Badly off for you

_4_

သူ​ဌေး​လေးဝမ်ရိ​ပေါ်ထွက်သွားပါပြီဟူ​သောအသိ​ပေးချက်အားရရှိလိုက်​သော်ငြား ရှောင်းကျန့်သည်ကယ်လီဖိုးနီးယားမှအိမ်​တော်ဆီသို့မ​ရောက်​ရောက်​အောင်သွားသည်။

​ရောက်​သော်လည်း ဝမ်ရိ​ပေါ်ထွက်သွားပြီဆိုတာကိုသိသိလျက်နဲ့ ဝမ်ရိ​ပေါ်အားထားရှိခဲ့​သောအခန်းဆီသို့ဝင်သွားလေ၏။ ​သေသပ်​အောင်ပြန်လည်ပြင်ဆင်ပြုပြင်ထားသဖြင့် ထိုအခန်းသည်တစ်​ယောက်​ယောက်​နေသွားသည်ဟုပင်ထင်စရာမရှိ။

ပြန့်ပြူး​နေ​သောကုတင်ကိုအတန်ကြာစိုက်ကြည့်ရင်း​ဥက္ကဌရှောင်းကျန့်သည် အ​ပေါ်ထပ်ကုတ်ကိုချွတ်လိုက်​သည်။ ထို့​နောက်​ဘေးမှမတ်တပ်ရပ်​နေ​သော အတွင်း​ရေးမှုးဆီသို့​ပေးလိုက်ပြီးနက်ကတိုင်ကိုပါဆွဲဖြုတ်သည်။

"ဥက္ကဌဘာများဆက်လုပ်မလဲခင်ဗျာ"

ယွီပင်းအထင်ဥက္ကဌသည်အနည်းနဲ့အများ​တော့စိတ်မသင့်ပုံ​ပေါ်သည်။
အနှီသူ​ဌေး​ပေါက်စက ဥက္ကဌရဲ့တန်ဖိုးကြီးလှတဲ့အချိန်​တွေကိုဖြုန်းတီးရုံမက မထီမဲ့မြင်ပြုတာလည်းများပြီ။

အချိန်ကိုတန်ဖိုးထားလွန်းတဲ့ဥက္ကဌအတွက်ဒီလိုကိစ္စမျိုးကခွင့်လွှတ်နိုင်ဖွယ်မရှိ။

တစ်ခုခု​လုပ်ဖို့အမိန့်​ပေး​လောက်တယ်လို့​တွေး​နေတုန်း ဥက္ကဌသည်​ခေါင်းကိုနှစ်ချက်မျှခါလာသည်။

"အပြင်မှာ​စောင့်​နေ"

"ဟုတ်ကဲ့"

"​နောက်ပြီးအချက်အလက်​တွေ...မြန်မြန်ရ​လေ​ကောင်း​လေ"

"စိတ်ချထားပါဥက္ကဌ"

ထိုမျှသာ​ပြောပြီးအခန်းတွင်း၌ရှိ​သောဆက်တီ​ပေါ်သို့ဝင်ထိုင်​လေ၏။ ပြီး​နောက်တစ်ခုခုကို​​အတွေး​များနေသလို​ ညာလက်ကိုလက်ရန်း​ပေါ်​ထောက်ရင်း လက်ညိုးမှ​ရွှေ​မောင်းကွင်းအားလက်မဖြင့်ခပ်စစပွတ်ကာ ငေးငိုင်လို့သာကြည့်​နေ​တော့သည်။

ထိုအခါယွီပင်းလည်းဘာမှမ​ပြော​တော့ဘဲ အခန်းတံခါးကိုဆွဲပိတ်​ပြီးအပြင်သို့ထွက်လာခဲ့လိုက်​လေ​၏။