لعنة تاء تأنيث || باللهجة العراقية

البارت الرابع و الثلاثون

-بأسمه تعالى-
-لعنة تاء التأنيث -

أريـد أصفـن بوجهـك
صفنـت الميتيـن
.
.

لاتنسـون التعليق و التصويت
اتمنى الكم قراءة ممتعة 🤎🤎✨

مابقى للرواية الة كم بارت
لذلك تفاعلوا حتى نوصل للنهاية

.
.

قـمر

سديت باب الغرفة بهدوء اباوع لعلا صافنة ايدها على خدها خطية مقهورة على امها اللي نامت بغرفة عمتي

ورة ما تخربطت كلش اخذوها للمستشفى بقت هناك اربع ايام محد سأل عنها و لا گالو وينها

لا هاشم المشغول بسالفة البيت يردون يقسمونة كل واحد ياخذ حصتة من الورث صاير معارك هوة و مصطفى

و ولدها من رجلها الثاني محد يرد على جهاز ولا شالو الاء ماقبلت تعوفها جابتها هنا يمنة

هية ماتحرك لا رجل ولا ايد ضغطها معلك عيونها ماتكدر تفتحها خليت الشال على راسي طلعت فتحت الباب

بت جيرانة دكتورة اجت تضربها ابرة و تشوف ضغطها دخلتها عليهن رجعت للمطبخ اكمل شغلي

اجة عمي يسال على شهاب گتلة نايم رجع للاسقبال يحجي عليه لان گالة نظف السبلت وشهاب يتعاجز

كملت العشة صعدت للغرفة اگعدة فتحت الباب الغرفة ثلج هوة گاعد مرتكي على الجرباية جهازة بأيدة

حجيت اشغل الضوة:رجعت حليمة لعادتهة القديمة

رفع عيونة اي رد بملل: ابطل ما الزم جهازي

قمر: لا جاي اشاقة يالله انزل راح نصب العشة و عمي يسأل عنك

شمر جهاز فتح ايدة : تعاي انطيني جرعة اتحمل بيهة ابوي

حجيت بضحكة:شگد عايق

رحت يمة  خليت ايدي على خدة دنگت طبعت بوسة يم عينة وخرت: يالله انزل

رحت للكنتور اباوعلة صافن وراي گام اجة يمي اني اطلع ملابس حجة مرتكي على الباب: تقشمريني

قمر:ليش اقشمرك

شهاب: اريد جرعة مو گرصة

قمر: مخلصين جرع انتظر فد خمس ايام ستة

شهاب: شمسوية عشة

قمر: لان كلكم هنا ولان اني احبك سويت دولمة انتة تحبها

سديت الكنتور اباوعلة اتسعت ابتسامتة خلة راسة على الخانة عيونة علية ابتسمت ردت اروح سحبني بصفة