لعنة تاء تأنيث || باللهجة العراقية

البارت العاشر

مساء الخير شلونكم

اتنمى الكم قراءة ممتعة و لاتنسون التصويت⭐

-لعنة تاء التأنيث -
-بَـأسمه تعـالى-

فتحت الباب طلعت بخطوات ترجف وكفت على مغسلة اريد اصحة ارش ماي على وجهي احس جمر ينزل من عيوني

استندت على الحافة مدنگة اني حرفياً هسة مرعوبة گلبي يرجف مصيبة طاحت على راسي

المن احجي منو ليسمع منو الاثق بي محد اخواتي العدو احسن منهن قمر و ناز صغار ماريد احملهن هيج حمل

دگ جهاز وصب بأيدي جانت غصون رفضتة طلعت اقدم خطوة اخر وحدة احاول اتماسك

مو هنا ازل مو هنا قوي گلبج لا يحسون مو بس انتي تنتهين وياج روح ثانية وياج ناز هم كلشي يصيرلي ولا يلوحهة شي

صعدت بالمصعد اباوع لوجهي بالانعكاس مال الجامة شوية وانهار من رعب و الخوف افكار تجمعت براسي

شكد صار راح يكبر بداخلي راح يبين علية حتى لو زوجت وصب حتى لو ما تممنة زواجنة اني منتهية على هاي الحال

شلون اذا تعلقت بي لا ازل ديري بالج نهايتج بهذا الحمل لازم اخلص منة قبل لا احد يعرف

خليت ايدي على حلگي امنع شهگاتي شلون روح بريئة بداخلي اموتها شلون اعيش راسي نثول

وصلت للغرفة بدون ما احس على روحي لازمة ايدي لترجف من خوف ورعب فتحت الباب ابلع ريگي بتوتر

ضامة جهاز جوة برداني كعدت على كرسي كلهة ملتهية سولف انتبهت ثنين ولد عمامي موجودين قيس و شهاب

ذولة اكثر ثنين فطنين يلگطونها وهية طايرة ندست وصب مديت ايدي انطي الموبايل

صار جنة لازم ايدي عيون شهاب علينة بشمأزاز واضح اخذ جهازة وصب ضماه جوة البطانية عدلت گعدتي

ضامة ادية جوة العباة لان اصابعي ترجف كوة كاعدة صابرة ما ابجي حجة وصب بهمس:شبيج لونج مخطوفة

رديت برجفة:شفت واحد جايبينة مسوي حادث خفت من شكلة

وصب:ايا رقيقة مادري بيج

أزل:اسكت وصب لاخلي ادية برگبتك

باوعلي بنص عين حجة بخبث:لهدرجة كاتلة روحج علية و على رگبتي

ضربتة على جتفة بأنزعاج اني وين وهوة وين الاثول تحمحم شهاب عدل گعدتة وصب دار وجهة يدردم

گام بابا يعدل بسترتة: يالله عيني اخذتجن السوالف خل الولد ياخذون راحتهم

حجة وصب يتذمر: گول خل وصب ياخذ راحتة رجال مصاب مو معرس كل شوية طابتلي جوكة مال زلم و نسوان

اسراء: تعود عمة باجر تعرس يجونك اكثر

رشاد:خاف هسة نجيك بالليل بعرسك من صبح فوك راسك تلگانة