لعنة تاء تأنيث || باللهجة العراقية

البارت السابع

-لعنـة تاء التأنيـث-

-فـدك فاطمـة-

﷽

خليت ايدي على راسي وين راحت طلعت ادورها برة بالحديقة اتختل خاف واحد يشوفني

رجعت للغرفة افر بأذاني حجت قمر بشرودة:خاف راحت الة

ضليت ساكتة اباوعلها بگلبي ادعي كون مو صدك تبادلنة نضرات بخوف گامت قمر رجعت دور وياي

مالگيناهة مبينة مو بالبيت صعدت اركض اطلع بملابسي لبست ردائي خليت شال على راسي

قمر:صدك تحجين وين رايحة بهل ليل

أزل:لعدد شسويي شسوي ادري بيها وين ولت

قمر:لعد انتي وين رايحة

أزل:لست نهال تعرفين عنوانها

هزت راسها بخوف متوترة : خليني اروح وياج اخاف عليج

أزل:اي اخذج انتي و بسمة و بشائر هم للواهس و نروح هدادات

قمر:كافي تزومخين علية اني شكو ما انتبهتي عليها انتي لو ملتهية بالجامعة تجينة يومين بالاسبوع ومسوية بيها الاخت الجبيرة المسؤلة

باوعتلها شگللها مادري نطتني العنوان وگفت يم الباب حجيت احذها: قفلي الباب اذا كلش اجة احد سأل علينة طلعي حجة اي شي

قمر:ديري بالج فدوة بس شوفيها اذا مو يمها ارجعي

أزل: طبعاً ارجع شعدي مگابلتها

طلعت امشي على طروف اصابعي نزلت الدرج بحذر اباوع كل شوية للغرف خاف يگعدون

مريت بهدوء من غرفة بابا وصلت للمكتب لازمة المفتاح بأيدي ارعش من الخوف و القلق

مليون فكرة احت ابالي وين ولت هاي لفيت الكفتاح بشالي حتى مايطلع صوت دخلتة بالقفل

دخلت مكتب بابا على ضوة اليجي من شباك
فتحت الجرارات طلعت سلاحة ضميتة جوة

ملابسي طلعت بهدوء رحت لورة البيت اتختل گلبي يدك بقوة عدنة مخزن صاير بصف حايط كلش

وبي درج يصعد فوك شمرت جنطة و صعدت ضليت على حايط محتارة شلون اطفر قويت روحي نگزت

شاطت روحي طحت على صفحتي و المسدس نبت بخاصرتي شتعلت روحج ناز شلت جنطة لابستها امشي و اتلفت لا واحد يشوفني

رحت للشارع رئيسي فارغ قليل سيارات گوة وكفت تكسي يباوعلي بطرف عينة

حجيت بتوتر: تروح لهذا العنوان