( في نفس الوقت ف مكان تاني )
( خبطت علي باب اوضتها و دخلت و علي وشها ابتسامه ) هند : صحيتي يا كيمي ؟!
بونسوار يا روح مامي
( التفتت لها و اتنهدت ) كاميليا : بونسوار يا مامي
( قعدت قدامها علي السرير ) هند : عامله اية يا قلبي
( كاميليا ) : هعمل اية يا مامي عادي
( هند ) : بقيتي تنامي كتير اوي يا كيمي و كدة مش كويس يا روحي
معظم اليوم نايمه ! انتي تعبانه ؟! حاسه ب حاجة !؟
( كاميليا ) : لا انا كويسة
( هند ) : طب يلا قومي معايا علشان نتغدا بابي مستنينا عالغدا كمان
تعرفي عملالك اية النهاردة عملالك اللازانيا الي بتحبيها
و تشيكن الاكيف تاكلي صوابعك وراهم
( كاميليا ) : مليش نفس لحاجة يا مامي
( هند ) : يعني اية ملكيش نفس ل حاجة انتي من وقت الي حصل
وانتي لا بتاكلي ولا حاجة بالعافيه تاكلي حاجة بسيطه لا تذكر
ولا تشربي عصير بس
مينفعش كدة يا كيمي ابدا انتي كدة هتقعي
( كاميليا ) :غصب عني يا مامي مش قادرة مش قادرة اكل ولا اشرب
مليش نفس و مش عاوزة
( هند ) : و لحد امتي ؟؟
( كاميليا ) : لحد لما عمر يرجعلي انا بجد يا مامي تعبانه تعبانه اوي
و قلبي واجعني مش قادرة اعيش من غيره كدة انا خايفه
خايفه اوي لا التهمه تثبت عليه ويتحكم عليه مش هقدر اتحمل يا مامي
( هند ) : طيب ممكن تهدي بلييز
مش كدة يا روح مامي اهدي....إن شاء الله هيطلع منها قريب
طالما هو بريئ ربنا هيظهر برائته مش هيسيبه كدة
( كاميليا ) : يا رب يا مامي يا رب
وحشني اوي يا مامي نفسي اشوفه كل لما بيروحوا
مش بياخدوني معاهم معرفش
( هند ) : هو اكيد يا روحي انا مش عاوزك تشوفيه بالوضع دة
بعدين انتي ناسيه لما روحتيله مره معاهم رجعتي تعبانه قد اية
و جبنالك الدكتور
هو اكيد مش عاوز يحصلك كدة تاني بعدين هما بيطمنوكي عليه
( كاميليا ) : ايوه يا مامي بس غير لما اشوفه و يشوفني
( هند ) : معلش يا روحي إن شاء الله يرجع قريب و يشوفك
أنت تقرأ
( وعد بالعشق )
Romanceروايتي الأولي هنا ... هي ( وعد بالعشق ) روايه دراما رومانسيه ، اجتماعيه ...و فيها بعض الاكشن.. كبير العائله رب الاسره و كلمته مسموعه دايما من اصغر واحد لأكبر واحد في افراد عائلته فهو شخصيه صارمه اتعودوا الكل يسمعوا كلاموا و ميعارضهوش ف اي شئ ...هل...