لعنة تاء تأنيث || باللهجة العراقية

البارت الخامس و الثلاثون

-بأسمه تعالى-
-لعنة تاء التأنيث -
.
.
اسفة على التأخير بدلت جهازي و مشغولة وهم جنت بالزيارة فأعتذر منكم مابقى هواي بالاكثر بارتين

.

.

التعليق و التصويت لطفاً
اتمنـى لكم قراءة ممـتعة
.
.

ساعتها تعرف صدك
من أيدك شضيعت
بس وين تندلة
المثلي ماينسي
ولا تكدر تبدلة
.
.

أزل

نسحنت سحن من الخوف احرك بأيدي اريد اطلعها ماگدر كل حركة راسي احسة يتكوم گبالي من الوجع

احس بحرورة على علباتي شي ينزل لظهري عيوني من وحدهن ينسدن يصيرن ثگال غمضت مادري بروحي

وعيت على ضوة قوي بوجهي فتحت عيوني اباوع حولي بستغراب گعدت خليت ايدي على راسي من الوجع

اتلمس الضماد عليه ماكو صوت يمي بس البنگة اطگ و تهتز گمت دايخة راكية ايدي على الحايط

توقعت الباب مقفول بس انفتح بأيدي اسمع صوت برة مشيت بخطوات مترددة لجهة الصوت شفت بنية واكفة گبالي مغسلة

شافتني بالمراية ندارت توسعت عيوني حجيت بصدمة:ذهببب

ذهب:زين تذكريني

أزل: شتريددين منيي اني وين شجابج انتيي مو بالسجن

ارتكت على مغسلة و حجت: طلعت لعد ابقى خايسة هناك

أزل: شنو تردين مني ماذكر ضريتج بشي ليش جبتيني هنا

حجت برود متوجهة للبراد:اكو علاج براسيتول يمج هذا ماي اكيد راسج يوجعج

درت وجهي منها اتلفت بالبيت من وضحلي الباب الخارجي رحت فتحتة طلعت للحديقة وصلت للباب مترددة

شلون اطلع هيج بملابس البيت شال مالابسة التفت لصوتها من حجت: شبيج خايفة ما اسويلج شي تعاي

رحت للباب الخارجي مقفول حاولت اسحبة مانفتح السرگي موجود بس فوك منة مخلين قفل رجعت حجت: عيني ادخلي شنو الهة داعي هاي التصرفات

لميت شعري راسي بس المسة يوجعني تلفت داير مدايري لگيت كرسي بالحديقة سحبتة خليتة بصف الحايط

صعدت اول ما لزمت الحايط حجت بهدوء : مانصحج تطلعين دنيا ظهر و هاي المنطقة مو أمان

أزل:ما احتاج نصايحج

گوة گدرت ارفع جسمي للحايط صعدت ورة ما زلغت رجلية و ادية عيوني برة الشارع ماكو اي بشر بي