( اليوم التالي )
( راكب عربيته و ماسك موبايله يكلمه ) عمر : ايوة يا خالد انا ف الطريق اليهم اهو
قدامي تقريبا 10 دقايق و اوصل
( خالد ) : طيب ابقي طمني ربنا عينيك عالمهمه دي
و يقويك و يصبرهم هما كمان
( عمر ) : يا رب يا خالد يا رب ..دعواتك
( خالد ) : معلش يا صاحبي انا عارف ان الحمل مش هين
بس انت قدها و قدود زي م انت طول عمرك
( عمر ) : ربك يدبرها يا خالد من عنده
المهم مش هوصيك علي الحاج ف اليومين الي هغيبهم دول
( خالد ) : مش محتاج توصيني يا عمر الحاج زي ابويا الله يرحمه تمام
و اخواتك اخواتي متحملش هم شئ اطمن
( عمر ) : ده العشم
( خالد ) : ولو ان كنت افضل انك تريح النهاردة
و تروحلهم بكرة انت شكلك هلكان عالأخر يا عمر
( عمر ) : مكنش ينفع اتأخر عليهم اكتر من كدة يا خالد
البنات هيتجننوا و كل شويه يسألوا عاوزين يروحوله المستشفا
و جارتهم بتقول فاطمة تعبانه
و جابولها دكتورة البيت امبارح لازم اكون جنبهم ف ظرف زي دة
متنساش شريف موصيني عليهم قد اية
( خالد ) : الله يعينك و يقويك يا صاحبي بأذن الله خير
ربنا يطمنك عليهم و يعديها علي خير
( عمر ) : يا رب يا خالد
( خالد ) : صحيح قولي سيف طيارته امتي بكرة؟
( عمر ) : المفروض يوصل المطار 12 الضهر
( خالد ) : خلاص تمام انا بأذن الله هكون هناك 11 ونص
استناه بحيث لو طيارته نزلت بدري شويه عن ميعادها ولا حاجة
و اطمن مش هيجيبله سيره الا لما نوصل للبيت هناك
( عمر ) : خير...ربنا يسترها يا خالد ربنا يسترها
ماشي يا خالد انا هقفل معاك دلوقت علشان وصلت
( خالد ) : طيب ماشي ابقي طمني عملت اية ها
( عمر ) : خلاص ماشي...سلام
( خالد ) : مع السلامه
( انهي المكالمه و نزل من عربيته و شال مجموعه شنط و مشي طالعلهم )
************
( في نفس الوقت )
أنت تقرأ
( وعد بالعشق )
Roman d'amourروايتي الأولي هنا ... هي ( وعد بالعشق ) روايه دراما رومانسيه ، اجتماعيه ...و فيها بعض الاكشن.. كبير العائله رب الاسره و كلمته مسموعه دايما من اصغر واحد لأكبر واحد في افراد عائلته فهو شخصيه صارمه اتعودوا الكل يسمعوا كلاموا و ميعارضهوش ف اي شئ ...هل...
