( في نفس الوقت ف مكان تاني )
( فتحت عيونها ب بطئ علي حركه و اتفاجئت بيه قاعد قدامها علي السرير
و بيمشي ورده طبيعيه علي خدها و علي وشه ابتسامه )
( ابتسمت و همست ) ياسمين : بونجووور
( خالد ) : صباح الورد
( ياسمين ) و بتاخد منه الوردة تشمها : امممم ورد بلدي و حركات عالصبح
( خالد ) : الورد يستاهل الورد
( ياسمين ) : ميرسي
هيا الساعه كام ؟!
( خالد ) : 10
( قامت عدلت قعدتها و متفاجأه ) ياسمين : يا خبر
اتأخرنا
ازاي ال الارم مضربش انا متأكدة اني ظبطاه
( خالد ) : انا الي قفلته مفيهاش حاجة نروح يوم متأخر الشركه !!!
( ياسمين ) و متفجأة : معقول الي بتقوله ؟!
خالد مثال الالتزام و الاجتهاد ف الشركه كلها و اول واحد تقريباً بيروح
يجي يوم و يتأخر جامد كدة ؟
( خالد ) : اديكي قولتيها 50سنه من الانضباط و الالتزام هههه ان الاوان اخد راحه شويه
و اخرج عن المألوف مرة من نفسي
( ضحكت ب مرح ) ياسمين : هههه ياااه 50 سنه بحالهم؟! لية انت عندك كام سنه اصلاً علي كدة بقا
نقولك حاج خالد بقا
( ابتسم من جديد ) خالد : المفروض طبعاً
يلا قومي بقا اجهزي علشان نقعد نفطر و بعدين ننزل
( ياسمين ) : اوك
تحب تفطر اية !؟
( خالد ) : لا انا جهزت الفطار خلاص
( ياسمين ) : بجد ؟؟؟
بنفسك ؟
( خالد ) : اه...يعني حاجة بسيطه كدة
علي قدي برضة الحياه مشاركة زي م انتي قولتي
( ياسمين ) : اكيد هتبقا حاجة تحفه طبعاً
حمستني انا هقوم حالاً اجهز علشان جعانه جداً جداً اصلاً
( خالد ) : ماشي هسبقك علي برا
اه متنسيش اول لما ترجعي إن شاء الله تلمي حاجتك و تجيبيها ف اوضتي
انا امبارح فضتلك نص الدولاب علشان تحطي حاجتك براحتك
( زادت ابتسامتها ب فرح ) ياسمين : اوك ميرسي كتير
( خالد ) : العفو
يلا هستناكي متتأخريش
( ياسمين ) : ثواني و جايه وراك كدة كدة
أنت تقرأ
( وعد بالعشق )
Romantizmروايتي الأولي هنا ... هي ( وعد بالعشق ) روايه دراما رومانسيه ، اجتماعيه ...و فيها بعض الاكشن.. كبير العائله رب الاسره و كلمته مسموعه دايما من اصغر واحد لأكبر واحد في افراد عائلته فهو شخصيه صارمه اتعودوا الكل يسمعوا كلاموا و ميعارضهوش ف اي شئ ...هل...