Badly off for you

_7_

ဝမ်ရိ​ပေါ်သည် အရည်လဲ့​ကာစူးရှနေ​သောမျက်ဝန်းများအား ကြမ်းပြင်​ပေါ်သို့လွှဲချလိုက်​လေသည်။

"မင်းကိုမမြင်ချင်ဘူး"

"​ကောင်းပြီ"

...
...
...

သခင်ဖြစ်သူ၏အစားစားခြင်းအမှုအား​​ ငြိမ်သက်စွာစောင့်ဆိုင်း​နေကြ​သောသူများ​ကြောင့် အိမ်​တော်၏ထမင်းစားခန်းကြီးတစ်ခုလုံးတွင် ​ကြွေပန်းကန်ပြားနှင့်ဇွန်းခက်ရင်းထိခတ်သံတချွင်ချွင်​သောမြည်သံတစ်ချို့ကိုသာကြားရသည်။

အလုပ်ရှင်ဖြစ်သူအစားစားရာတွင်လို​​လေ​သေးမရှိ​အောင်ကြပ်မတ်ဖို့အတွက်​တော့ ​ဘေးတွင်စာဖိုမှူးများနှင့်အာဟာရ​ဗေဒပညာရှင်များရပ်​စောင့်​နေကြသည်။

ထို့ထက်​ဘေးမှာမှသက်​တော်​စောင့်လျှိုဟိုက်ခွမ်းတစ်​ယောက်ရပ်​နေသည်။

"အစာ​ကြေ​အောင်လမ်း​လျှောက်​ပေးတာကသင့်​လျော်ပါတယ်"

​သူတို့၏​ဘော့စ် လက်ထဲမှဇွန်းနှင့်ခက်ရင်းကို​မှောက်ကာချလိုက်သည်နှင့် ဆိုလာသူက ​ဘော့စ်ရဲ့အ​ခြေအ​နေကိုမှတ်တမ်းတင်​နေ​သော ဆရာဝန်​ခေါင်း​ဆောင်ကျိယန်ဆိုသူပင်။ ​ဘော့စ်သည်ထိုဆရာဝန်၏စကားကိုမငြင်းဆန်​သော်ငြား အသိအမှတ်ပြု​ထောက်ခံ​ကြောင်းလည်းမပြ​ချေ။

လှုပ်စိလှုပ်စိဖြင့် ခြံထဲသို့ဆင်းသွား​သည့်အခါ သူနှင့်တကွလိုက်ပါ​စောင့်​ရှောက်သူအ​မြောက်အမြားမှာလည်း​နောက်က​နေတစ်ပါတည်းလိုက်ကြရ​တော့သည်။

ဟိုက်ခွမ်းက​တော့ ​ဘော့စ်နှင့်အနီးဆုံးမှလိုက်ပါလာခဲ့ရပြီး မိမိ​ရှေ့မှ အ​နွေးထည်အထူကြီး​တွေထဲမြုပ်​နေ​သော ​ဘော့စ်အ​​သေး​လေးကို​ငေးရင်းသက်ပြင်းညင်ညင်သာသာချမိ​လေသည်။

သူ့လုပ်ရပ်အတွက်ခွင့်လွှတ်ချင်စိတ်မရှိ​သေးလို့လား...

ဖြစ်မည်။ ​

ဘော့စ်သူ့ကိုအဖတ်လုပ်စကား​ပြောခြင်းမရှိခဲ့သည်မှာ တစ်လကျော်မျှရှိသွားပြီ။
တကယ်​တော့ သူ့မှမဟုတ် ဘယ်သူ့ကိုမှ​ကောင်း​ကောင်းဆက်ဆံခြင်းမရှိ​တော့။ အဲ့ဒီတုန်းက​ပြောခဲ့သည့် မျက်နှာမမြင်ချင်ဘူးဆိုသည့်စကားက လုပ်ငန်းရှင်​ရှောင်းအတွက်ချည်းဟုတ်မည်မထင်။ သက်​သေက သူတို့အားလုံး​အ​ပေါ် ​မမြင်ရတဲ့လေလိုဆက်ဆံ​နေသည့်တစ်လမျှ​သောအချိန်​တွေပင်။