نفس الوقت ف مكان تاني )
( فتح باب غرفه المكتب و دخل و الغضب واضح عليه و ب حدة ) سليم : و ليك عين
تيجي برجلك لحد هنا ؟!
: هههه مالك داخل حامي كدة يا واش يا واش يا سوُلم اومال
( سليم ) ب نبرة غاضبه حازمه : لولا ان خسارة ادخل السجن ف واحد زيك
كان زمان دافنك في ارضك هنا ولا حد داري بيك مكنتش هتاخد
ف ايدي غلوه واحدة
: هههههه مقبوله منك ....اهدي طيب اهدي و اقعد خلينا نتفاهم
( سليم ) : مفيش بينا تفاهم وانا وانت عارفين كدة كويس
: لية بس انا جاي و مادد ايدي بالسلام وحياتك
( سليم ) : سلام منك انت ؟؟ انت باين عليك بتكدب الكدبه و تصدقها
اخلص...جاي هنا لية هات م الاخر
: انا جاي و غرضي مصلحتك علشان تعرف انك تهمني
و باقي عالعيش و الملح الي كان بينا زمان لأخر لحظة
شحنه السلاح بتاعت عزام شيل ايدك منها مش ليك يا سليم لمصلحتك
( ابتسم ب سخريه ) سليم : اه و اعتبر دة بقا تهديد ؟!
: اعتبرها نصيحه انت مش قد كاظم و رفعت
( قرب و مسكه من ياقه قميصه ب قوه و بيتكلم ب حدة و حزم ) سليم : معاش ولا كان
الي يهددني ولا ياخد حاجة انا عاوزها بمزاجي او غصب حتي
فوق و اعرف انت بتتكلم مع مين يا عصام انا سليم جلال ال.....
الي زي الطوفان مفيش حاجة تقف قدامه بشيل اي حد
بيفكر يعرقلني ولا يقف قدامي و يتحداني
بلغ الي شغال معاهم اني مبتهددش و اعلي ما ف خيلهم يركبوه
الشحنه لينا و مش هسيبها و السلاح هيتورد ل......و اكيد انت عارف ب الكلام دة
كل حاجة هتتم زي م انا مخططلها لا تهديدكوا ولا اي حاجة هتقدر تقف قدامي و تمنعني
: بلاش انت تتحدي الناس دي و تقف قدامهم انت مش قدهم يا سليم وانا بقولك
( سليم ) : وفر النصايح ليهم مش ليا انا الي عندي قولته و خلصنا
و بلغهم اي حركه وسخه ولا دقه نقص انا قدها و قادر لوحدي ارد عليهم كويس اوي
مش هتحامي ف رجاله زيهم و ابعت مراسيل خايبه
زي الي هما بيعملوه دلوقت
: يعني دة اخر كلام ؟
( سليم ) : و مفيش كلام غيره
يلا...يلا اتطرق وريني عرض اكتافك متنساش تسلمني علي بسيوني
أنت تقرأ
( وعد بالعشق )
Roman d'amourروايتي الأولي هنا ... هي ( وعد بالعشق ) روايه دراما رومانسيه ، اجتماعيه ...و فيها بعض الاكشن.. كبير العائله رب الاسره و كلمته مسموعه دايما من اصغر واحد لأكبر واحد في افراد عائلته فهو شخصيه صارمه اتعودوا الكل يسمعوا كلاموا و ميعارضهوش ف اي شئ ...هل...