( صباح اليوم التالي )
( سيف ) : يا حاج انا فكرت ف الموضوع و قررت اني انزل امسك الشغل
مع عمر و رامي اخواتي
( عزيز ) و علي وشه ابتسامه : عين العقل يا سيف يابني
عين العقل....هو دة الجواب الي كنت مستنيه منك
الشركه كلها هتنور بيك يابني....متتصورش الخبر دة خبر سعيد بالنسبه ليا قد اية
من زمان و انا كانت امنيتي انك تنضم لأخواتك و تشتغل في مالك
و تشيل معاهم الشغل واهو امنيتي اتحققت و الحمدلله
اينعم بعد كتير بس مش مهم المهم انها هتتحقق خلاص اهي
انا مش عاوزك تحمل هم اي شئ ولا تقلق كل حاجة هفهمهالك و معاك اخواتك
ايدهم بأيدك مش هيسيبوك ابداً
( سيف ) : ربنا ييسر الامور يا حاج
( عزيز ) : خير بأذن الله
( سوسن ) : ايوة كدة يا حبيب قلبي انزل الشغل و اتعلم و شوف
علي الاقل هتكون بتشتغل ب مالك انت اولي بيه من الغريب
( التفت لها ) عزيز : غريب ؟!؟! اي غريب دة الي بتتكلمي عنه يا سوسن !؟
م تعقلي كلامك و توزنيه
( سوسن ) : انا مقولتش حاجة انا اقصد يعني علي خالد مهما كان هو غريب عننا مش من صلبك
( عزيز ) : ولو
خالد ف مقام ولادي تمام و مهواش غريب ولا حاجة بعدين كفايا انه جوز بنتك
( رجع التفت ل سيف ) عزيز : قولي يابني انت حابب تبدأ الشغل امتي ؟!
( سيف ) : من النهاردة يا حاج هاجي معاك
( عزيز ) ب حماس و فرح : وهو كذلك
انا حالاً هقوم اجهز و نتوكل علي الله نمشي
اخواتك هيطيروا م الفرح بالخبر السعيد دة و لما يوشوفك داخل معايا الشركه
يلا هسيبك و اقوم اجهز و ارجعلك
( سيف ) و علي وشه ابتسامه خفيفه : اتفضل يا حاج
( و سابهم و مشي طالع لأوضته )
( رجعت التفتت له ) سوسن : اهو كدة الكلام يا حبيب قلبي
من زمان و انا اقولك انزل الشركه و سيبك من موضوع الطيران الي ميجبش همه دة
اشتغل و امسك مالك انت و اخوك رامي محدش هيخاف علي مالكوا و حلالكوا الا انتوا
لازم تعرف كل صغيرة و كبيرة داخل و خارج الشركه
أنت تقرأ
( وعد بالعشق )
Romansaروايتي الأولي هنا ... هي ( وعد بالعشق ) روايه دراما رومانسيه ، اجتماعيه ...و فيها بعض الاكشن.. كبير العائله رب الاسره و كلمته مسموعه دايما من اصغر واحد لأكبر واحد في افراد عائلته فهو شخصيه صارمه اتعودوا الكل يسمعوا كلاموا و ميعارضهوش ف اي شئ ...هل...