"ဒေါက်တာနောင်ရိုးရဲ့ဦးလေးဆိုတာဟုတ်တယ်နော်"
ဦးမှိုင်းကြောက်ကြောက်လန့်လန့်နှင့်ခေါင်းငြိမ့်လိုက်သည်
သူ့ရှေ့ကရွှေရောင်မျက်နှာဖုံးပိုင်ရှင်ဟာငယ်ရွယ်တယ်ဆိုပေမဲ့
သူ့ဆီကအရှိန်အဝါက Lion ထက်မကြီးရင်တောင်
Lion ထက်မလျော့ဘူး
"ခင်ဗျားကျုပ်နဲ့အပေးအယူလုပ်မယ်ဆိုရင်ရော စိတ်ဝင်စားလား"
ဘာအပေးအယူမှန်းမသိတာကြောင့် ဦးမှိုင်းဟာချက်ချင်းခေါင်းမငြိမ့်ရဲပေ...
"ဘာအပေး..အယူလဲသိခွင့်ရှိမလား"
"သိပ်ရှိတာပေါ့ ခင်ဗျားနဲ့ကျုပ်အပေးအယူကသိပ်မခက်ပါဘူး
Mr.Lion လက်ထဲကခင်ဗျားတူကိုခေါ်ထုတ်ပေးဖို့ပဲ"
ဦးမှိုင်းစိတ်ထဲဇဝေဇဝါဖြစ်သွားသည်
ဒီကောင်လေး သူ့တူကိုဘာလုပ်ဖို့လိုချင်တာလဲ
သူတွေးနေတာကိုရိပ်ဖမ်းမိပုံရသည့်ကောင်လေးက
"ခင်ဗျားတူကိုဒုက္ခပေးမလို့မဟုတ်ဘူးဆိုတာစိတ်ချလို့ရတယ်
ခင်ဗျားသာအပေးအယူလက်ခံရင် သိန်း ၂၀၀၀ ရမယ်
ဘယ်လိုလဲ လက်ခံမလား"
သူ့တွင် Lion ကိုသာအကြွေးပေးစရာရှိတာမဟုတ် တစ်ခြားအလောင်းကစားဝိုင်းတွေကိုပါအကြွေးပေးစရာရှိသည် ဒါကြောင့်သူအပေးအယူကိုလက်ခံသင့်သည် သူ့အတွက်နစ်နာသွားတာမှမရှိပဲ
"မောင်ရင်အနေနဲ့ဘာကြောင့်ကျုပ်တူကိုလိုချင်တာလဲအရင်ပြောပြနိုင်မလား"
"ခင်ဗျားတူက Lion ရဲ့အားနည်းချက်လေ
ဒီလောက်ဆိုသဘောပေါက်ပြီမလား"
ဦးမှိုင်းခေါင်းငြိမ့်ပြလိုက်သည်
ကြည့်ရတာဒီကောင်လေးက Lion နဲ့ရန်ငြိုးရှိပုံရတယ်
သူလည်း Lion ကိုမကျေနပ်ဘူးဆိုတော့အခါအခွင့်သင့်တာပေါ့
"မောင်ရင်ကမ်းလှမ်းတာကိုဦးသဘောတူတယ်"
ထိုအခါကောင်လေးကသူ့ကိုကဒ်တစ်ကဒ်ပေးလာတယ်
"ဒီကဒ်ထဲငွေသိန်းသုံးရာရှိတယ်
စရံပေးတဲ့သဘောမျိုးပဲ ကိစ္စအောင်မြင်ရင်တော့သိန်းနှစ်ထောင်အပြည့်ရမယ်"
ဦးမှိုင်းလောဘရောင်တလက်လက်ထနေသည့်မျက်လုံးတွေနှင့် ကဒ်ကိုအလျင်အမြန်လှမ်းယူလိုက်သည်
အဲ့ဒီနောင်အပျော်တွေဖုံးမနိုင်ဖိမရဖြစ်ပြီး အထပ်ထပ်အခါခါကျေးဇူးတင်စကားဆိုလိုက်သည်
ထိုအခါရွှေရောင်မျက်နှာဖုံးအောက်ရှိလူငယ်လေး၏နှုတ်ခမ်းတွေဟာလူယုတ်မာဆန်ဆန်တွန့်ချိုးသွားသည်
'အဟက်! တကယ့်လောဘသားကောင်ပဲ ငွေအတွက်သွေးသားကိုတောင်ဂရုမစိုက်ဘူး'
YOU ARE READING
Mr.Lion
Romanceလူတွေကကိုမုန်းတဲ့အရာတွေကိုသာရရှိပိုင်ဆိုင်တတ်ကြသတဲ့ အလောင်းကစားအလုပ်ကိုရွံ့ရှာမုန်းတီးတဲ့ ဆရာဝန်လေးနောင်ရိုးတစ်ယောက် အလောင်းကစားဝိုင်းတွေအများကြီးပိုင်ဆိုင်ထားတဲ့မာဖီးယားတစ်ယောက်နဲ့အကြောင်းပါလေသောအခါ...
