سكاكين بالدماء ملطخه

part"31"

تصويت وتعليق بين الفقرات
فضلاً وليس أمراً

بسم الله الرحمن الرحيم

چَم مرة ردت تحّجي ويجَلب بيك جّف العيب
الحَجي المّا ينحِجي يخضُر براسَك شيب .

قراءه ممتعه

~~~~~~~~~~~~~~~~~~¥¥

تحرير&&

تلبس جواريبها امي والقهر ماليها ملي على قهر عُسر مقهوره وتتحسب عَ الكان السبب بالمشكلة الصارت

وبيبي متقبل تروح ويانه دكول هسه هم تفشلني هل بليه غيـده اذا عاندت ميهمها بعد لا جبير ولا صغير المهم عندها كرامتها وبس واني كاعده اباوع مسلسل بلتليفون باوعتلي ماما وكالت

:-كومي وياي تحرير وخلي ارسلان يم بيبيتج
تحرير:-اني ؟ يااا شعندي رايحه
الحجيه:-وهاي شكو ماخذتها تحل تربط

باوعتلها مصدومه
دنيا:-لا هيَ هسه هم تحاجيها وياي دكلها حال عُسر بعدها شلونه حتى اكل ما دياكل والبيت ما لافي بي ومتدمر ابني بلياها

تحرير:-يله لعد حروح أبدل واجي
دنيا:-باعيليييييي الج ربع ساعه غيرها اعوفج واروح

هزيت راسي وصعدت شكد حاولت اكمل بربع ساعه ومكدرت ، لبست سوت وذبيت شالي بدون ما الفه وخليت مكياج وعطر ونزلت ولكيت امي عيونها براسها

:-هاااااي نزلت العروووس هيَ وحمرتها وشعرها الطااالع لفي شالج لا اهينج والله

تحرير:-شبيج امي ليش تعيطين
تأفأفت ولفيت شالي شلون مجان وطلعنا لازمه تليفوني واراسل صديقاتي اجرنه تكسي لان اخوتي طالعين ثلاثتهم وصلنا بعدما ترزلت خمسه وستين رزاله

دكت الباب ماما واني مدنگه عيني بالتليفون وفجأه اسمع صوت خله گلبي يگوم يدك طبول رفعت عيوني مصدومه وهوَ كذلك

وتذكرت كل الي صار قبل مده دنكت راسي لزمت عباية ماما وطبيت لا سلمت ولا نطقت بحرف بس من طبيت هوَ راح بالاستقبال واحنه دخلنا للصاله سلمت على الموجودين وخدودي مشتعلات بنار ولزمتني غيـده

:-ها شفتي الغالي
تحرير:-اي شفت نعالي

غمتني وكعدت وامي للمره الرابعه ترجع تحاجيها وهيَ قافله مو هسه ترجع تركتها ماما وصار كلامها ويه الحجيه

:-والله ابني غِلط بس هوَ اعصابه تنهار بسرعه عليج الله حجيه تطلع كدام صاحبه مفرعه اني وياها هيَ متدري بس هذيج الرساله الدازتها بنت حماي الادبسزز ماخلت عقل براسه يعني كل عقله غيـده هيَ الردت يكول يمة من الصدمه ايدي وحدها تتحرك ضربتها وانا ما حاس على روحي ومن حسيت كمت اركع اغراض الغرفه بس علمود ما ااذيها اكثر