لعنة تاء تأنيث || باللهجة العراقية

البارت الثالث و العشرون

-باسمه تعالى-
-لعنة تاء التأنيث -

التصويت و التعليق لطفاً
اتنمى لكم قراءة ممتعة

اعذروني على الاخطاء الاملائية ❤️❤️

كـلشي ضَـدي
أنتة ضدي،و هلي ضدي
و الناس ضدي ، والقطارات
المصيبة ماتجيب عزاز بس تعرف تودي

يگـول حتى السكتـة رد ، و عدم الرد رد همين صوت السماعة وهية تنغلق عصر گلبي عصر

حسيت روحي هلكدوتي طحت من عيني رغم الصوت اليمي احس هدوء بقيت صافنة على الجهاز فترة نضربت بجتفي وگع الموبايل

اشوف شاشتة تضوي واسم" يسـار "موجود ردت احرك جدمي ارجع ارد بس عزت علية نفسي

ليش غلقة ورجع اتصل يمكن عبالة رجعت الجهاز للدكتور عفتة مشمور تحركت احس تعب الدنيا كلة بية

وصلت للباب مال المستشفى اريد اطلع نعتت ايدي من ورة التفت اشوف الدكتور لازم جهازة مداه الي

هزيت راسي بلا نفسيتي قفلت سحبت روحي و طلعت ابو التكسي گتلة انتظرني الحمدلله طلع خوش ولد صدك انتظرني

صعدت نطيتة عنوان بيت عمو گعدت اديه ترجف ماكدر حتى الزم بيهن شي وصلني يم بيت عمو

اشوف الولد واكفين مازن و وسام و صب على جهة موبايلة بيدة مبين معصب اول ماوكفت السيارة صارت عيونهم عليها

نزلت اجاني وصب بسرعة عتني من جتفي حجة بحدة: وييين جنتتييي شلوون ترجعين وحدجج

أزل:كروة ماعندي ادفع لابو السيارة

عصر زندي بيد و مد ايدة طلع فلوس دفعلة وسحبني وراه اسمع مازن و وسام يرزلون بية

دخلني للبيت مبين كلهة جانت مخبوصة علية رغم ما طولت هواي ايدي وجعتني لازمها حيل

فتح باب الغرفة دفعني سداه وراه حجة بعصبية:وووين جنتي

أزل:ببيت عمتي رَشاد

وصب: خابرني فاضل گال رجعت وحدها من ساعة همة ذولة عنة بعد شارع

أزل:يعنيي شقصدك وين جنت العب اجرت سيارة ورجعت

وصب:وليش ما رجعتي وية فاضل

أزل: عمتيي زعلتنيي ماردت ارجع وية وياهم

وصب:ازل رحمة لهلج المشاكل فوك راسي لا تزيدينها راجعة بتكسي وحدج انة ادرري شنو يصير وياجج منو هذا المأجرتة ازل انتي امانة هنا شلون اباوع لأبوي اذا صارلج شي