لطفاً ، ارجوا التفاعل .
اهذه الحياة ؟
اهذه البدايات ؟
اهذه عيناك؟
وعندما رأيت عيناي هل احلوت دنياك ؟
نياسو .
بسم الله الرحمن الرحيم...
من شفك وحگگ تيهت دربي
ماگلك متت بس انخمش گلبي
اياد .
~~~~~~~~~~~~~~~~~~~~~~~~~~¥¥
غيداء&&
واگفه بچادر الصلاة
هستوني خلصت قراءة القرآن ووگفت اقره واجباتي مانزعت الچادر استمريت إقره هاي الساعه عبرت ال٤ الفجر وليهسه مانمت دروسي مال اليوم مامكملتهن گعدت عليهن بالوحده وماخلصتهن كلهن
سالفة امي شغلت بالي يعني اقره صفحه واصفن ربع ساعه ياله ارجع اقره وحده لخ
تعبانه ومنعسه مع هذا لبست زيي المدرسي وطلعت مريت على غرفة كُميل باوعت ليهسه على نومتهم ذابين أرواحهم ..امي وعلى صدرها ساحبه كُميل النايم والراحه مبينه بوجهه ...وريتاج ابنها نايم على أيدها ..ابتسمت بحزن ونزلت اريد اسوي ريوگ لگيت ابوي واگف يقلي بيض ..صبحت عليه اباوع لوجهه التعبان مبين همينه مانايم
خذيت منه وصرت احضر الريوگ وهو يگلي
:-اساعدنچ بشي بويه
غيداء:-لا بويه اگعد هسه اخلص ماعندي شي
هز راسه لابس الزي والرتبه مزينه چتافه العريض والتعب واضح على وجهه كعد ويدخن جگاره وره الثانيه.يطحن بروحه طحن ..اردفت بهدوء
:-شراح تسوي اليوم
ماهر:-الاگي ابن الكلب واجبره يطلگها
غيداء:-ووراها؟
صفن يباوعلي هز راسه وگال بتنهوده
:-الله كريم
وتكمليلي الصار ويا خوله مو عبالچ اعوفنچ
تهربت منه ساكته تريگنه وانا اجاني الخط طلعت وهالمره روحي من الداخل والخارج مطفيه التعب خذه ثلثين حيلي هذيچ وويني مبينه مانايمه ولا ضايگه طعم النوم
الليله المرت مؤلمه لكنها جميله
أمي يمي بس حزينه.
واصلت الدروس وگدرت مرام تعدل ولو شواي من نفسيتي الزفت.رجعت واشوف امي واگفه منتضرتني وهاي اول مره تحصل وياي بعمري وحياتي بحيث ويا ماشفتهه واگفتلي بالباب تلقائياً بچيت مامصدگه
وركضت عليها ابوس بوجهها وبديها وطلع وراها كُميل ابتسم من شافنه
طبينه وسألتها على ريتاج طلعت رايحه لبيتها
بدلت ملابسي ونزلت امشي واسولف الصار بيومي لأمي طاقه عجيبه صارتلي غررييب انا انسانه أمثل الراحه من صرت لهذا يومي الا اليوم فعلاً حسيت براحه... أمي يمي
أنت تقرأ
سكاكين بالدماء ملطخه
General Fictionتلطخت السكاكين بدماء المساكين فإني رأيتهم سفاكين وفي داخلي هاجت البراكين براكين ها قد ذوِبت عظامهُم فقالوا لي "مجنونه" فما الممتع في الانتقام إن لم تقفز من حافة التعقّل ؟ قلوب بريئه تنكسر فلا اريد سوى أن تنجبر وطائـرٌ يحلق في سماء الحق وفي سماء ا...
