( مر الوقت )
( دخلت عندها المطبخ شافتها واقفه بتجهز الأكل ) مريم : ماما حبيبتي اساعدك ف حاجة ؟
( التفتت لها و ابتسمت لها ب حنان ) فاطمة : تسلميلي يا ضي عيني انا خلاص
هحط الصواني ف الفرن و خلاص اكون خلصت
قوليلي عملتي اية النهاردة ف المدرسة يومك كان كويس ؟!
( مريم ) : اه الحمدلله يا ماما
( فاطمة ) : اومال فين زينه ؟!
( مريم ) : بتاخد حمام و جايه
( دخلت عندهم المطبخ و علي وشها ابتسامتها البريئه ) هنا : ماما ماما
( فاطمة ) : نور عين ماما .. نعم يا قلبي
( هنا ) : هو بابا جاي امتي بقا ؟؟
( فاطمة ) : زمانه جاي إن شاء الله يا قلبي شويه صغيرة و تلاقيه هنا
( مريم ) : تعرفي يا ماما انا فرحانه ان بابا هيجي عالغدا و يقعد معانا شويه
انا اصل الصبح حسيت ملحقناش نقعد معاه و نتكلم كتير
( فاطمة ) : م هو حس انه هو كمان مشبعش م القعدة معاكم علشان كدة
قرر يرجع بدري و يقعد معاكم شويتين تانين يا ضي عيني
ربنا يخليكوا له و يخليه ليكوا و ميحرمكوش ابدا منه
( مريم ) : يا رب يا ماما يا رب
( هنا ) : ماما خليه يجيبلي الشوكولاته الي بحبها
( فاطمة ) : تاني شوكولاته يا نونا مش اتفقنا نبطلها علشان
اسنانه اللولي دي متبوظش
( هنا ) : علشان خاطري يا ماما علشان خاطري واحدة صغننه بس
( اتنهدت ب قلة حيله و مازالت علي وشها ابتسامه حنان ) فاطمة : امري لله
مقدرش اقولك لا بس توعديني مناكلش تاني الا الاسبوع الجاي
( هنا ) : حاضر
( فاطمة ) و بتتلفت تدور علي تليفونها : فين تليفوني كان هنا لسة
شوفهولي كدة يا مريم ف
( مكملتش كلامها الا ينتبهوا ل صوت موبايلها بيرن )
( فاطمة ) : اه اهو اهو...ده شريف
الو ايوة يا ضي عيني انت فين كدة !؟
: الو... ايوة يا مدام
( فاطمة ) : ايوة مين معايا !؟! مين الي بيتكلم و فين شريف ؟!!
: للأسف صاحب الرقم دة عمل حادثه و نقلناه دلوقت علي المستشفا
( فاطمة ) : ايــــــــــه....بتقول اية !؟؟!؟ شريـــــــف ؟؟؟
أنت تقرأ
( وعد بالعشق )
Romansaروايتي الأولي هنا ... هي ( وعد بالعشق ) روايه دراما رومانسيه ، اجتماعيه ...و فيها بعض الاكشن.. كبير العائله رب الاسره و كلمته مسموعه دايما من اصغر واحد لأكبر واحد في افراد عائلته فهو شخصيه صارمه اتعودوا الكل يسمعوا كلاموا و ميعارضهوش ف اي شئ ...هل...
