'Pain can be cured as it will be diluted with 'T' for time,then will 'Paint' the future with new wonderful memories.You only have to let it go'
လက်လွှတ်ရမယ်...
အဲ့ဒီလောက်လွယ်လိမ့်မယ်တဲ့လား...
ဝမ်ရိပေါ်၏မျက်တောင်ဖျားကလေးများသည်တဖျတ်ဖျတ်လှုပ်ခတ်လို့သွားခဲ့သည်။ စာမျက်နှာပေါ်မှထိုစာသားကိုလက်ချောင်းလေးများဖြင့်ပွတ်ဆွဲရင်းနှုတ်ခမ်းပါးကလေးများကိုတင်းတင်းစေ့ထားမိလိုက်လေတော့၏။
"သက်တော်စောင့်လျှို..."
"ဟုတ်ကဲ့"
"ဒီစာအုပ်ကိုလွှတ်ပစ်လိုက် အဓိပ္ပါယ်မရှိတာတွေ"
ဝမ်ရိပေါ်သည်စာအုပ်ကိုကမ်းပေးပြီးမျက်နှာကိုလွှဲလိုက်တော့သည်။
"ဟုတ်ကဲ့"
နောက်ပါးနားထိုင်၍အစောင့်လုပ်နေရာမှစာအုပ်လာယူသောဟိုက်ခွမ်းကတော့နာခံစွာ။
ဟိုးယခင်ကဆိုလျှင် ဝမ်ရိပေါ်လိုအပ်မှလာရသောလျှိုဟိုက်ခွမ်းသည် ယခုတော့သူ့ဘော့စ်၏အနားမှာအချိန်ပြည့်ရှိနေရသည်။ အမြဲတမ်းနှုတ်ဆိတ်နေတတ်ပြီး အရင်ကထက်သွေးအေးလာသည့်ဘော့စ်က အနားကိုအခြားသူစိမ်းအကပ်မခံတော့တာမို့ ဟိုက်ခွမ်းကပဲဘာမဆိုဒိုင်ခံ။
ထို့ကြောင့်ယခုလည်း ခါတိုင်းကဲ့သို့ဘော့စ်စကားကိုနာခံပြီး လွှတ်ပစ်ရန်ကြံစည်၍စာအုပ်ယူပြီးအထွက် တံခါးအပွင့်၌မျက်နှာချင်းဆိုင်တွင်ဥက္ကဌရှောင်းကျန့်နှင့်တွေ့ဆိုင်သွားလေသည်။ သူရပ်လိုက်ပြီး
"ဥက္ကဌရှောင်း..."
ဟိုက်ခွမ်းအဲ့သလောက်ကြီးဖားဖားလျလျနှုတ်ခွန်းမဆက်သချင်။ ကိုယ့်ဘော့စ်၏ရန်သူမို့ကိုယ့်ရန်သူဟုသူသတ်မှတ်ထားပြီးဖြစ်သည်။ ဒါပေမဲ့တစ်ဖက်ကသြဇာအာဏာပိုင်းနှင့်အဆင့်အတန်းပိုင်းမှာတော့သူကကြီးရင့်သူမို့ ရိုင်းပြ၍လည်းမရပြန်။ ထို့ကြောင့်အသိအမှတ်ပြုသည်ဆိုရုံခေါင်းညိမ့်ပြီး နောက်ကိုဆုတ်လိုက်မိသည်။
"ဘော့စ်...ဧည့်သည်ရောက်ပါတယ်"
ထို့နောက်ဘော့စ်ကိုအသိပေးလိုက်မိလေသည်။
YOU ARE READING
Badly off for you
Fanfiction"ငါ့ရဲ့ကလေးလား...သေချာပေါက် ငါ့လိုခန့်ညားပြီးရှောင်းကျန့်လိုထက်မြက်နေရမှာပေါ့" ZSWW Fan-Fiction 战山为王是真的！！！ Xiao Zhan x Wang Yibo {Warning- male pregnancy, sexual contents}
