لعنة تاء تأنيث || باللهجة العراقية

البارت السابع عشر

-بأسمه تعالى -
-لعـنة تاء التأنيث-

أتمنى الكم قراءة ممتعة✨
لاتنسون التصويت و تعليق تفاعلو حتى يصيرلي واهس اكمل 🦋❤️

في وطني تنحر الأغاني
على أكتاف الموائد
كوجبة دسمة وتقدم
للضيوف العشاق
ومن يأكل يسمع أنين
الملاعق على الالسنة

قـمر

فتـرة احنة يم بيت عمتي مامرتاحين متقيدين و مقيديهم اجة بابا مرة وحدة شافنة ورجع

مر اسبوع اجة هاشم اخذنة اجرو بيت قريب على المنطقة كل واحد جاب مرتة و اجة

جنت مضايقة البيت مو كلش جبير مامتعودة عليه محبوسين و لازم واحد من الولد يمنة

جان قريب على اعمامي و اربع وعشرين ساعة كعدات و هوسة وتعال اطبخ و تعال قدم جاي و ضيافة

فتحت الثلاجة طلعت براسيتول شربت وحدة طفيت الجاي خليت الكوابة بالصينية نفتح الباب

دخل اركان توة جاي هاي الفترة كلهة هاشم يمنة ضليت اباوعلة خاف سكران و يفضحنة يمهم

انتبه عليه عاط بعصبية:شبيييج صافنة

قمر: كلشي مابية هاي ضيافة منو ياخذهة

فتح الباب صاح واحد من الولد اجة اسمع ضحكتة يسولف سلم على اركان رد عليه بدون نفس

مر مني حجة برود: هذا تميم نطي الصينية

احس الاسم مألوف علية فتحت الباب مديت الصينية : تفضل

اخذ الصينية حجة بضحكة:هاي شنو قمر الدين صايرة تخجلين

ذكرت الاسم مديت راسي اتأكد شهگت عزا هذا ابن عمتي رشاد مصايب الطفولة كلهن كدامة صايرات

اذكر دگايگي وجهي صار احمر من الفشلة هوة يضحك علية حجيت بهمس:هلة تميم شلونك

تميم: الحمدلله عيوني انتي اخبارج شهل الغيبة الطويلة

قمر: بخير تسلم انتة الماموجود

تميم: حقج والله تدرين دراسة و لعبان نفس

قمر:الله يوفقك

رجع ضحك مرتكي على الحايط:خرب يومج مامتعود عليج نازكة

قمر: ترة جنت صغيرونة

تميم: صغيررون يابعد اهلنة وبـ..

بعدة مامكمل جملتة سمعت صوت شهاب وراه صاح:  تميمم وگفتك مو حلوة

ندار عليه رد يستهزئ: خليلها مكياج شهوبييي

شهاب: زعطوط ماعليك عتب تعال يالله عوف السوالف 

ندار علية حجة بهمس: صهاريج سفن ماتهضمة

ضحكت سديت الباب اسمعهم واحد يذب حجي على الثاني نضفت المطبخ وراي