نواره الصعيد

السادس

ردت جميله بابتسامه "طب وريني ال CV بتاعك" قدم سيف CV بتاعه وشافته جميله وبعدها قالت "تمام هوا انت معندكش الخبره الكافيه فهشغلك مساعد لواحد من أكفأ المحاميين هنا " قالتها واتصلت بسكرتيرتها وقالتلها تنادي للمحامي فارس وتخليه يجيلها وفي خلال عشر دقايق كان وصل فارس وقال "كنت طلبتيني يا جوجو" رفعت جميله حاجبها وهزت راسها بيأس من فارس وقالت بعد ما قعد فارس قدامها قصاد سيف "سمعت انك كنت عاوز مساعد فأحب أعرفك على الأستاذ سيف هيبقى مساعدك الجديد" بص فارس لسيف وركض لعنده ويحضنه وقال "والله بجد انت هتبقى مساعدي يا راجل أخيرا ده انا كنت مستنيك من زمان" وبعدها بص لجميله وقال "والله انتي عسل يا بوص"
ضحكت جميله على فارس وقالت "أي خدمه يا باشا على الله يطمر" رجع فارس بص لسيف وقال "أنا فارس محمد النويري واحد من أشهر المحاميين في مصر وأكتر واحد يعرف يضحك القاضي" ضحكت جميله وقالت"أيوه على يدي وكان هيتسجن يجي 5 مرات قبل كده" بص فارس بتزمر وقال "الله طب وليه كده بس يا ريس مش ننشر غسيلنا قدام الناس من أول يوم يعني" ضحكت جميله وقالت "روح على شغلك يا فارس بلاش تتعبني" قرب فارس من مكتب جميله وقال "الا يا بوص صحيح معندكيش عروسه ليا أصل الصراحه انا سنجل بائس وحزين ووحيد وأمور وعسل ودمي خفيف.. والا أقولك خلاص انا مش عايز نكد السنجله جنتله يلا يا ابني معا لمستقبل مليئ بالسناجل" ضحك سيف وقال "بس انا متجوز" وقع فارس بدراميه على الأرض وقال "لاااااااا بقى تتجوز من غير ما تقولى كده ينفع ده احنا مبينا عشرة ربع ساعه يا راجل صحيح ناس خاينه.. روح يا سيف قلبي وربي غضبانين عليك لحد ما نطلع من باب المكتب اللى هناك ده" ضحك سيف عليه بشده بينما جميله حدفت قلم في فارس وقالت "غور يلا من هنا بدل ما اتصل بفهد"
قام فارس بسرعه وقال "لا وعلى ايه نتعب الباشا بس يلا يا ابني خلينا نروح على شغلنا" قالها فارس وهو بيسحب سيف لبره المكتب بينما ابتسمت جميله واتنهدت براحه وبعدها لقت فهد بيتصل فردت وقالت "أيوه يا حبيبي السلام عليكم.. لا كله تمام متقلقش.. تخاف من ايه بس ده انا بطلت كونغ فو.. سيف هيشتغل مع فارس متتخيلش انا مبسوطه الزاي حاسه ان فارس لأول مره من سنه ونص يضحك من قلبه مش هتتخيل النهارده فارس هزر وقعد يضحك بجد انا فعلا نفسي أشوفه يرجع لفارس القديم.. ان شاء الله يا حبيبي.. خلي بالك من نفسك.. سلام" أغلقت جميله المكالمه وطلبت من سكرتيرتها تبعتلها ملف القضيه اللى شغاله عليه...
ـــــــــــــ🇵🇸ــــــــــــ🇵🇸ـــــــــــــ🇵🇸ــــــــــ
متنسوش تدعو لإخواتنا في فلسطين
ــــــــــــ🇵🇸ـــــــــــــ🇵🇸ـــــــــــــ🇵🇸ــــــــــ
وصل فرح وليليا لرهف وقعدوا جمبها وقالت فرح "مالك شكلك تعبان ليه" ردت رهف بدموع "انا تعبت يا فرح عايزه انساه ومش عارفه" ردت ليليا ببساطه"يبقى متنسيش تعايشي مع الوضع واقتنعي انك مش هتعرفي تنسيه ولا تنسي حبه ليكي.. وبعدين يا اختي هو في واحده تبقى عايزه تنسى واحد وتغير عليه لا وايه بتتصل على أخوه تتطمن عليه من بعيد لبعيد" بطلت رهف عياط وقالت "يعني انتي كنتي عارفه كل حاجه" ردت ليليا "يووووه من زمان يا أختشي ويلا عشان نشتري لبس لفرح البت اللى جمبك دي بس يكون واسع عشان الباشا بيزعل" ردت رهف "وانتي مش ناويه تقوليلي مين الباشا بتاعك" ردت ليليا وهيا بتقف "والله نفسي بس دي أوامر السلطات"
قالتها وشدت رهف وفرح ومشيوا سوا للمول
ـــــــــــ🇵🇸ـــــــــــــ🇵🇸ــــــــــــــ🇵🇸ــــــ
متنسوش تدعو لإخواتنا في فلسطين
ـــــــــــ🇵🇸ـــــــــــــ🇵🇸ــــــــــــــ🇵🇸ــــــ
وصل سليم للشركه وقال لسمر تجيب ملفات الصفقه على مكتبه ودخل... بعد ربع ساعه دخلت سمر بعد ما خبطت وسليم مرفعش راسه ليها وكان بيدلك بين حواجبه عشان عنده صداع فحطت سمر الملف وقالت "أدي ملف الصفقه.. وده فطار وحبوب صداع ومايه وكانز عشان تبلع يا كبير" رفع سليم راسه لسمر وبصلها باهتمام وقال "والله مش عارف من غيرك كنت عملت ايه" ردت سمر وهيا بتمشي "كنت هتكتئب يا حبيبي" قالتها وخرجت بينما سليم قعد يفطر وبعدها قرأ ورق الصفقه ولقى فيها بندين في الصفقه مش عاجبينه فقرر يتصل بنواره يشوفها بس لقى تليفونها مغلق فقرر انه هيناقش الموضوع مع العملاء ويغيرهم لإن البندين دول ضدهم
ـــــــــــ🇵🇸ـــــــــــــ🇵🇸ــــــــــــ🇵🇸ــــــــــ
متنسوش تدعو لإخواتنا في فلسطين
ـــــــــــ🇵🇸ـــــــــــــ🇵🇸ــــــــــــ🇵🇸ــــــــــ
في القصر كان ليث راكب حصانه نيزك وخارج رايح للمزرعه يشوف ابن فنار مرات نيزك بس اتفاجئ بوقوف ريم قدامه وقالت "عايزه أجي معاك" رد سليم بعصبيه"انتي غبيه يا بت.. انتي متعرفيش كان هيجرالك ايه لو موقفتش في الوقت المناسب" تجاهلته ريم وأعادت كلامها "خدني معاك انا زهقانه هنا"
بصلها ليس بحاجب مرفوع وبعدها اتلفت حواليه وقال "لو عايزه تخرجي معاي يبقى تغيري خلجاتك دي" قالها وهو بيشاور على لبسها بصت ريم للبسها وقالت "ماله لبسي مش فاهمه" قال ليث بحده وهو لسه بيتلفت حواليه "خلجاتك مش مناسبه دي آخرتك باب القصر وخلاص ومتخرجيش بره بيها وإلبسي حاجه على شعرك ديه" ردت ريم بهدوء "بس انا مش محجبه" بصلها ليث بقرف وقال "قال ان معظم بنات مصر المحجبين لابسين الحجاب صوح.. اذا كتي عاوزه تخرجي وياي يبقى تعملي اللى بقوله غير اكده مفيش خروج" قالت ريم بسرعه وهيا بتجرة على جوه "لا وعلى ايه خمس دقايق وأكون عندك" قعد ليث يتلفت حواليه اذا كان الجاسوس اللى مراقبه موجود حواليه بس ملقاهوش رفع راسه وبص لبلكونة ورد بس ملقهاش اتطمن... بعد ربع ساعه خرجت
ريم وهيا لابسه لبس واسع وحجاب بس مكنش مظبوط.. ساعدها ليث تركب على الحصان وراه وخرج وفي الوقت ده كانت خرجت ورد للبلكونه وشافت ليث وريم راكبين على الحصان وخارجين.. ابتسمت ورد بخبث وقالت "معلش يا أخوي بس لازم اعمل اكده"
قالتها واتصلت على حد وفي أول 4 محاولات مردش و رد في الخامسه فقالت "مش هتصدقي ليث النهارده ركب ريم بنت عمي وراه على نيزك وخرجوا ومن غير ما حد يعرف"...
على الجانب الآخر كان وصل ليث للمزرعه وساعد ريم تنزل اللى انبهرت من ان المكان واسع جدا ومليا أحصنه من كل الأنواع والألوان.. ليث بعد ما نزل لقى تليفونه بيرن بص لقاها هيا قال في سره"اه يا كلبه يا اللى اسمك ورد طب اما أرجعلك..هوا أحسن حاجه دلوقتي اني اعمل نفسي مش سامع" دخل ليث للمزرعه عشان يتطمن على فنار ووراه ريم وتليفونه مبطلش رن... خرج ليث بره ولقى انها اتصلت بيه 9 مرات رد ليث في المره العاشره وقال "ايه في ايه كل ده رن" ردت بنت من الحانب الآخر "انت فين يا ليث ومع مين" رد ليث ببرود وقال "فين فأنا في المزرعه عشان فنار حبيبتك ولدت ومع مين فأكيد جاسوستك اللى بتراقبني في البيت أكيد قالتلك" ردت البنت "وانت خارج معاها ليه ها قولي خرجت ليه معاها ايه انا مش ماليه عينك يعني لولا ورد مكنتش قولتلي ها خرجت ليه انت هتخوني انا عارفه انت معتش بتحبني" بص ليث لتليفونه وشاف التاريخ فقال "حبيبتي انتي فاضلك 3 أيام على فترتك مالها الهرمونات طافحه معاكي وعامله شغلها" ردت البنت بخجل "ليث اتأدب" رد ليث ببرود "حبيبتي هوا انا بياع بطاطس ما انا دكتور" ردت البنت "بس انت مش دكتور نسا " رد ليث "يعني انتي مش هتنكسفي لو دكتور نسا يقولها وتنكسفي اما جوزك المستقبلي يقولها ده ايه المنطق ده" سكتت البنت شويه وردت بدموع"ليث انت بتخوني صح ليه ده انا مزه حتى" انصدم ليث من تقلبها المفاجئ وقبل ما يرد لقاها بتصرخ وتقول "طلقنيييييييييي" بعد ليث التلفين من على ودانه وبعدها رد ببرود لإن العصبيه من الغبيه دي مش هتفيد غير بتكملة وصلة النكد "حبيبتي احنا مش متجوزين عشان أطلقك" ردت البنت بهدوء عكس شخصيتها من شويه خلت ليث يحس ان البنت دي عندها انفصام شخصيه "آه صح بص انا بعلن انفصالي عن.." هنا رد ليث مقاطع ليها "ده عند أمك عارفاها" ضحكت البنت من الجانب الآخر وقالت "آه عرفاها ست الكل.. تصدق فكرتني يا ليث عيد الأم قرب ولازم أشوفلها حاجه كويسه أجيبهالها.. سلام بقى يا حبيبي وخلي بالك من نفسك"
قالتها وفصلت الخط.. بص ليث بصدمه للتليفون وقال "يا رب انا عارف اني كنت بغيظ في أبوي وأمي بس عقابك ده شديد.. دي هبله وانا مش عارف اتصرف معاها الزاي" هنا ردت ريم "انت اتهبلت يا ليث انت بتكلم نفسك وكنت بتتكلم عن مين " بصلها ليث وقال "سلام قول من رب رحيم.. ايه اللى حصل في خلجتك ديه" ردت ريم "أصل وقعت في الطين.. قولي هوا الحمام منين" شاورلها ليث على مكان الحمام وكان رايح يشوف فنار فلقى حبيبته بتتصل تاني فرد وقال "روحي وانتي طالق بالتلاته" ردت البنت بهدوء"هوا احنا أصلا اتجوزنا عشان نتطلق يا أهبل على العموم انا كنت متصله أسألك هيا فنار خلفت ولد والا بنت" بص ليث بقرف للتليفون وقال "بنت يا اختي" ردت البنت "حلو شمي بنتها حور تمام " رد ليث بخبث "تمام بس هوا مفيش حاجه ل ليث حبيبك" ردت البنت "حاجة ايه" قال ليث "بوسه مثلا" هنا سمع ليث صوت غلق المكالمه بص ليث للمكالمه وتف على التليفون وقال "ايه بحب واحد صاحبي.. يلا اهو مسيرنا يتقفل علينا باب واحد وساعتها هطلع عليكي كل النكد ده الصبر بس"
ـــــــــ🇵🇸ـــــــــــــ🇵🇸ــــــــــــــ🇵🇸ـــــــــــ
متنسوش تدعو لإخواتنا في فلسطين
ـــــــــ🇵🇸ـــــــــــــ🇵🇸ــــــــــــــ🇵🇸ـــــــــــ
في قصر ضخم في مصر كانت أسيل بتخلص آخر التفاصيل في فستان الزفاف الجديد وبعد حوالى ربع ساعه كانت انتهت من التصاميم اللى هتشارك بيها في مسابقة دبي.. اتصلت أسيل بمساعدتها وقالتلها تأكد على العارضه الإيطاليه اللى هتعرض التصاميم ...
نزلت أسيل ولقت إيمان بتعيط فقالت "بتعيطي على ايه يا حزينه" ردت إيمان "أنا لازم أرجع البلد يا أسيل عشان الناس زمانهم بيتكلموا اني سبت جوزي بعد مفيش شهرين من جوازنا" ردت أسيل بحنان وهي بتقعد جمبها وتحضنها "مش هترجعي البلد غير وانتي رافعه راسك والمره اللى اسمها أحلام دي تيجي تعتزرلك انتي ناسيه انك حامل يا بت وابنك كان هينزل بسبب بنت ال... اللى اسمها أحلام.. لازم تخلي عندك كرامه وقوه عشان لما تخلفي ابنك هيقلدك وهيبقى حماكي وسندك وكمان لازم أحلام دي تخرج من البيت ادكي شفتى اللى كان هيحصل" هزت إيمان راسها وحطت إيدها على بطنها وهيا كانت بتتمنى ان خالد يكون معاها دلوقتي بس كلام أسيل صح لو هيا مبقتش قويه ولادها هيطلعوا زيها او ممكن أحلام هيا اللى تاخدهم وتربيها وساعتها هتبقى خسرت ولادها... هنا رن تليفون أسيل فردت ولقت ان الطرد اللى طلبته من اليابان وصل قدام البيت.. طلعت أسيل واستلمت الطرد وطلعت على فوق تخرج الحجات وتتأكد منها وانها كلها سليمه وطلع كله كويس ابتسمت أسيل واتصلت على نواره "الطرد وصل وكل حاجه جاهزه" قالتها وفصلت..
ــــــــــــــ🇵🇸ـــــــــــــــ🇵🇸ــــــــــــــــــــــ
متنسوش تدعو لإخواتنا في فلسطين
ــــــــــــــ🇵🇸ــــــــــــــ🇵🇸ـــــــــــــــــــــــ
نوارة الصعيد
للكاتبه: إسراء عبداللاه (شغف)
متنسوش الفوت والتعليقات عشان هيا اللى بتخليني أكمل