( بعد شويه )
( وصلوا للدور و كل معاني القلق واضحه عليهم خصوصا عزيز )
( شافه و نده عليه ) عزيز : عمـــر
( اتفاجئ بيهم قام وقف هو و خالد و مشيوا مقربين عليهم )عمر : حمدالله عالسلامه يا حاج
( عزيز ) : شريف اخوك فين !؟!؟! حصله اية بالظبط !؟ و ازاي متقوليش لية خبيت عني ؟
( عمر ) و بيحاول يتمالك نفسه و بنبره حزن و اسي و الدموع فعيونه : مكنتش
عاوز اقلقك يا حاج قولت اطمن و اطمنكوا
( تقي ) : عمر فين شريف !؟ الدكتور قالكوا حالته اية بالظبط طمنا
(بلع ريقه ب صعوبه و رجعت الدموع تلمع ف عيونه مش قادر يجمع الكلام )
( مسكه من كتفه و مركز عيونه ف عيونه ب خوف ) عزيز : اخوك فين ؟
حصله اية بالظبط اتكلم متسكتش كدة
( خالد ) : اهدي يا حاج عزيز بس ااا
( عزيز ) : انطـــــــق بقولك اخوك حصله اية !؟!
( تقي ) : شريف فين يا عمر اتكلم !! اتكلم ارجوك متقلقناش اكتر
( عمر ) ب بحه اسي و ألم نفسي و بالكاد قادر يتكلم : يا حاج
انت راجل مؤمن بالله و عارف ان الاعمار كلها ب يد الله وحده
شد حيلك يا حاج شريف في ذمه الله
( صدمه حلت بيه هزته لدرجه انه فقد القدره انه يصلب طوله و كاد يسقط من طوله
من هول الخبر و الفاجعه و استند عليهم ) عزيز : ايـــــــــــه ؟؟
ااا انت بتقول اية ؟!
( صرخت بألم و فزع و انهيار ) تقي : اا انت بتقول اية !؟!؟
لالا انت ...انت لازم بتضحك عليا
اه انا عارفاك بتهزر لا
لا مستحيل....مستحيل يكون شريف سابنا لا
( ضمتها و اتجمعت الدموع فعيونها بتأثر و صدمه ) شهد : لا اله الا الله
إنا لله و إنا اليه راجعون
إنا لله و إنا اليه راجعون
لا حول ولا قوة الا بالله
( نزلت دموعه و مازالت الصدمه مسيطرة عليه ) عزيز : شريف اخوك مات ؟!
اخوك مات !؟!
( مسكت فيه بأنهيار تام و شهقات ) تقي : لا انت بتكدب عليا يا عمر
قول انك بتضحك عليا لا شريف
شريف مات يا عمر؟!!؟
شهد شريف ؟!! شريف اخويا ؟!! ها ؟! شريف فين !؟!؟ شريف مات خلاص !؟؟
أنت تقرأ
( وعد بالعشق )
Romanceروايتي الأولي هنا ... هي ( وعد بالعشق ) روايه دراما رومانسيه ، اجتماعيه ...و فيها بعض الاكشن.. كبير العائله رب الاسره و كلمته مسموعه دايما من اصغر واحد لأكبر واحد في افراد عائلته فهو شخصيه صارمه اتعودوا الكل يسمعوا كلاموا و ميعارضهوش ف اي شئ ...هل...