سكاكين بالدماء ملطخه

part"1"

مرحبا ..

في الحب وفي اشياء اخرى البدايات دائماً تكون جميله والنهايات سيئه
لكن في الروايات العكس تماماً
لو لاحظتم ان كل البدايات في القصص هي السيئه والنهاية جميله ومُرضيه.. اما هذه القصه
ربما تكون غيرهن وربما اجمل!!
لا اعلم وربما اعلم!
لا تعلمون وربما ستعلمون
كل الذي سنفعله انا سأكتب وانتم تقرأون
لنكمل ونرى ماذا سيحصل في النهايه
هل هيَ كغيرها ام تختلف هـذه الروايه ؟

الكاتبه : نياسو .

بسم الله الرحمن الرحيم
.
.
.
والروح أجتي مسودنه ،
وأشبگها وي روحك شبگ
لا تبچي أطيح وي الدمع
والروح أسويها نفس ..
ومناشغ أشهگها شهگ ،
وبريتك يا ريتي ..
لمن أصيرلك نفس ،
لا أخنگك ولا أختنگ
- جبار رشيد

ماهر&خوله

~~~~~~~~~~~~~~~~~~~¥¥

عيني على الساعه انتظر مدري شتاني ..

الساعه ٤ ونص العصر كتابي گدامي اقرا ورقه وساعتين اصفن اتذكرها وتجي على بالي شوكت تجيني واشوفچ؟

شوكت ياعزيزة روحي مو حيلي انهد ..جوه عيوني اسود الليل كُله مابطل نوح وبچي حيطان غرفتي تشهد عليّ ..بكل زاويه انا نايمه اتذكر نمت بدون غطى

رغم جنت ثاني يوم من اكعد الگا ابويه مغطيني ..ابويه مو امي ..

اوقات اصفن واكول ليش الله يخلي بدربي كل انسان صعب ننجمع انا ويا؟
لاا انا ما اعترض على حكمة ربي لكن هو سؤال امنيتي اعرف جوابه

نزيت على صوت حنييين
:-غيوده بابا

شمرت الكتاب يولي ونزلت ...
هاي انا غيداء عمري ١٧ عايشه طول عمري بحضن ابويه ماهر واخويه كُميل ..اختي الجبيره ريتاج عمرهه ٢٧ ..وعندي صديقة عمري مرام

امي..
اتعب من احجي بيها ..
لسه أتذكرها رغم مره هيَ مره شفتها بيها ولمتني بحضنها باستني وشمتني..
مره كتلها يمه
مره گلتلي بنتي..
وبعد مالگيتها ولاسمعت عنها خبر..
بس احبها روحي من الدنيا عزيزة روحي..

تنهدت ورجعت ابتسم ماريد اكتئب بالنهار ابددد متعددة أظهر للكل انا غيداء القويه الفكاهيه الصلفه بس لمن اكون لوحدي كُلي اتغير ابچي وانوح واطلع كل البجي الحبسته بالنهار ...جريت نفس عميق وصرت انزل الدرج بايتين بايتين اطفّر على گولة بابا مثل البريزگي ..

:-كُميلل ولككك كُميللللل

كُميل:-شبيچ وهرررش
غيداء:-وين بابا هستوه صاحني