Badly off for you

_9_

"​​​တောက်ခ်! ဒီ​ကောင်ကဘာဝင်ဝင်ရှုပ်​နေတာလဲကွာ...​နေရင်းထိုင်ရင်းမ​ရေမရာ​တွေလုပ်​တော့ သတင်း​တွေဖုံးကုန်ပြီ"

"သတင်းဖုံး​အောင်လုပ်ပါတယ်ဆိုမှ သတင်းမဖုံးလို့ဘာဖြစ်ရမှာလဲဟ အသိသာကြီးပဲမဟုတ်လား ​ရှောင်းကျန့်ဆိုတဲ့​​​ကောင်က တခြားဘယ်​နေရာမှာအဖြစ်ရှိလို့ဘယ်ကက​လေးပုံတင်နိုင်မှာလဲ ​သေချာတယ် ဒါသူနဲ့ဟို​ကောင်စုတ်​လေးရဲ့က​လေးပုံပဲ"

"ဟင်!"

"တကယ်ကြီးလား"

"သူ​ပြောတာဟုတ်တယ်...​ရှောင်းကျန့်က သတင်းဖုံး​အောင်တမင်လုပ်လိုက်တာ ပုံကလည်းဝမ်ရိ​ပေါ်ရဲ့က​လေးပုံဖြစ်ဖို့များတယ်"

အားလုံးဆွံ့အသွားကြရကုန်သည်။

"သူ...သူက အဲ့ဒီလိုတင်ရဲတာလား"

"ငါက ​ဖြေ​ပေး​နေရဦးမှာလား အဲ့ဒီမှာသက်​သေမဟုတ်ဘူးလား!"

စိတ်မရှည်​တော့​သဖြင့် ဆူပူကြိမ်း​မောင်းလာ​လေပြီဖြစ်သော​ကျိုးမင်ယိ​ကြောင့်အပျာပျာသလဲလဲဖြစ်​နေကြ​သောသူတို့မှာအင်တင်တင်ဖြင့်ပါးစပ်များကိုပိတ်လိုက်ကြရ​လေသည်။

ကျိုးမင်ယိကား လက်သီးတစ်ဆုပ်ဆုပ်ဖြင့် ခုံကိုခပ်ဖွဖွထု​နေရင်းမှ ​​ဒေါသရှိန်ပိုတက်လာ၍လား ဝုန်းခနဲတစ်ချက်ထုချပြီးကျစ်စုပ်လေ၏။ စီစဥ်ထားသည့်အတိုင်းဖြစ်မလာ၍အားမလိုအားမရဖြစ်ခြင်းနှင့် ​စိတ်ရှုပ်ခြင်းတို့က သူ၏မျက်နှာ​ပေါ်တွင်ထင်ရှားစွာ။ မျက်​မှောင်တို့အားတွန့်ကြုတ်ထားရင်း ​​လေပူများအားမှုတ်ထုတ်​နေသည်မှာခဏခဏ။

သူ​၏ဦးခေါင်းမှာလည်းအ​တော်ကိုမှပူ​ထူ​နေ​လေပြီ။

ဘာလို့လဲ... သူနားမလည်။

ယခင် ကျိုးလျန်ဖုန်း​ပေးခဲ့တဲ့သတင်းအရ ​အဲ့ဒီ​ရှောင်းလုပ်ငန်းရှင်ကဝမ်ရိ​ပေါ်အ​ပေါ်မကြည်ဖြူတာ​သေချာသည်။ မိမိအ​ပေါ်​ဆေးခတ်သွားသည့်သူကိုမကြည်ဖြူတာကလည်းယုတ္တိရှိတဲ့ကိစ္စတစ်ခုပင်။ ဒါ​ပေမဲ့ အခုမှ​​ရှောင်းကျန့်ကဘာထဖြစ်​နေရသလဲ!

ဒါမှမဟုတ် ဝမ်ရိ​ပေါ်နဲ့ အ​ပေးအယူတစ်ခုခုများလုပ်ထား​လေသလား...
ဒါ​ကြောင့်များဝင်ကူ​ပေး​လေသလား...