لعنة تاء تأنيث || باللهجة العراقية

البارت الثامن و العشرون

-بأسمه تعالى-
-لعنة تاء التأنيث -

اتمنـى لكم قراءة ممتعة🤎✨

الـمفروض گـلبي بعـيد عنـك
بس أنت نـقطة ضعفي جنك
الله يوفقك كلشي ماكول
والله يتوب كلبي منك .

قـمر

صعـدت متنرفزة رگعت البـاب بكل قوتي همـزين مصطفى واگف يمة لو ما هو جان شهاب رگع راسي بالبنيد

انتـظرتة مقهورة من كمية الخبث اللي بي عمدة لحگني ما خلاني اروح للزفة شينقص من حياتك اذا رحت

صعد حرك سيارة باوعتلة بكره التفت علية حجة بخبث :معصـب الككو

قمر:مامعصبة لاتحجي وياي

شهاب: اكلي نعل نطيتج مجال

گلبت عيوني دايرة وجهي عنة فتـرة و گفنـة يم بيت عمتي رَشاد بـاوعتلة مستغربة: شعدك هنا

شهاب: اسلم على عمتي مايصير

قمر: ليسمعك يگول ميت على اعمامك

شهاب:تميم ندعم امر اشوفة عيب عمج اكل راسي

توسعت عيوني بصدمة گلبي نخمش حجيت بدون انتباه:عززا عمت عيني شلونة

خزرني سد باب السيارة قبل لا ينزل رجع التفت علية :شگلتي

انتبهت لروحي وخرت نظراتي عنة: گلت شلونة

شهاب : مرة ثانية احجي عدل لا تخليني اعلمج الحجي زين

هزيت راسي ساكتة حجة وهوة ياخذ موبايلة يريد ينزل: ضلـي هنا ادخل اسلم و اجيج

قمر: ماريد ادخل اصلا

شهاب:نزلي

قمر:ليش تخبث

فتح السيارة نزل ندار فتحلي الباب تأففت بضوجة نزلت وياه دك الباب تفاجئت من لزم ايدي

خلة اصابعي بين اصابعة سحبتها اريد افلتها عصرها حجيت بحدة:شهاااب وخر

رد ببرود: اكسرهن بس يفلتن من ايدي

قمر :شبيــك انتة شبيــك

سكتت من طلع واحد من ولد عمتي فتح الباب سلمنة عليه ماقبل شهاب يدخل وگف بالطارمة

اجت عمتي يگول جايهة وزير مو شهاب هية تموت عليهم هوة و اركان مدري شعاجبها بيهم