( في نفس الوقت )
( فتح باب الأوضه و دخل و الجمود علي ملامحه....اما هيا بمجرد م شافته
قامت وقفت و بتحاول تخفي تعبها )
( شهد ) : رامي
( واقف يتفحصها ) رامي : خير
( شهد ) و بدأت الدموع تتجمع ف عيونها : كنت فين ؟!
( رامي ) ب جمود : ميخصكيش
( شهد ) : لا يخصني انا مراتك و من حقي اعرف
سايبنا يومين م من غير م نعرفلك طريق حتي التليفون مبتردش عليه
( اتنهد و التفت يفتح دولاب ملابسه يطلع ملابس له متجاهل كلامها )
( شهد ) : انا بكلمك علي فكرة مش بكلم نفسي
( اتنهد و رجع التفت لها ) رامي : افندم ؟
( شهد ) : هو انت لية بتتعامل معايا علي اني انا الوحيدة الغلطانه !؟؟!
انا المتهمه الوحيدة ؟؟
انت كمان غلطان علي فكرة مش انا لوحدي
( رامي ) : ماشي
في حاجة تانيه عاوزة تقوليها ولا اقدر ادخل اخد دش !؟!
يمكن يفوقني شويه م الي انا فيه !؟
( شهد ) و دموعها بتنزل منها ب قهر : انت مالك بارد و بتتكلم ب لا مبالاه كدة !؟!؟
اتكلم معايا متسيبنيش اتكلم مع نفسي !!!
انا تعبانه و متضايقه مخنوقه وانت سايبني لوحدي مش فارقلك حاجة
هو دة انت بدل م تقعد و تواجه بتهرب
( رامي ) : انا بهرب ؟!!؟
هو انتي سامعه انتي بتقولي اية ؟!!؟؟
انتي بتقلبي الترابيزة عليا انا ف الاخر !؟!؟
فوقي يا شهد
انا جريت وراكي و اترجيتك تقفي و تسمعيني تفهمي انتي الي رفضتي دة
و مشيتي و عملتي الي ف دماغك
دلوقت جايه تقوليلي انا بهرب و مش عاوز اواجه ؟!!
( شهد ) : كنت عاوزني اعمل اية يعني؟!؟! ها؟!!؟
اعمل اية و انا شايفاك رايحلها برجليك لحد العوامه القذره اياها
و واقفه الهانم و هيا ف حضنك
و بتتمايل و تتمايع عليك و كلام ملوش لازمه اعمل اية و افسره ب اية !؟!؟
( رامي ) : قولتلك لازم كنتي تستني و تسمعيني تفهمي الموضوع
انا فعلاً روحتلها لكن زي م قولتلك قبل كدة علشان انهي كل حاجة بينا
أنت تقرأ
( وعد بالعشق )
Romanceروايتي الأولي هنا ... هي ( وعد بالعشق ) روايه دراما رومانسيه ، اجتماعيه ...و فيها بعض الاكشن.. كبير العائله رب الاسره و كلمته مسموعه دايما من اصغر واحد لأكبر واحد في افراد عائلته فهو شخصيه صارمه اتعودوا الكل يسمعوا كلاموا و ميعارضهوش ف اي شئ ...هل...