( فاطمه ) و الدموع مستمرة تنزل منها و مازالت تحت تأثير الصدمه و الغضب : قولت اني
مستحيل اقبل ب حاجة زي دي
مستحيل الي بتقوله يحصل
( عمر ) : فاطمه بقولك دي وصيه وانا اخدت عهد علي نفسي ل شريف اني انفذ وصيته
( فاطمه ) : دي حاجة ترجعلك كونك اخدت عهد علي نفسك اما انا ف مش هقدر اكون معاك
و انفذ حاجة زي كدة
مقدرش....مقدرش اخون شريف
مستحيل حد تاني يحل محله ف حياتي مين ما كان و مهما حصل
شريف هو الحب الوحيد و الراجل الوحيد الي دخل حياتي مستحيل اقبل ب حد غيره مهما حصل
و بعدين
ب بعدين مفكرتش ف بناتي حتي ؟!!؟ حتي لو كنت طاوعتك و وافقت كنت هقول اية ل بناتي ؟!!
ببساطه الموضوع عندك ؟؟ ببساطه ادخل عليهم اقولهم باركولنا انا و عمكوا هنتجوز ؟!؟!
هخون حبي و مشاعري ل ابوكوا و اتجوز اخوه ؟!!؟
انت مستوعب انت بتقول اية يا عمر ؟؟؟
( عمر ) : فاطمه قولتلك انتي مش هتخوني شريف بالعكس دي كانت رغبته و بعدين انا قولتلك
جوازنا هيكون عالورق بس
انتي هتفضلي اخت ليا مش اكتر من كدة و ف الاول و الاخر كله لمصلحه البنات
و بعدين الاولي انا الي اقول لا و اصمم علي الرفض علشان خاطر مراتي كاميليا
و حياتنا ويا بعض لكن انا لأني عارف اني مستحيل اخونها و مستحيل انا كمان اخون مشاعرها
و حبها وافقت وافقت لأن الي بينا هيكون زي ماهو مفيش حاجة هتتغير
كل الاحترام و التقدير ليكي ك اختي زيك زي تقي و ياسمين مش هيختلف شئ
غير بس اسم العلاقه الي بينا بدل اخ و اخته
زوج و زوجه اسماً فقط برجع اقولك
( قامت وقفت و بتمسح دموعها ) فاطمه : وانا مش هقدر اعمل كدة يا عمر
مش هقدر و مش هينفع ارجوك شيل الموضوع دة من بالك خالص
لأنه مش هيتم مهما حصل و كفايا كلام لحد كدة
لو عاوزنا فعلاً نفضل اخوات و بنحترم بعض و نعز بعض متفتحش معايا الموضوع دة و انساه
عن اذنك
( و سابته و مشيت خارجة من غرفه المكتب اما هو اتنهد ب ضيق و قبض بأيده
و ضرب علي المكتب ب غضب )
****************
أنت تقرأ
( وعد بالعشق )
Lãng mạnروايتي الأولي هنا ... هي ( وعد بالعشق ) روايه دراما رومانسيه ، اجتماعيه ...و فيها بعض الاكشن.. كبير العائله رب الاسره و كلمته مسموعه دايما من اصغر واحد لأكبر واحد في افراد عائلته فهو شخصيه صارمه اتعودوا الكل يسمعوا كلاموا و ميعارضهوش ف اي شئ ...هل...