"بأسمه تعالى"
#لعنة_تاء_تأنيث
الكاتبة:فدك فاطمة
.
.
خـشبه وتحـت اظافر
عـشرتي وياك
طلعتـك موش هيـنة
وضلتك تكتل
.
.
مشهـد
اختلط الدم وية المطر و واخذ يمشي بخط اعرج على تراب لحد ما لوث بسطالة و مشة تحت رجلة
بدلتة العسكريـة البعيـدة كل البعـد عن شرف هـاي الرتـبة وهـوة يشوف جريمة قتل بوضح نهار جريمة مع سبق اصرار
تراجعو اخوانها بعد ما انهالوا عليها بأبشع اللفاظ و الكلمات صعدوا سيارتهم
.
.
مشهد 2
ركضت بكل قوتي عابرة شارع لازمة عباتي من جهة رگبتي خاف توگع
دموعي طيح گبل خطواتي هذا العذاب اكبر من انو اني اتحملة اني مو گد هيج تبهذل
جانت ساعة تقريباً بالوحدة باردة تكص كص ادية جمدن صوت چلاب بشوارع فارغة ماخلة ذرة اطمأنان بگلبي
عبرت جسر شوارع فارغة وگفت على جهة منتظرة سيارة اي شي گوة وگفلي رجال جبير
يباوعلي بستغراب دنگت للجامة حجيت برجفة :عمو تروح للگراج
حجة بشك: خافنج شاردة نوب ابتلي بيج
هزيت ادية بسرعة گبال :لا لا زوجي هناك بس هوة نزل و ماشايل ويا فلوس ماخذتلة يدفع للسيارة
حجة داير وجهة : ولد هذا وكت حرام اذا گلنة عليهم زلم اصعدي بوية صعدي
فتحت الباب ارجف گوة مسيطرة امسح دموعي يطيحن عشرة مكانهن اباوع لاخر امل يجمعني بأهلي اني ماشية بطريق مابي رجعة
.
.
خلة علاگة على ميز بيها علاجات و كلشي احتاجة يخلي بالثلاجة بدون مايباوعلي ولا يلتفت
سد باب ثلاجة لم الهوسة اخذ جنطتة وصل للباب يريد يطلع طفرت من مكاني ناسية المغذي لمشكل بأيدي
فلت و دم نبر من مكانة ركضت لزمتة من زندة حجيت بتوسل:يَسار بداعة امك گللها لاتقفل الباب فدوة الله عليك
باوعلي برود لزم جف ايدي ضاغط على مكان الابرة رجعت استعطفة: والله اختنگ من اشوف كلشي مقفل الهوة يضيگ علية
سحبني متجاهل كل توسلاتي شال گطن من ميز يمسح بالدم اني گبالة ابجي ماحرگت ذرة من مشاعرة
أزل:ماتوقعتك هيج قاسي بدون رحمة
يَسار: انتي اختاريتي هيج اصير وياج
أزل: ما اختاريت اي شي من بداية اني بس انجبر
يَسار:لتعوف اهلها و تسحگ سمعة اخوانها كلشي تسوي جذب مثل ماي عدها
أزل: شگلولك اهلي
.
.
أزل: راح اطلع اني القرار الج تردين تقنعين بذني لو مستعدة تضحين بحياتج بكيفج احنة عائلة مانحب نسكت
نهال:لو عائلتج وياج جان ما اجيتي لوحدج
أزل:جؤؤ جؤؤ انتي ماتستاهلين يجيج واحد اكبر مني هذا رد على كد مستواكم
نهال: كل شهر اريد مليون و ناز تجيني ماتبطل
أزل: هههههه ليش حتى تصير عدنة كتاكيت مستقبلاً ونصير نسابة
ضحكت بصوت عالي شمرت الفلوس بوجهي گامت لزمتني من حنجي تغيرت تعابيرها
باوعتلها بستغراب حجت بضحكة :انتي بت منو هاي مو تربية راشد لان كل خلفتة ثولان
أزل: بالله اني معروف اصلي انتي لبت منو من يا شارع بلا زحمة
نبتت ضفرهة بخدي حجت راصة على سنونهة : بت قصي مو ؟
أزل:تربيتة
.
.
هُـزي إليكِ جذع قلبي
يتساقط عليـكِ عشقاً جنياً
عن حب متأخر
و رجل عاش على فتات المشاعر
ولما اصتدم بموجة من العاطفة
أبت اقدامه ثبات
واندفع بالاتجاه الخاطئ
عن فتاة عاشت ولدت من احضان الحب
ولما جاءها العشق بكأس مسموم
تراجعت عنه كرهاً.. وخوفاً
.
.
رواية رومنسية درامية
يمكن ماتلگون اكشن و انفعالات هواي بيها
لعنة تاء التأنيث
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
لعنة تاء تأنيث || باللهجة العراقية
Romanceخائفة من كون هذا الصبر لا نهاية له وهذا الألم سيطول أكثر وأنا أتاكل كل يوم اقول انها اخر انتكاسة .. اخر لحظة تماسك .. سيمضي ...سيمر .. لكن التعب لا ينفك عن التراكم في عظامي وكل عظمة تقول للأخرى لاتتكأي عليه . . " كـان الوقوع لعينيك أجمل شيء و أكثر...
