နေရာလွတ်နဲ့အတူပြန်လည်မွေးဖွားလာခြင်း

Chapter 2

Chapter 2 နေရာလွတ်

Xiao Ziqing ရှေးဆန်တဲ့လက်စွပ်လေးကိုကြည့်လိုက်တယ် ဒါကသူ့အမေသူအတွက်ထားခဲ့တဲ့ တစ်ခုတည်းသောပစ္စည်းလေးပင် ပြီးတော့ အဲ့တာလေးက ကမ္ဘာပျက်ကပ်အတွင်းမှာသူ့အတွက်အင်အားဖြစ်‌စေခဲ့တဲ့အရာလေးဆိုလည်းမမှားပေ လက်စွပ်က သွေးနီရောင်ကျောက်ကိုရွှေထဲမှာမြှုပ်နှံထားတဲ့ ရိုးရှင်းပြီးရှေးကျတဲ့ဒီဇိုင်းလေးပင်

Xiao Ziqing စားပွဲပေါ်‌‌ ကအသီးလှီးတဲ့ဓါးကိုယူလိုက်ပြီးသူ့လက်ကိုမွှန်းလိုက်တယ် ဒဏ်ရာကထွက်လာတဲ့သွေးတွေဟာ သွေးနီရောင်ကျောက်ပေါ်ကိုကျသွားပြီးတာနဲ့ချက်ချင်းပဲပျောက်ကွယ်သွားခဲ့တယ် ပြီးတာနဲ့တစ်ပြိုင်နက်သူ့မျက်နှာ‌ပေါ်မှာကျေနပ်အားရနေတဲ့အပြုံးတစ်ခုပေါ်လာခဲ့တယ် အရင်ဘဝတုန်းကနဲ့တစ်ပုံစံထဲပဲ

Xiao Ziqing သူ့ခံစားချက်တွေကိုသိမ်းထားလိုက်ပြီးတော့သူ့စိတ်ထဲကနေအမိန့်ပေးလိုက်တယ်
" နေရာလွတ်ထဲဝင်မယ် "

အဲ့ဒီနောက်မျက်တောင်တစ်ခတ်စာအချိန်ခဏလေးအတွင်းမှာ Xiao Ziqing တစ်ခြားကမ္ဘာတစ်ခုစီရောက်သွားခဲ့တယ် ကောင်းကင်ကဖရိုဖရဲဖြစ်နေပေမယ့်လည်းနေရာတစ်ခုလုံးကတောက်ပနေတယ် အဆုံးမရှိကျယ်ပြန့်တဲ့မြေအလွတ်တွေနဲ့ ကျေးလက်တောရွာပုံစံခြံဝန်းလေးတစ်ခုကိုတွေ့လိုက်ရတယ် ရင်းနှီးတဲ့ပတ်ဝန်းကျင်ကိုကြည့်လိုက်ပြီးတော့ Xiao Ziqing သက်ပြင်းတစ်ချက်ချလိုက်တယ်

နေရာလွတ်ရှိနေသ၍ကမ္ဘာပျက်ကပ်အတွက်လိုအပ်တဲ့ရိက္ခာနဲ့တစ်ခြားပစ္စည်းတွေကိုစုဆောင်းထားနိုင်မှာပင် ဒီနေရာကသူနဲ့ Xiao Yuan အတွက် အဆုံးမရှိတဲ့အထောက်အပံ့တစ်ခုဖြစ်လာစေရမည်

ဒီနေရာလွတ်က ကမ္ဘာပျက်ကပ်ဖြစ်ပြီး ၂ နှစ်အကြာမှာ Xiao Ziqing ရှာတွေ့ခဲ့တာဖြစ်သည် အဲ့ဒီအချိန်တုန်းကသူဟာရေနဲ့တစ်ခြားပစ္စည်းတွေကိုခက်ခက်ခဲခဲရှာစရာမလိုခဲ့ပေ သူ့အတွက်ဆာလောင်မှူဆိုတာလည်းမရှိခဲ့ပေ

ဒီနေရာမှာမြေအလွတ်တွေအများကြီးရှိနေရခြင်းကအဲ့အချိန်တုန်းကသူစိုက်ပျိုးဖို့ဘာမျိုးစေ့မှရှာမတွေ့ခဲ့တာကြောင့်ပင် အခုအချိန်မှာတော့သူလိုအပ်တာတွေကိုစုဆောင်းဖို့အချိန်တစ်လကျန်နေသေးသည် တစ်လဆိုတဲ့အချိန်ကသူလိုအပ်တာတွေလုပ်ဖို့လုံလောက်ပါသည်