( بليل )
( تقي ) : يعني متأكدة مفيش حاجة كدة ولا كدة عاوزه تتكلمي معايا فيها تحكيهالي ؟!
كدة يعني نعملها قعدة فضفضه
( هزت راسها ) فاطمه : صدقيني مفيش حاجة يا تقي هيكون في اية بس
( تقي ) : مش عارفة اصل يعني بصراحه حاسه مودك مش احسن حاجة كدة
( فاطمه ) : لا دة بس تلاقيني مش نايمه كويس مش اكتر
متشغليش بالك بيا طمنيني انتي عملتي اية ؟
يومك كان كويس النهاردة ف الشغل
( هزت راسها ) تقي : اه يعني روتين ف روتين كالعادة بس الحمدلله
( فاطمه ) : ربنا يعينك و يوفقك يا رب
( تقي ) : حبيبتي ربنا يخليكي ليا
قوليلي و ياسمين مشيت امتي و لية مستنتش الندله ؟
( فاطمه ) : مشيت بعد المغرب ب حبه صغيرين بتقول عاوزة تروح تعمل حاجات
و هتجرب تطبخ
(ضحكت ب خفة ) تقي : هههه تبطخ ؟ ياسمين و المطبخ دونت ميكس
يا حرام يا خالد تلاقيه هيجيله تلبك معوي وش
( فاطمه ) و علي وشها ابتسامه خفيفه : متقلقيش انا اصل كتبتلها وصفه اكل بسيطه
و سريعه كدة تعملها إن شاء الله تنجح فيها بس
بعدين شويه شويه هتتعود
( تقي ) : نتمني ذلك احسن م ترجعلنا بعد كام يوم متطلقه ولا حاجة بسبب المطبخ هههه
( فاطمه ) : بعد الشر
ربنا يهدي سرها هيا و خالد و يخليهم لبعض يا رب
صحيح سيف و هنادي اتصلوا بيكي ولا حاجة ؟
( تقي ) : لا و بصراحه انا مش حابه اضغط عليهم سيف لما يلاقي نفسه
رايق و فاضي هيتصل اكيد
( فاطمه ) : ربنا يسعد اوقاتهم هما كمان
( تقي ) : يا رب
يا رب
***************
( في نفس الوقت )
( سوسن ) : اسمع الي بقولك عليه متبقاش خايب
الحق جيبلك حته عيل اهو ينوبه م الحب جانب بدل م يجي ابن سي عمر
و يقش علي كل حاجة لوحدة
المصيبه لاتكون الست هانم مراتك كمان خلفتها كلها بنات دي بقا تبقي الكارثه
( رامي ) و الضيق واضح عليه : بقولك اية قفلي عالموضوع دة
أنت تقرأ
( وعد بالعشق )
Romanceروايتي الأولي هنا ... هي ( وعد بالعشق ) روايه دراما رومانسيه ، اجتماعيه ...و فيها بعض الاكشن.. كبير العائله رب الاسره و كلمته مسموعه دايما من اصغر واحد لأكبر واحد في افراد عائلته فهو شخصيه صارمه اتعودوا الكل يسمعوا كلاموا و ميعارضهوش ف اي شئ ...هل...
