لعنة تاء تأنيث || باللهجة العراقية

البارت الرابع و العشرون

-باسمه تعالى-
-لعنة تاء التأنيث -

التصويت و التعليق لطفاً
اتنمى لكم قراءة ممتعة

اعذروني على الاخطاء الاملائية ❤️
اعرف تأخرت بس لو تقرون البارت تعرفون ليش كلش طويل و هواي لان وعدتكم ابارتين و مكدرت مريضة كلت اعوضكم
اريد تفاعل حلو حبايب گلبي حتى اتحمس للجاي لان بدت الأحداث تقوة يراد اكتب هواي

.
.

ستزُوركُم أفعالكُم فلا تُفجَعوا منها .

.
.

يمامة

نـزلت اركـض ورة ماما احجي بتوتر:فدوة يوم انتظري بس افهمج

رقية: كلشي ما اسمع منج وينة رقمة لهذا المدهور ضاع علية تعاي لجج شروق

طلعت رباب من المطبخ حجت بأستغراب:شكو شنو صاير شبيهة عمتي

رقية:گولي شنو المابيهة جايبلي بلوة يريد يصخم وجوهنة

يمامة:يمة اخت صديقة و ساعدها يعني شلون يعوفها بالشارع

رقية:ولجج يا صديق هذا ياصديق قليل غيرة يشمر اختة على صاحبة انتي الغبيرة صدگتي اذا مامصخم وجوهنة انة معتبة

اتصلت على يسار مرتين يطلعلها مشغول گعدت بالصالة دور على رقم امير تريد تتصل بي

رن موبايلي بأيدي جان يسار فتحت خط اول مافتحت اجاني صوتة يلهث:يمامة طلعي ازل ضميهاا بسرعة بسرعة استعجلي ماريد اثر يبقى

يمامة:شنو يسار شكوو وين انتـ..

قاطعني بعصبية: موو وگت سوالفف بسرعة اني بالطريق ضمي ازل اخوها جاي يموتها

توسعت عيوني بصدمة حجت ماما بصفي:ولجج هذا المگموع نطني اياه خل اطيح حظة جيبي الجهاز جيبي

هية من جهة و يسار يزمخ من جهة نثولت سديتة رحت اركض فوگ وراي اشراقة

يمامة:طلعي ملابسها من الحمام بسرعة

دخلت سحبت ازل كلشي مامفتهمة رجلية صارن خيوط اسمع اصوات قريبة علينة

صعدتها اسمع صوت زلم جوة و صياح ماما نزلت رجلية وحدة طگ بثانية صار گدامي رجال

يصيح بعلو صوتة لاگاني على الدرج دفعني وصاح :لججج أزل اطلعي احس ما خليج تندميين طول عمرج

فتح باب السطح و صعد لازم اسلاح بيدة و ملابسة عسكرية گعدت على الدرج ادية ترجف
مخليتهن على اذاني