"အာ...ဆိုးတယ် ဆိုးတယ်"
"... ..."
"မင်းကငါ့ကိုဆွနေတာပဲ ဝမ်ရိပေါ်ရ"
ထို့နောက်ရှောင်းကျန့်သည်စကားတစ်ခွန်းထပ်ပြောလာခဲ့သည်။ သူတစ်သက်မမေ့မည့်စကားမျိုး သူ့အရှိုက်ကိုမှတည့်တည့်ထိသည့်စကားမျိုး။
"မင်းကမှလွယ်လွန်းနေတာ"
ဝမ်ရိပေါ်သည် အနှီသူဆက်ပြောလာသည့် အခြားစကားများကိုကြားနိုင်စွမ်းမရှိတော့ဘဲ နေရာမှာတင်တောင့်တင်းနေခဲ့သည်။
===============
"ဘော့စ်...ဘာများလို"
"ဘာမှမလိုဘူး ထွက်သွားတော့"
ထိုသို့ဆိုသည်။ ထို့နောက် အမူအရာမဲ့သောအသွင်သဏ္ဍာန်ဖြင့်အခန်းတံခါးအားပိတ်ချသွားခဲ့သည်။ ထိုမှစ၍ဘော့စ်အားသူမြင်ခွင့်မရတာ တစ်ညကုန်လွန်၍ တစ်မနက်တိတိရှိတော့မည်။
စိတ်အခြေအနေမကောင်းမှန်းသတိထားမိ၍ တမင်ရှောင်ပေးနေမိသော်လည်း တစ်မနက်ကြာပြီဖြစ်သည့်အခါ သူလည်းစိုးရိမ်စပြုလာပြီ။ နဂိုတည်းက ဆေးသွင်းရကာမှပြန်နိုးလာသူမို့ သူစိတ်မပူဘဲမနေနိုင်ခဲ့ပါ။ ဒါပေသည့်ဘော့စ်ကဝင်ခွင့်မပေးသည့်အခါ သူလည်းဇွတ်တရွတ်ဝင်တိုးဖို့မရဲ။ ထို့ကြောင့် ဘော့စ်၏အခန်းတံခါးအားတကြည့်ကြည့်ဖြင့်သာရပ်နေနိုင်ခဲ့သည်။
သို့သော် နံနက်၉နာရီတွင် ရှောင်းအုပ်စုဘက်ကပို့လွှတ်လိုက်သော ဆေးအဖွဲ့ရောက်ရှိလာတာမို့ ထိုအရာကိုအကြောင်းပြချက်တစ်ခုအဖြစ်အသုံးချပြီး ဘော့စ်၏တံခါးဝရှေ့သို့သူရပ်မိသည်။
'ဒေါက် ဒေါက်'
"ဘော့စ်...ဒေါက်တာတို့ရောက်လာပါပြီ ကျွန်တော်ဝင်ခွင့်ပေးလိုက်ရ.."
"ခြံထဲခြေတစ်လှမ်းချတာတောင်မလိုချင်ဘူး...ထွက်သွားဖို့ပြောလိုက်"
တစ်လျှောက်လုံးအသံတိတ်နေခဲ့သော ဘောစ့်သည်ယခုမှသွေးအေးစွာဆိုထွက်လာခဲ့သည်။ ဟိုက်ခွမ်းဘာပြောရမည်မသိ။ တစ်ဖက်ကလည်းသူ့ဘော့စ်ရဲ့ကျန်းမာရေးအတွက်ရောက်လာကြသူများဖြစ်သည်။ တစ်ဖက်ကမူ သူ၏ဘော့စ်ဖြစ်သည်။
YOU ARE READING
Badly off for you
Fanfiction"ငါ့ရဲ့ကလေးလား...သေချာပေါက် ငါ့လိုခန့်ညားပြီးရှောင်းကျန့်လိုထက်မြက်နေရမှာပေါ့" ZSWW Fan-Fiction 战山为王是真的！！！ Xiao Zhan x Wang Yibo {Warning- male pregnancy, sexual contents}
