سكاكين بالدماء ملطخه

part"11"

تصويت وتعليق بين الفقرات
فضلاً وليس أمراً

قدروا تعبي البارت كلش طويل

بسم الله الرحمن الرحيم

الحِزن تَيه الوادم وانتچَه علينا

قراءه ممتعه

~~~~~~~~~~~~~~~~~~~~~¥¥

مرام &&

بمجرد ما اكتمل من قراءة الشعر واني واكفه بوجهه نترت مصدومه
:-ليش اجيت ليششش تأذي روحك بالزايد هيج شصايرلك انتَ مو كُميل الي نعرررفه

لزم الميز البصفه شعره مخبرط عيونه مصبوغات احمر حتى الخضار البيهن صاير بي حَمار

جر نفس طويل يريد يمد ايده المجروحه ويلزمني رجعت ليوره بفزه مصدومه فاتحه عيوني كلهن
:-ديرببببالك كُميل لتخلينييي اكرهك

ما مخلصته كلامي بعدني ودفعني على السرير بسهوله كدر يوگعني وبتصرف جريء خسيس ماحاس على روحه ميعرف شيتصرف هذا الانسان التايه الحاير

خله راسه بنحري يشمه ..
دفعته اريده يوخر جسمي هذا جسمي صار يرعش من الرهبه الحسيتها
مثبتني ادية لازمهن قوي وحاط وجهه برقبتي يشمها
رفع راسه وصار يبوس بكل وجهي انش انش باسه فرفحت وبجيت بجي ماصاير دايجبرررني هذا يجبررني

مرام:-لابروح جدك لتخليني اكرهك بداعت كل غالي عندك

همس بروح شايغه
:-اجيت اشمچ
اجيت اخذ روحي الضلت يمچ
هاي اول واخر مره اشمچ بيها وابوسج ، اذا ما مسوي هيج يضلن بنفسي طول العمر ماتتهنين اخاف ماتتهنين وأنا بنفسي ابوسج

كام عني لفيت جسمي مثل الجنين صافنه بالفراغ كلماته طبعن براسي بعد ميطلعن وهو واكف فوك راسي دگ موبايلي جره ورفضه ، دنك وهمس

:-راح احاول بكل ما بوسعي ماياخذج غيري لا تصدكين اتركج اله ، احاول بس ما اجبرج ابد ما أجبر أحد عليّ

طلع وسد الباب وراه ركضت اباوعله شلون يطلع خفت عليه والله خفت خاف بابا يشوفه بس الحمد لله عبر من السياج وراح مشي مو بسيارته اتوقع

رجعت طبيت وكفت مقابيل المرايا ما اتقبل قُربه اجيت اموت هوَ يشمني ويبوسني واني اجه براسي ابلج لو دره شيصير ؟ تقوم القيامه يمكن ما استبعدها يتكاتلون

بس اكيد اني ما اتصرف بغباء رغم السواه كُميل بس ذرة حقد ماعندي اله ماااا اكدر أحقد عليه مو بسهوله يمكن لو يدمرني اني ما راح احقد عليه هلكد ما عزيز عليه ويه روحي احسبه اخو كلششش عزيز

والله اذا سألوني أنتِ عندج اخوا اسولفلهم على كُميل يشهد الله عليه .

نمت ساعه مو اكثر وكعدت وأتذكر كُميل وسوايته حاولت اتناسه وماكدرت كل ما اصفن اجر حسره بيها الم بيها تعب بيها حيره