بسم الله الرحمن الرحيم
الكاتبة ملاك الربيعي
حساباتي تابعوني ححبايبي
Snapchat -: laaaaaaal9
Tek Tok -:l-aaall
hstatgram- laaaaall9
بلعت ريكي واكفة وصافنه عليهم سديت الباب برا وطلعت جنطة صغيرة خليت بيها ملابسي ودموعي تنزل كافي نذليت بمافية الكفاية حطيت كلشي يخصني لبست عباتي وطلعت براحه وصلت الباب الرئيسي اجتني دوخه قوية لزمت الحايط شوي وكملت مشي دموعي تنزل وين اروح لمنو انطي وجهي شراح اسوي الهلي ساعدني كملت مشي وصلت شارع عام وكفت سيارة وردفت باسم المكان باوعلي بستغراب خزرته وهوه مشة بعد فترة وكف كدام المكان رجعت همات اجرت سيارة ثانيه مشت سيارة ثلاث ساعات كل هذه ودموعي تنزل جمر ع خدي هيج بهسوله يصير بحالي انتبة ع الكلمة .
" بغداد السلام ترحب بكم"
غمضت عيوني خليتة يوكفني بمكان عام انطيتة الكروه ونزلت بقيت امشي اريد اندل دربي ماعرف وكفت كدام اسواق كلت بلكي يندل شقة فنادق.؟
دخلت للمحل اخذت بطل مي حمحمت وردفت.
رفل -: عفية يولد تندل هنا فندق او شقه للايجار.؟
-: والله هنا ماكو فندق بس اكو بغير مناطق وشقق هنا كلها مجريها.؟
ابتسمت تشكرت منة وطلعت باوعت ع ساعه راح تصير 12 بليل وين اروح اني.؟
بطني توجعني بسبب طريق وهيه كالتلي لازم اكعد طفل نازل نزلت دموعي خايفة لا ينزل صرت امشي ع كيف دخلت منطقه محلو شكله اجيت ادخل بس استوقفني صوت ولد هوه يمشي بتجاهي وردف.
-: اذا دخلتي ع بالمنطقة بعد من سابع المستحيلات تطلعين منها بسلامات انصحج لا دخلين
استغربت هذه شيحجي وشنو هاي المنطقه ردفت.؟
رفل -: عچل خوية بلا زحمه شصاير شبيها المنطقه اني هنا جديد ما اندل.؟
-: مو اكول شكلج مو من هذني المناطق طلعتي انبارية اسمعي يابة هاي المنطقه كلها دعارات واسلحه وعرك وملاهي اذا تريدين تعيشين مرتاحه لا دخلين بهاي المنطقه وبس.؟
-: بس ماعندي مكان اروحله واني حامل وطفلي مهدد بالاسقاط .؟
-: اهلج وين عنج زوجج ليش عايفج هيج معقولة اهل الانبار هيج زلمهم تخلي نسوانهم.؟
بلعت ريكي شحجي هسه ردفت واني امشي بغير اتجاه.؟
رفل -: شكراً ع نصيحه ما قصرت باي
مشيت بقيت فترة امشي تعبت كلش وبطني صارت توجعني كعدت ع طابوكه لزمت بطني حيل حسيت ع حركه باوعت نفس الولد استغربت معقولة بيت بنفس الطريق الي جاي اروحله كمت اخذت جنطة ومشيت حسيت ع صوت حمحمه باوعت نفسة رفعت حاجبي بستغراب اجيت احجي بس قاطعني من حجه.؟
